POP 5

Lajmet më të lexuara të 5 minutave të fundit

Ekonomi

Shtrenjtimi në bursë reflektohet edhe në Shqipëri! Nga sot deri më 25 mars nafta shitet me 233 lekë/litri, 12 lekë më shumë! Benzina 218 lekë

Nga sot deri në 25 mars, nafta do të shitet me 233 lekë për litër, duke pësuar një rritje prej 12 lekësh krahasuar me një ditë më parë. Ndërkohë, rritje ka pësuar edhe çmimi i benzinës, ku nga 211 lekë që ishte, është bërë 218 lekë, teksa gazi nuk ndryshon, vijon të shitet me 93  lekë/litri.

TIRANË- Nga sot deri në 25 mars, nafta do të shitet me 233 lekë për litër, duke pësuar një rritje prej 12 lekësh krahasuar me një ditë më parë. Ndërkohë, rritje ka pësuar edhe çmimi i benzinës, ku nga 211 lekë që ishte, është bërë 218 lekë, teksa gazi nuk ndryshon, vijon të shitet me 93  lekë/litri.

Ky është vendimi që është marrë ditën e sotme nga Bordi i Administrimit të Karburanteve, i cili reflekton ndryshimet që janë shfaqur në tregjet ndërkombëtare. 

“Nafta: Çmimi në bursë në datë 22 Mars ka qenë 1,204 $/Ton, i cili është rritur me 231 $ nga datë 16 Mars 2022 kur ka qenë 973 $/Ton. Benzina : Çmimi në bursë në datë 22 Mars ka qenë 1,086 $/Ton, i cili është rritur me 113 $ nga datë 16 Mars kur ka qenë 973 $/Ton Nisur sa më sipër, Bordi i Transparencës i ngritur me vendim qeverie, me qëllim kufizimin  e përkohshëm  të çmimeve  të tregtimit  me shumicë/pakicë,  në datë 23 mars 2022, në mbledhjen e tij të radhës,  bazuar në metodologjinë e ndërtimit të çmimeve sipas nenit  21/5 të Aktit Normativ, vendosi:

Çmimi me shumicë i nënproduktit gazoil do të jetë 227 lekë/litër,  dhe nënproduktit benzinë për periudhën 23 mars-25 mars 2022, të jetë 208 lekë/liter. Çmimi i shitjes me pakicë i nënproduktit gazoil i standardit SSH EN 590 për periudhën 23 mars -25 mars 2022,  të  jetë 233 lekë/litri. 

Çmimi i shitjes me pakicë i nënproduktit benzinë e standardit SSH EN 228  për periudhën 23 mars-25 mars 2022,  të  jetë 218 lekë/litri. Çmimi i shitjes me pakicë i nënproduktit gaz për periudhën 23 mars-25 mars 2022,  të jetë 93  lekë/litri. Vendimi i Bordit hyn në fuqi  dhe do reflektohet në datë 23 Mars", thuhet në vendim. 

Çdo operator i shitjes me shumicë dhe pakicë të nënprodukteve të naftës, është i detytuar të zbatojë Vendimin e Bordit të Transparencës në lidhje më çmimet e shitjes me shumicë dhe pakicë, në të kundërtën do të ndëshkohet duke nisur nga gjoba nga 2 mln lekë për ato që tregojnë me pakicë deri në 10 mln lekë për shumicën, por edhe heqja license nëse shkelja është e përsëritur. 

Bordi i Administrimit të Karburanteve u ngrit pikërisht për të bërë transparent lëvizjen e çmimit të naftës në bursë e ndikuar nga lufta në Ukrainë dhe shmangien e abuzimeve brenda tregut tonë me karburantet.

Lëvizja e çmimit të naftës në bursë ndodh me ritme të shpejta ku ndryshimi në këto tregje  do të reflektohet edhe me rritje në Shqipëri.  Sot paradite çmimi i naftës për fuçi ishte 117 dhe brenda 8 orëve ajo është rritur me më shumë se 4 lekë duke shkuar 121.76 dollarë.

Anëtarët e Bordit Kombëtar të Administrimit të Karburanteve 

  1. Ministrja e Infrastrukturës Belinda Balluku
  2. Ministrja e Financave, Delina Ibrahimaj
  3. Drejtori i drejtorisë së Tatimeve, Ceno Klosi
  4. Drejtori i drejtorisë së Doganave, Gent Gazheli
  5. 5 përfaqësues nga shoqërite e hidrokarbureve të cilat kanë xhiron vjetore më të lartë në vitin paraardhës

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • rezi: 23/03/2022 20:58

    Nuk e di në Itali, por në Suedi është nafta 2.5 euro, benzina 2.2 euro. Nuk e kuptoj këtë zhurmën tuaj, po si kemi bërë para 90-ës që nuk kishte fare makina private? Kishim tren, që Sala e prishi, kishim autobuzë që bileta kushtonte 30 qindarka. Tani ju keni mjaft mjete të tjera alternative, pse s'bëni dot pa makina? Po sa jeni përkëdhelur o njerëz! E bukura është se ngrihen në mëngjes për të vrapuar nga liqeni me atlete e rroba sportive të shtrenjta, dhe duan makinën të shkojnë tek kafja. Ky është kapitalizmi, në socializëm nga 1945-1985, 17 herë janë ulur cmimet. Ju kujtohetkur sheqeri blihej me 8 lekë kg? Kaq mjafton për të nxjerrë konkluzion.

