TIRANE-Prej pasdites së djeshme një grup pedagogësh të Universitetit të Tiranës kanë nisur grevën, pasi skadoi afati që i kishin vendosur ministrisë së Arsimit dhe Sportit për të ndryshuar ligjin e Arsimit të Lartë (lexo këtu). Por, kryeministri Edi Rama gjatë takimit me studentët e Mjekësisë paraditen e sotme, shtroi sot tre pyetje për këtë grup pedagogësh, ndërsa kishte një thirrje edhe për studentët. Kreu i qeverisë u shpreh se pedagogët që kanë hyrë në grevë, mes tyre edhe Mark Marku, ish-deputet i Partisë Demokratike, kanë hallin e protestës së 16 shkurtit që po organizon opozita kundër qeverisë.
"Disa Mark Markë rrugëve atje, që kanë hallet e tyre. Unë nuk shkoj dot të hap derën e universitetit me dhunë dhe as të marr letrat për bursë, ti më thua mua dua këtë dhe atë, unë po të them ç'të bësh. Autonomia universitare është liri dhe përgjegjësi. Sekretaritë në universitete duhet të përgjigjen për ju. Kaq pula jeni ju, shkoni kërkoni të drejtën tuaj, do iu digjet viti. Sikur dolët në dhjetor për të drejtat tuaja, bëtë shumë mirë. U bë mirë që e morët vesh që unë nuk të vras, maksimumi debati në Ëhatsupp, por ke të drejtë nuk kam cfarë të them.
Ju duhet ti bëni Mark Markëve, një pyetje, sepse kërkesat e studentëve nëse ju nuk do të ngatërroni kohën me sistemet, duhet ti bënin ata, këto që kërkoni ju. Pyesni pak ata, Mark Markët me shokë, a janë dakord me vlerësimin e titujve akademikë dhe të thonë si dhe kur e duan? Por këtë nuk e thonë këtë. Keni parë që thonë të ndalohet denigrimi i pedagogëve, por për cfarë? A janë dakord ata që të ndalohet tregtia e librave të pedagogëve për notën?
Dhe pyetja e tretë është, a janë dakord që cdo vit studentët të bëjnë një vlerësim të performancës së pedagogëve, e përdor gjithë bota? Aty do të kuptojmë nëse e bëjnë grevën për ju, apo se nuk duan të përgjigjen për këto tre pyetje. Këta që bëjnë greva dhe u mbajnë peng ju duhet tu japin përgjigje këtyre pyetjeve. Po e morët përgjigjen, më lajmëroni dhe jam prapë unë fajtor. Mark Marku do të bëjë revolucionin e 16 shkurtit, janë në botën e tyre ata.
Do të humbas vitin unë se ju doni të bëni greva?! Ndërkohë që jeni aty të paguar nga taksat tona. Si lejohet kjo? Si mund të rrini ju si pula, që të vijë gjeli nga Kryeministria, t'iu shpëtojë' tha ai. Asambleja e Pedagogëve vendosi dje të nisë grevën, duke bojkotuar kështu mësimin në fakultete pasi dështuan që të gjejnë gjuhën e përbashkët në takimin që zhvilluan me ministren e Arsimit (lexo ketu). Thirrjes së Asamblesë i janë përgjigjur vetëm dy fakultete, ai i Shkencave Sociale dhe Histori Filologji deri tani.
Ndërkohë që pas takimit me studentët kryeministri Edi Rama, së bashku me kryetarin e Bashkisë së Tiranës, Erjon Veliaj, inspektuan punimet që po kryhen për rikonstruksionin e Godinës numër 1 të Konvikteve të Mjekësisë. Rikonstruksioni i plotë i saj do të vazhdojë me përfundimin e vitit akademik dhe studentët të lirojnë dhomat. Kryeministri Rama tha se bashkë me marrëveshjet e financimit me
KFË-në, deri në fillim të vitit të ardhshëm të gjitha konviktet do të jenë të mbyllura. "Me këtë gjë i bie që të jemi OK në vjeshtë, përveç KFË-së, që do marrë më shumë kohë, faktikisht, në momentin që ne e kemi mbyllur atë si marrëveshje, të gjithë procedurat kanë filluar, besoj deri në fund të vitit, në fillim të vitit tjetër," u shpreh Kryeministri Rama.
Referuar kërkesave të studentëve, Rama tha se një pjesë të tyre duhet t'i zgjidhin vetë universitetet, por shtoi ai, dekanët dhe rektorët janë në konflikt vetëm për tendera. "Konflikti mes rektorëve dhe dekanëve bëhet për tendera, rojet, paguajmë roje për universitetin, një mal me lekë. Ndërkohë që fare mirë, nuk ka nevojë për roje private, e bën edhe më qesharak universitetin, sa të mbaruar janë, që vijnë vërdallë, që as të ruajnë, as ruhen. Universitetet mund të kenë rojet e tyre në organikë, pasi nëse duhet më shumë vjen policia. Ato janë para pa fund që mund të përdoren për biblioteka' tha Rama.
Kryeministri Rama deklaroi sot se qeveria ka nisur proceset gjyqësore për të prishur kontratat me personat që kanë zaptuar hapësirat në Qytet Studenti. Rama kishte një përgjigje edhe për Bujar Nishanin që deklaroi se do e padisë kreun e qeverisë për shpifje (lexo ketu), pasi ky i fundit akuzoi pak javë më parë se vëllai i Presidentit e ktheu në lloto mensën në QS (lexo ketu).
