Skandalet e lobistëve të Lulzim Bashës/Njëri arrestohet, tjetri tërhiqet (DETAJE)

Mediat ndërkombëtare kanë raportuar se Paul Manafort, homologu i Nick Muzin, lobistit në interes të kryetarit të Partisë Demokratike Lulzim Basha, është arrestuar nga policia. Arrestimi i Manafort ka ardhur lidhur me lobimin e bërë për ish-Presidentin e Ukrainës Viktor Yanukovich.

Lajmi është publikuar nga “Washingtonpost“, ndërsa mësohet se vetë Muzin, lobisti i Lulzim Bashës është tërhequr nga lobimi për Qatarin si nxitës të dhunës ekstreme islame. Lajmi për Muzin është bërë publik nga vetë ai me anë të postimeve në rrjetet sociale, ku shprehet se, “Sonington Strategies nuk përfaqëson më Shtetin e Katarit”, – ndërsa shprehet se është krenar për punën e bërë për vendosjen e një dialogu të paqes në Linde të Mesme. 


(Muzin tërheqet nga lobimi për Katarin si nxitës të dhunës ekstreme islame)

Dorëheqja e Muzin vjen pasi, Emiri i Katarit Ysuf al-Qaradawi akuzohet për nxitje të dhunës, ndërsa “The National”, shkruan se dorëheqjet erdhën pasi Katari shënoi një vit përpjekjesh për të rritur pozitën e saj si rezultat i krizës diplomatike dhe të sigurisë me fqinjët e saj.

LEXO EDHE:
PD 2 amendamente për SPAK : Prokurorët të kenë ndihmesa! Tahiri u lirua në Elbasan, vendimet t’i japë vetëm GJKKO

Demokratët ishin ende në kulmin e çadrës së protestës, kur Basha pajtoi një nga njerëzit pranë administratës Trump, për ta ndihmuar që të përcillte vizionin dhe qëllimin e Partisë Demokratike pranë liderëve politikë dhe të biznesit në Shtetet e Bashkuara.

Disa muaj më pas, në nëntor 2017, kur çadra ishte mbyllur, PD ishte futur në zgjedhje duke dalë humbëse ndërsa Basha ishte rikonfirmuar kryetar, Nick Muzin ishte paraqitur dhe njëherë pranë Departamentit Amerikan të Drejtësisë, për të sqaruar se për shërbimet ndaj demokratëve kishte marrë edhe një tjetër pagesë, prej 150 mijë dollarësh, nga firma Biniatta Trade.

Por Lulzim Basha jo vetëm që mohon ta njohë firmën Biniatta Trade, por mohon edhe pagesën që Muzin thotë se ka marrë të saj në emër të demokratëve. “Nuk e njoh fare Biniatën. Nuk i ka dhënë paratë për PD”, është shprehur Basha.

Por sot po arrestimi i Manafort dhe tërheqja e Muzin nga lobimi për Qatar, nuk janë gjë tjetër veçse prova të skandaleve ku janë përfshirë lobistët e Lulit.


(Artikulli i "Washington Post" për arrestimin e lobistit Manafort)


(Artikulli i “The National” ku Emiri i Katarit Ysuf al-Qaradawi akuzohet për nxitje të dhunës)

Marrë nga CNA

TAG:
• lulzim basha
• lobimi
• lobimi
• lobimi rus per pd
• Biniatta Trade LP

Sondazhi i ditës:

A ka politika frikë nga SPAK-u?

• Po

  68.3%

• Jo

  27.1%

• Nuk e di

  4.7%

Vota total: 2580

• Sondazhi i ditës:

  A ka politika frikë nga SPAK-u?

  Po Jo Nuk e di