Tahiri fjalë prekëse për vdekjen e kryetares së FRESSH, akuzon Parlamentin: Ligji për 'Vrasjet rrugore' mbeti rrugëve

Tahiri fjalë prekëse për vdekjen e kryetares së FRESSH, akuzon Parlamentin: Ligji për 'Vrasjet rrugore' mbeti rrugëve

Ish-ministri i Brendshëm, Saimir Tahiri ka reaguar në lidhje me vdekjen në aksident të kryetares së FRESSH në njësinë numër 6 në Tiranë, Rajselda Hamzaj.

Tahiri ka shkruar fjalë të ndjera për të renë që humbi jetën ditën e djeshme duke thënë se kishte mbetur pa fjalë kur kishte marrë vesh lajmin.

Ndër të tjera Tahiri kujton edhe projektligjin, në kohën kur ai ishte ministër i brendshëm dhe propozonte se aksidentet me pasojë vdekjen të konsideroheshin si 'Vrasje'.

"Të preu jetën në mes një aksident i mallkua. Punuam gjatë bashkë, e tani jam pa fjalë! Shpikim aq armiq ne të gjallë, sa harrojmë armiqtë e vërtetë që na marrin jetën, përditë. Të ndrittë shpirti Rajs! Propozova 'Vrasjen Rrugore', dikur. por mbeti rrugëve të Parlamentit. Do mjaftonin vajzat e djemtë që kanë lenë jetën rrugëve nga aksidentet, për ta miratuar një herë e mirë, përpara se kërcitja e vdekjes në rrugë te pragu i shtëpisë."  shkruan Tahiri.

Kujtojmë se pas kërkesës së Tahirit në vitin 2016 filloi edhe puna për ndryshimin e Kodit Penal, por ligji nuk u miratua.

Në atë kohë u propozuan 4 nene. Do të quhej “vrasje rrugore” kur në aksident është verifikuar :
A. Përdorim i pijes alkoolike dhe substancave narkotike
B. Nëse drejtuesi i mjetit të përfshirë në aksidenti i faktohet shpejtësi tej normave të lejuara në qendrat e banuara.
C.Nëse aksidenti ndodh në kryqëzim dhe semafori është i kuq.
D.Nëse aksidenti ndodh në raste të parakalimit të gabuar dhe drejtuesi i mjetit që shkakton aksident lëviz në krah të kundërt.


“Ka disa vende në Europë që e kanë bërë këtë, duke mos i klasifikuar aksidentet si të tilla me pasoja në shëndetin apo jetën e qytetarëve por si “plagosje” apo “vrasje”. Unë mendoj që në këtë mënyrë të të bërit drejtësi nuk duhet të ecim përpara. Sepse nga këta të dehur që i kanë dhënë makinës në rrugët e Shqipërisë, ata që kanë bërë qoftë edhe një ditë të vetme burg janë shumë pak, për të mos thënë fare”, deklaronte në atë kohë ish-ministri, Tahiri.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ben Tironci: 16/07/2019 08:28

    U prehte ne paqe

    Përgjigju
  • Arbëri: 15/07/2019 20:22

    Ngushllime familjës dhe gjithë Shqipëtarëve...!!!

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Plazhi ‘Pasqyrat’ në Ksamil ka ujin më blu në botë, lë pas edhe Greqinë!

Plazhi ‘Pasqyrat’ në Ksamil ka ujin më blu në botë, lë pas edhe Greqinë!