    Përgjigju
    • ali baba me 40 hajdutet: 24/03/2022 08:57

      Rezi,nuk besoj se ti e mban mend ate kohe. A te kujtohet kur nje kg djath i bardhe kushtonte sa nje dite pune kurse kaçkavalli sa per 2 dit ? A te kujtohet se nje tv kushtonte sa per nje vit pune,dhe po te kishe miq? Ate kujtohet qe qindarkat tek ne nuk ekzistonin sepse rrogen e mernim me qindarka? E fundit,a te kujtohet qe dhe makinat shteterore qe kishim naften e mernin me tollona njelloj si mernim ne drute,vajgurin,mishin djathin e gjithe te tjerat?

    • Riku: 24/03/2022 06:02

      Ore si eshte e mundur komentojne njerez nga Suedia nga USA nga diaspora... normalisht qe keta kane ikur nga ky vend per te provuar veten me veshtiresite e jetes se normalisht do qendronin ketu dhe te jetonin rehat ku ska asgje per te protestuar... Rezi problemi eshte se ato me makina nuk protestojne se jane rehat po protestojne keta te shkretet qe nga cmimi naftes i eshte shtrenjtuar cdo product e sherbim...

  • Riku: 23/03/2022 20:51

    Me 144 euro sje i varfer...

    Përgjigju
  • Posht: 23/03/2022 17:55

    Cmimi aktual, date 23.3.2022 i naftes esht 114 usd per fuci(100 gallon nje fuci, ose afersisht 160 lt), sepse nafta nuk shitet as me lt as me ton. Ndryshe, blihet me 0.7 usd per liter. Ndryshimi me 10 usd per fuci ka nje efekt prej 0.05 usd per lt ndersa ketu tek ne oligarket e shumezojn me 10, dhe e ndryshojn cmimin me 50 lek. Me sa duket kto cmime kan dal nga zyrat e ERTV. Duan ti hedhin hi syve ktij populli dele dhe ja kan arritur gjer me sot...Flini gjum tani

    Përgjigju
  • lenci: 23/03/2022 16:54

    sic thote dhe hasani me lart esht dhe pjesa e veshtiresise qe kaluam gjate pandemise

    Përgjigju
  • hasan: 23/03/2022 16:54

    duhen kujtuar situata qe kaloi vendi nga termeti duke rindertuar shtepite e prishura...te cilat nuk ishin te pakta

    Përgjigju
    • Pallmall: 23/03/2022 20:57

      Poooo gjithashtu eshte edhe faktori Sali qe trazon tregun e brendshem dhe ate nderkombetar... gjithashtu edhe prishja me Kinen nuk ndikon pak... po dhe zhdukja e prodhimit te pambukut cilesor shqiptar...

  • ersa: 23/03/2022 16:52

    ne fakt qeveria po ben nderhyrjet e saj dhe po mundohen te bejne me te miren,mos te harrojme se nafta u ul por duhen marre parasysh dhe ceshtjet si lufta e kriza qe po kalojme

    Përgjigju
    • Tironci: 26/03/2022 11:45

      Do edhe nje rrot sallami me mish pule nga ato te Shijakut, se ashtu ska per ta ni mo cmimin e karburantit

    • Posht: 23/03/2022 17:57

      Sufllaqen si gjthm e do, dopio pite, mish patate salc kosi?

  • Alb: 23/03/2022 15:41

    Ky ashte kapitalizmi

    Përgjigju
  • Tiku: 23/03/2022 15:10

    Po qysh nafta më shtrenjtë se benzina? Benzina do më shumë përpunim e ndot më pak! Në të gjithë vendet benzina kushton më shumë se nafta (diesel). Shqipëria që duam! ????????

    Përgjigju
    • ILIR: 23/03/2022 16:22

      Nuk eshte e vertete qe ne bote benzina kushton me shtrenjte se nafta, po ndodh e kunderta. Italia psh ka ulur aksizen e naftes dhe nga 2.4 euro qe kushtonte eshte uluro ne 1,79 euro. Problemi eshte qe "mreti" nuk do me ul taksat.

  • Drini: 23/03/2022 13:14

    Duam Arben Ahmetaj , tigrin , te merret m keto ceshtje.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Ekzekutuan ndërtuesin Eduart Reçi, Vëllezërve Duka i gjejnë në magazinën e lokalit armë zjarri të dëmtuara e 6 silenciatorë

Ekzekutuan ndërtuesin Eduart Reçi, Vëllezërve Duka i gjejnë në magazinën e lokalit armë zjarri të dëmtuara e 6 silenciatorë

24 Nëntor, 15:32