Një propagandë me urdhër të Edi Ramës, e ka cilësuar Presidenti i Partisë së Lirisë, Ilir Meta operacionin e SPAK nga i cili u goditën 7 grupe kriminale dhe u lëshuan 50 urdhër arreste. Në një konferencë për mediat, Meta tha se operacioni i SPAK është i vonuar.
“Metamorfoza, është e gjitha një tablo e qartë e përfshirjes së të gjithë shtetit dhe gjithë Rilindjes, në veprimtari kriminale. Dhe, absolutisht të gjitha faktet që janë bërë publike sot, janë ditur edhe përpara një viti, janë ditur dhe përpara 9 muajsh.
Është një operacion më shumë I karakterit propaganistik, përderisa dhe rezultatet e ndalimit të protagonistëve kryesorë, dihet që pothuajse zero. Është gjithçka që kryhet nën diktatin e Edi Ramës. Sepse, duhet të ishte vepruar me kohë, me efikasitet, por kjo gjë nuk ndodhi”, u shpreh Meta.
Sipas tij, Prokuroria e Posaçme duhej të kishte vepruar para zgjedhjeve vendore të 14 majit 2023, duke akuzuar Ramën se është ndihmuar nga këto banda kriminale për të vjedhur zgjedhjet në Shkodër dhe bashki të tjera.
“Duhet të ishte vepruar përpara zgjedhjeve të 14 Majit, sepse ‘Metamorfoza’ aty ka qenë prej kohësh. Por duhej që ato grupe, të përdoreshin dhe njëherë nga Edi Rama, për të grabitur bashkinë e Shkodrës, dhe shumë bashki të tjera në Shqipëri. E më pas, për të prodhuar statistika nga halli, dhe nga sikleti, sepse ato dosje dihet, që janë vendosur në dizpozicion nga partnerët europian”, vijoi Meta.
Shtatë prej grupe kriminale më të mëdha në Shqipëri, me shtrirje gjeografike në qytetet kryesore të vendit, janë goditur nga megaoperacioni i SPAK. Nga 50 urdherarreste janë ekzekutuar 14 në Shqipëri dhe 6 jashtë vendi, ndërsa 30 janë në kërkim! Gjatë kontrolleve në vilat e bosëve të krimit janë gjetur reth 3 mln euro cash si dhe flori e pasuri të tjera, në total 4.5 mln euro.
Deputeti demokrat Dash Sula ka reaguar për operacionin e SPAK me 50 urdhër arreste, përmes së cilit u goditën 7 grupe kriminale.
Sula shkruan se vetëm 14 urdhër arreste u ekzekutuan në Shqipëri e ndërsa 6 tjerë jashtë, duke shtuar se bandat kriminale drejtojnë drejtëorët e policisë. Madje Sula shkon edhe më tej, duke thënë se bandat kanë arritur deri aty sa detyrojnë anëtarë të kabinetit qeverisës të çohen në mes të natës për hallet e tyre.
Ligjënësi opozitar hedh edhe akuza se operacioni është dekonspiruar.
“Vetëm 14 të arrestuar nga 50 urdhër arresti. Prokuroria e Posaçme lajmëroi sot përfundimin e një operacioni që zgjati 20 orë ndaj personave ne rekorde të rënda kriminale. SPAK njofton se në territorin shqiptar janë ekzekutuar vetëm 14 urdhër arreste nga 50 urdhër arresti të lëshuar në total. 6 të tjerë jane ekzekutuar në disa vende të BE.
Bie në sy se në vendet ekzekutimet janë 100% ndërsa në Shqipëri vetëm 14 nga 50. Kjo besoj që do një analizë. A është kjo arsyeja përse kreu SPAK tha disa kohë më pare se nuk bashkëpunojmë dot me Policinë?!
Mesa duket Shqipërisë i duhet një polici për të arrestuar policinë e korruptuar qe bashkëpunon me krimin e organizuar dhe dekonspiron operacionet. E thash edhe dy javë më parë në Parlament: bandat kanë avancuar aq shumë saqë disa drejtorë policie kontrollohen si zara të tyre.
Madje edhe më shumë: detyrojnë anëtarë të kabinetit qeverisës të çohen në mes të natës për hallet e tyre”, shkruan Sula.
Komente
Lajme të tjera
-
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Gjykata Kushtetuese rrëzon familjarët e ish-zv/kryeministrit Ahmetaj, nuk kthehen pronat e sekuestruara! Zbardhet VENDIMI
25 Dhjetor, 20:20 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26
O Zoti Ilir SPAKU duhet të kishte arestuar ty dhe palaçon tënde Monikën prej kohësh o plera e Shqipris. Po ske faj ti kur ke gjet shesh bëj përshesh.
PërgjigjuLike pirll pirll që do lirohesh!SPAK po i arreston dhe Jo Rama!
Përgjigju