POP 5

Lajmet më të lexuara të 5 minutave të fundit

Kronikë

Strehimi i të prekurve nga tërmeti, ende pa zgjidhje 2 muaj më pas! Në Lezhë qytetarët kthehen në pallatet e pabanueshme!

Banoret kërkojnë zgjidhje, pasi jetesa në këtë situatë është mjaft e vështirë dhe e rrezikshme.

LEZHE - Rreth 2 muaj nga tërmeti i 26 nëntorit, ende nuk është zjgidhur situata e strehimit të banorëve, shtëpitë e të cilëve u shndërruan në të pabanueshme si pasojë e dëmeve që shkaktoi tërmeti shkatërrues që la pas 51 viktima.

Disa banorë të qytetit të Lezhës, kanë marrë riskun për t'u futur në godinat e shpallura të pabanueshme pas vlerësimeve të ekspertëve, pasi nuk kanë mundur të gjejnë shtëpi me qira, ndërsa disa prej tyre pretendojnë se ende nuk e kanë marrë nga bashkia bonusin e qirasë.

"Rrimë këtu dhe nuk kemi ku të shkojmë sepse kemi ftohtë. Nuk kemi marrë bonus. Kemi shumë frikë, ka marrë plasje shtëpia. Natën rrimë këtu, kurse ditën ikim", thotë një e moshuar që është rikthyer në shtëpinë e pabanueshme.

"Bonusin e kemi 126 mijë lekë në muaj, kemi dalë të shohim shtëpi dhe kur e marrin vesh që jemi nga bashkia na i rrisin çmimet e qirave. Akoma nuk kemi marrë bonus qiraje por na tha bashkia që të gjejmë vetë shtëpi me qira, por ka dhe shumë pallate të dëmtuara. Nuk gjejmë dot shtëpi se ka dhe dallim racash", tha një banore.

Në Bashkinë Lezhë janë shpallur të pabanueshëm 10 pallate, të cilat janë ndërtuar para viteve 1990. Këshilli Bashkiak i Lezhës ka miratuar bonusin për familjet e pastreha dhe paratë pritet të levrohen brenda këtyre diteve .Ndërkohë është siguruar financimi përmes donatoreve për rindërtimin e dy pallateve për të cilët pritet të merret vendim për t'i shembur, ndërsa për 8 objektet e tjera ende nuk dihet se çfarë do të bëhet.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça