POP 5

Lajmet më të lexuara të 5 minutave të fundit

Kronikë

Protesta e naftëtarëve të Ballshit, arrihet marrëveshja me kompaninë, kreu i sindikatës: S'do të jepen të gjitha pagat e prapambetura

Sipas kreut të sindikatës Sokol Dautaj, parashikohet se deri më 7 shtator të firmosen të gjitha kontratat dhe të nisë pagesa për naftëtarët me kontratat e reja të punës. Naftëtarët zgjodhën që të protestojnë  para uzinës ku ata punojnë duke kërkuar pagat e prapambetura.

BALLSH- Protesta e naftëtarëve të Ballshit ka përfunduar me sukses ditën e sotme pasi është arritur një marrëveshje mes tyre dhe kompanisë punëdhënëse. Sipas kreut të sindikatës Sokol Dautaj, parashikohet se deri më 7 shtator të firmosen  të gjitha kontratat dhe të nisë pagesa për naftëtarët me kontratat e reja të punës. Ndërsa për pagat e prapambetura thotë se kompania nuk do t'i japë të gjitha pasi një pjesë e tyre i takojnë kompanisë së mëparshme me të cilën është fituar gjyqi.

Tashmë ata po futen me radhë për të plotësuar kontratat individuale të punës pas marrëveshjes me kompaninë. Kreu i sindikatës, Sokol Dautaj tha se përplasja me policinë ka qenë një acarim i momentit dhe se puna nuk do të rinisë deri të hënën deri në firmosjen e kontratave.

Naftëtarët zgjodhën që të mblidhen para uzinës ku ata punojnë duke kërkuar pagat e prapambetura. Përfaqësuesit e administratës së firmës kërkonin që punonjësit të firmosnin kontratën individuale të punës, por ata e kundërshtuan këtë gjë.

Dhjetëra protestues u mblodhën dhe thyen kordonin e krijuar nga policia tek hyrja e uzinës duke krijuar tension e përplasje. Ata bërtisnin njëzëri se i kanë fëmijët pa bukë dhe se donin paratë e tyre. Duke mos mbajtur asnjë distancë me njëri-tjetrin në një kohë kritike ku po luftohet për jetën për shkak të pandemisë, ata janë shfaqur pa asnjë masë mbrojtëse duke protestuar për të drejtën e tyre.

Rendit zhvillimet sipas orarit:
Ora 13:07
Arrihet marrëveshja mes naftëtarëve dhe kompanisë, kreu i sindikatës: S'do të jepen të gjitha pagat e prapambetura

Situata në Ballsh është qetësuar dhe mes naftëtarëve dhe kompanisë është arritur një marrëveshje. Ata po futen me radhë për të plotësuar kontratat individuale të punës. Kreu i sindikatës, Sokol Dautaj tha se ka qenë një acarim i momentit dhe se puna nuk do të rinisë deri të hënën. Sipas tij, parashikohet se deri më 7 shtator të firmosen  të gjitha kontratat dhe të nisë pagesa për naftëtarët me kontratat e reja të punës. Ndërsa për pagat e prapambetura thotë se kompania nuk do t'i japë të gjitha pasi një pjesë e tyre i takojnë kompanisë së mëparshme me të cilën është fituar gjyqi.

“Afron dhe sezoni shkollor dhe nuk llogarisin vetëm bukën, por për fatin e fëmijëve tanë, që javën e ardhshme i drejtohen shkollës, duan libra e rroba. Acarimi ka qenë i momentit. Vendimi i ministres ka qenë vendosja në punë e rafinerisë më 22 maj, firma duhet të merrte detyrimet. Në listat që kanë qenë në shkëputjen e kompanisë qiramarrëse kanë qenë 850 punonjës, me reduktimin e punonjësve që ka marrë statusin e naftëtarëve janë 750. Ka filluar firmosja e kontratave individuale, deri të hënën nuk do nisë puna, deri në firmosjen e kontratës. Kontratën e kemi lexuar, se dhe sindikata mbështet anën juridike. Thërriten nga 10 persona, shkojnë në zyra dhe firmosin kontratën, ata duan që të nisin sa më shpejt punën. Në datën 7 kanë një takim të dytë, por prap janë mosbesues”, tha Sokol Dautaj.

Ora 12:31
Protesta në Ballsh/ Përplasje e fortë me policinë, naftëtarë kërkojnë të hyjnë në godinë

Dhjetëra protesues të mbledhur para ndërtesës janë përplasur me policinë, ku këta të fundit i kanë shtyrë ata që të mos hyjnë brenda godinës. Duke mos respektuar asnjë distancë prej pandemisë së COVID-it ata janë shtyrë me njëri-tjetrin duke bërtitur me të madhe "Duam pagat tona!".

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vjosa: 03/09/2020 17:22

    MOS LEJONI TE TALLEN ME JU,,,DUHET TE MERRNI TE GJITHA RROGAT,,,ASNJE LESHIM ,,,OSE PUSHTONI FABRIKEN DHE MERRENI NE PRONESI,,,,,DHE SHITENI VETE NAFTEN,,,,BEHUNI NDERMARRJE ME VETE-FINANCIM DHE VET-ADMINISTRIM.....

    Përgjigju
  • naftetaret: 03/09/2020 12:58

    Duhet te jemi te gjithe me ta, plerat bejne biznes ne kurriz te popullit, mire pagat e kushtet mizerje po ato nuk ja u japin, gjakpiresa...

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu