Silva Gunbardhi: S’dua të më
quajnë kurvë dhe prostitutë

Mjafton një studio paksa e lirë dhe ngacmuese që personazhet të dalin nga vetja, apo më mirë të themi të jenë po aq të çlirët si jashtë kamerave. Kështu ka ndodhur në emisionin e së enjtes së Alban Dudushit ku mund të themi se ka plasur një sherr i vërtetë vlerash mes artistëve. Nga njëra anë përfaqësuesi i rrymës “rrep” MC Kresha dhe përballë tij Silva Gunbardhi.

Mes të dyve ka patur një debat të gjatë live, për vlerat dhe antivlerat e tallavasë, nisur nga suksesi i këngës së Silvës “Të ka lali shpirt” , e cila së fundmi duket se ka infektuar edhe serbët, pasi kanë bërë versionin e tyre të kësaj kënge.



Kresha nga ana e tij u shpreh se tallavaja po e dëmton muzikën shqiptare sot dhe është e tmerrshme që këngëtarët e tallavasë bëjnë shumë lekë në diasporë, ndërkohë që këngëtarët e tjerë që kanë më shumë vlera fitojnë më pak. 

Gjithashtu ai iu drejtuar Silvës duke i thënë që kënga “Të ka lali shpirt” nuk është e saj pasi në të vërtetë është një këngë rome dhe me motive të qarta të marra nga tabani i kësaj muzike.

Ndërsa në fund fare ai e pyeti këngëtaren se përse ajo i ka mbyllur komentet tek videoja e saj në Youtube dje këngëtarja shpërtheu duke i habitur të gjithë me fjalinë “ Sigurisht që do i mbyll pasi nuk lejoj që të më shajnë dhe të më quajnë kurvë apo prostitutë vetëm sepse këndoj tallava”.



Debati mes dy këngëtarëve ka qenë i nxehtë, mes vlerat dhe anti-vlerat e muzikës komerciale sot. Ndërkohë pas përfundimit të emisionit, Silva është penduar për fjalët që ka nxjerrë nga goja. 

Redaksia Online
(Xhulia Karavella/shqiptarja.com)