Të gjithë bashkë/ Ministrja Shahini apel qytetarëve nga Kosova: Na ndihmoni në këtë situatë të vështirë

Ministrja e Arsimit, Sportit dhe Rinisë, Besa Shahini përmes një videomesazhi ka kërkuar ndihmë nga Kosova, që të vijnë sa më shumë vullnetarë për të ndihmuar në menaxhimin e situatës pas tërmetit.

“Në mënyrë që ta koordinojmë punën tonë të përbashkët të regjistroheni në mënyrë që ne ta dimë sesa vullnetarë janë paraqitur dhe sesi mund t’i orientojmë në mënyrën më të mirë të mundshme”, tha Shahini në apelin e saj.

Ky regjistrim, sipas Shahinit, ndihmon për të ditur sesa ndihmë mund të përftohet nga njerëz jashtë strukturave të qeverisë.

“Ju ndihmon edhe juve, tha ajo, që të orientoheni aty ku ka më së shumti nevojë”.

“Kjo e bën edhe rrugën tuaj më të vlefshme nëse arrini të kontribuoni aty ku duhet. Ju falënderoj për vullnetin që keni treguar”, tha ajo.

Lajmi kryesor:

MOBILIZIMI/ Basha: Mirënjohës nga gatishmëria për të strehuar banorët e prekur nga tërmeti! 59 psikologë vijnë nga Kosova

/r.k./Shqiptarja.com

TAG:
• termet me viktima ne Shqiperi
• mobilizimi