Receta

Supë me kërpudha nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 23 Dhjetor, 12:45 | Përditesimi: 23 Dhjetor, 12:47

Supë me kërpudha

Përbërësit:

500 gr kërpudha të freskëta
1 qepë mesatare
2 thelpinj hudhër
2 lgj gjalpë / vaj ulliri
1 lugë gjelle miell (opsionale)
1 litër lëng perimesh / lëng pule
200 ml krem pana ose qumësht
Kripë, piper sipas shijes

Përgatitja:

LEXO EDHE:
Burani me spinaq nga zonja Albana

Ngrohim gjalpin ose vajin në një tenxhere. Shtojmë qepën dhe e kaurdisim derisa të bëhet e artë. Më pas shtojmë hudhrën dhe vijojmë me kaurdisjen për 1 minutë. Shtojmë kërpudhat dhe i skuqim derisa të lëshojnë lëngun dhe të zbuten (rreth 8-10 minuta). Nëse e duam supën pak më të trashë shtojmë miellin dhe e përziejmë mirë derisa të përthithet plotësisht. Hedhim lëngun e perimeve ose lëngun e pulës, e trazojmë dhe e lëmë të ziejë për 15 minuta. Pasi supa të ketë zier, ulim nxehtësinë dhe shtojmë kremin pana ose qumështin. E gatuajmë për 5 minuta të tjera, pa e lejuar të ziejë fort. Nëse dëshirojmë një konsistencë më të butë, përdorim një blender për ta përpunuar pjesërisht ose plotësisht supën.

MC/Shqiptarja.com

TAG: