BE për REPORT Tv: Qeveria dhe opozita të kapërcejnë krizën politike

Bashkimi Evropian pret që qeveria dhe opozita shqiptare të ulen në diskutime me njëra-tjetrën dhe të angazhohen për të kapërcyer situatën aktuale politke në vend. Në një reagim për Report Tv, delegacioni i Bashkimit Evropian në vendin tonë, thotë se djegia e mandateve nuk i shërben Shqipërisë dhe se bojkoti i Kuvendit shkon kundër interesave të qytetarëve për reforma.

Reagimi i delegacionit të BE-së në Tiranë, për Report TV

E drejta e qytetarëve për t'u angazhuar në demonstrata paqësore është një tipar themelor dhe një vlerë thelbësore e çdo demokracie të pjekur dhe duhet të garantohet.

Sidoqoftë, përdorimi i akteve të dhunshme dhe kryerja e dëmeve ndaj pronës publike siç pamë të shtunën e kaluar në qendër të Tiranës, nuk është e pranueshme.

Parlamenti është baza e çdo demokracie evropiane – ai është një vend ku debatet mbi reformat dhe zhvillimet përkatëse duhet të diskutohen dhe të çohen përpara, e jo të bojkotohen.

Dëgjuam njoftimin e partive opozitare që deputetë individualë do të heqin dorë nga mandatet e tyre aktuale.

Heqja dorë nga mandatet është dukshëm kundërproduktive për Shqipërinë dhe shkon kundër interesave të qytetarëve për reforma.

Ne presim që qeveria dhe opozita të angazhohen në diskutime konstruktive me qëllim kapërcimin e situatës politike aktuale.

G.M./Shqiptarja.com

TAG:
• djegia e mandateve
• Luigi Soreca