"Aty ka qenë mensë, aty është lokali i një ministri, vëllait apo kunatit, ne po mundohemi të prishim kontratën e bërë nga ministri për vëllanë e vet. Por duhet të ruhesh, pasi kur shkon në gjyq, gjyqi mund të thotë se kontrata është e rregullt dhe jepi leket. Më bëri përshtypje Bujar Nishani, unë thashë vëllai i një Presidenti, kur ky u hodh përpjetë dhe tha nuk jam unë. Tha do të shkojmë në gjyq, hajde shkojmë, por kush tha emrin tënd. Kjo është situata e trashëguar. Fajin e kanë ata dhe nuk diskutohet" tha Rama.
E ndërsa një pjesë e studentëve i janë rikthyer mësimit pas protestave, te Filologjiku ende situata nuk është normalizuar, ndërsa studentët e Juridikut janë transferuar te 'Petro Nini' për të zhvilluar mësimin në ambientet e gjimnazit pasdite, pasi ambientet e fakultetit vijojnë që të jenë të bllokuara nga një grup studentësh. Gjatë takimit sot me studentët, Rama u ka kërkuar studentëve që t'i kërkojnë llogari rektorit për gjendjen e krijuar.
"I shkoni në shtëpi rektorit dhe i thoni dil jashtë, se merr paga edhe nga 13 borde, dil jashtë dhe hajde këtu, më hap universitetin të marr dokumentet për bursat. Shkoni rrinë atje të dera e universitetit. Nëse e kërkoni këtë nga unë dhe qeveria e kërkoni në derën e gabuar, pasi nuk mund të fusim policinë nëse nuk e kërkon rektori. Po me cfarë merret rektori, nëse nuk garanton mësimin? Cfarë borxhi kanë prindërit që të humbasë fëmija vitin dhe të presë që të hapet dera. Unë vij me ju, por mblidhuni atje, ajo ne shkuam atje, por na thonë se jeni të FRESSH-it" tha Rama.
Studentët e mjekësisë që jetojnë në Godinën Nr.1 në qendrën rezidenciale në rrugën “Dibrës” kanë tashmë ambiente më të mira higjenosanitare si dhe një sallë leximi moderne. Bashkia e Tiranës ka vijuar punimet për rikonstruksionin e plotë të Godinës Nr. 1, ku fillimisht është ndërhyrë në ambientet e përbashkëta, banjat, dushet e sallat e leximit. Veliaj u shpreh se Bashkia e Tiranës në përmbushje të detyrave që i përcakton Pakti për Universitetin, ka filluar punën për rikonstruksionin e një numri të konsiderueshëm konviktesh në të treja qendrat rezidenciale që funksionojnë në Tiranë.
“Donim shumë që këtë fundjavë të bënim një ndalesë të vogël edhe për të parë këtë sallën e re që është bërë edhe për të parë se si u mbaruan, ose se si kanë filluar të mbarohen porositë që u lanë nga kryeministri për secilin prej nesh që mori një copë të Paktit për Universitetin. Ajo copa që i takon Bashkisë së Tiranës ka të bëjë me konviktet. Siç dakordësuam bashkë për planin e punës, fillimisht hapësirat e përbashkëta, pra ato hapësira që ne mund të punojmë dhe mund të investojmë. Mbaj mend si ishte herën e fundit kjo sallë dhe si është transformuar sot, punë ditësh. Siç ramë dakord do të punojmë për dushet, për nyjet higjieno-sanitare derisa ju të jeni në mësim”, tha kryetari i Bashkisë së Tiranës.
Komente
Lajme të tjera
-
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07 -
Trafikanti që mbështet Berishën: Nuk më lejuan të futesha në sallën ku Rama mbajti takimin! Isha i maskuar po më njohën
25 Nëntor, 13:01 -
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Takimi i Ramës në Londër/ Parashikimi i Spahiut për diasporën në Report TV: Maksimumi 6-7% e emigrantëve do votojnë në zgjedhjet e 2025!
24 Nëntor, 15:47 -
Turi me diasporën/ 'Diversantët' e Berishës 'të infiltruar' në takim! Rama: Opozita nxit akte antishqiptare në tokë të huaj! Po motivohen protesta kundër qeverisë
24 Nëntor, 13:55 -
Militantë të Berishës protestojnë kundër Ramës në Londër (VIDEO)
24 Nëntor, 12:59
Ed Rama na I dha lejen JO VETEM PEDAGOGET DHE STUDENTET PO DUHET TE NGRIHET I GJITHE POPULLI ME 16 shkurt per PERMBYSUR DIKTATUREN SKLLAVERUESE TE RILINDJES SE RAMES TE GJITHE EMIGRANTET MBESHTESIN PROTESTEN E 16 shkurtit POSHTE DIKTATORI RAMA
PërgjigjuSot në mesditë një sharebajge e leshitdhise u shfaq në ekran duke lexuar një deklaratë të përgatitur nga Nafije Dybeku Baxhelles që ka plagjiature diplomë kundër kryeministrit Rama. Një fëmijë që po luante me lodra në qejf të vet kur ktheu kokën nga ekrani i TV filloi të qajë i tmerruar dhe ju drejtua mamit; mami fike televizorin se ka dalë një cakall dhe me tremb. Mami u mundua të qetësojë fëmijën por fëmija ju afrua ekranit dhe tregoi me gisht 2 dhëmbët e cakallit ne gojen e Kejdi dhembcakalles që vertet tmerronin fëmijët sa herë ajo hapte gojen
Përgjigju