Takimi me ambasadorët e BE, Basha: Integrimi prioritet kryesor i PD! Për ne BE do të thotë votë e lirë e pavarësi e institucioneve

Kreu i PD-së, Lulzim Basha ka zbardhur takimin që ka zhvilluar sot me ambasadorët e BE, ku ka theksuar se prioritet i demokratëve është integrimi i vendit në BE. Basha tha se për PD BE do të thotë votë e lirë, pavarësi e institucioneve dhe liri e mediave, si mënyra e vetme për zhvillimin e vendit dhe demokracisë.

Në lidhje me zgjedhjet e 25 prillit, Basha tha se PD do i shkojë deri në fund hetimit të krimeve zgjedhor edhe dënimit të fajtorëve.

“Diskutime të frytshme sot me ambasadorët e vendeve të Bashkimit Europian. Integrimi Europian i Shqipërisë ka qenë dhe mbetet prioriteti kryesor i Partisë Demokratike, ndaj do të bëjmë gjithçka që vendi ynë të eci përpara në këtë rrugëtim kaq të rëndësishëm për qytetarët tanë. Për ne BE do të thotë votë e lirë, pavarësi e institucioneve, liri dhe pavarësi e mediave, ndarje e politikës nga krimi dhe luftë ndaj korrupsionit. Pa këto nuk mund të ketë as zhvillim, as integrim dhe as demokraci. 25 prilli nuk kishte asnjë lidhje me demokracinë dhe për Partinë Demokratike nuk mund të quhet një kapitull i mbyllur. Prandaj ne do të kërkojmë deri në fund hetimin e krimeve zgjedhore, ndëshkimin e fajtorëve dhe kthimin e legjitimitetit dhe demokracisë në vend”, shkruan Basha.

LEXO EDHE:
Basha i përgjigjet ‘ofertës’ së Ramës: Voto nismat e PD-së! 2 orë fjalim për të thënë ‘nuk kam faj’

Lajmi kryesor:

Basha takim me ambasadorët e BE: Integrimi prioritet kryesor i PD! Për ne BE do të thotë votë e lirë e pavarësi e institucioneve! Soreca: Opozita do të luaj një rol vendimtar

TAG:
• lulzim basha
• Luigi Soreca