Tensionet në veri, Haklaj: Mijëra ushtarë të Wagner kanë hyrë në Kosovë! Meçe: S’mund të shkosh të komandosh ku 90% e popullsisë janë serbë

Përplasjet në veri të Kosovës mes protestuesve serbë dhe ushtarëve të KFOR-it ishte në qendër të diskutimeve në emisionin ‘Repolitix’ në Report Tv. Ish-deputeti Azgan Haklaj, u shpreh se mijëra ushtarë të Wagner kanë hyrë në Kosovë, ndërsa shtoi se situata është mjaft dramatike.

‘Situata duket mjaft dramatike në Kosovë. Mijëra ushtare të Wganer kanë hyrë në Kosovë. Shërbimet izraelite kanë konfirmuar se një pjesë e madhe e tyre kanë hyrë në Kosovës dhe kanë hyrë me ambulanca. Nëse sheh sulmet ndaj paqeruajtësve janë strukturat kriminale. Janë përfaqësuesit e Vuçiç.’- tha Haklaj.

Për analistin Arben Meçe, zgjedhjet në Kosovë, ishin të rregullta, po nuk ishin legjitime. Sipas Meçes, nuk mund të shkosh dhe të komandosh, atje kur janë 90% serbë.

‘Zgjedhjet ishin të rregullta, por nuk ishin legjitime. Është një popullsi ku janë 90% të popullsisë serbe. Dje ka filluar procesi i betimit dhe mbi të gjitha vendosja e flamurit të Kosovës. Këtu fillon beteja! Duhet të jetë flamuri i Kosovës, por a mundet t’i që të vesh të komandosh 90% të serbëve. Këtu fillon debati. Veprimi i pranueshëm, por i papjekur.

Ish-deputeti Arben Skënderi u shpreh se po kërkohet një vatër konflikti në Ballkan.

‘Kurti dhe Kosova janë karremi në këtë histori. Po kërkohet një vatër konflikti. Kurti o do të zbatojë një shtet sovran, ose do të tërhiqet.  Do vij një moment që Rusisë do t’i duhet një vatër tjetër. si po shkon konflikti në Ukrainë ne po e shohim. Një vatër tjetër që shpërqendron dhe krijon një vakuum në kampin përballë nuk do t’i bënte keq. Provokimi nga pala serbe është më serioz. Ka një mobilizim ushtarak.’- tha Skënderi.

Një ditë më parë pati përplasje të ashpra mes protestuesve serbë dhe ushtarëve të KFOR-it, ku disa prej tyre mbetën të lënduar. Edhe sot situata në veri vijon të mbetet e tensionuar, ndërsa NATO ka shtuar forcat.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tata: 31/05/2023 09:51

    Kosova duhet te mesoje se si te beje politike me pare,pastaj te pretendoje se keshtu duhet te jete. Eshte e vertete,jane brenda shtetit,por kjo menyre e ballafaqimit,i largon me teper nga jetesa paqesore,pasi as edhe nje shtet qe i mbeshteti kurnder te gjitha ligjeve nderkombetare,tani u thote,PRIT BEG SE KA HENDEK. Ka b.... kosova e vetme? Se besoj,praaaaa duhen rruge tjera dhe ka plot te tilla. Nuk mund te behet lufte me pushke druri,

    Përgjigju
  • Iris: 31/05/2023 03:45

    E pse o z.Mece nuk na qenka legjitime te komandosh aty ku jane 90 % popullsia serbe? A nuk komandoi Serbia aty ku ishte 90 % popullsi shqiptare dhe me bekimin e Fuqive te Medha dhe shteteve perendimore qe ja falen deri ne 99' dhe aq me teper qe ishte krahine autonome?! Kurse V.i.Kosoves sot me 90 % popullsi serbe eshte pjese e Rep.te Kosoves,nuk ju fal Kosoves,por shkoi haku te i zoti,nuk eshte as autonome,as republike brenda nje federate,banoret e asaj zone gezojne po aq te drejta sa banoret e tjere te republikes dhe jane trajtuar shume me mire se sa serbet kane trajtuar historikisht kosovaret,per te mos thene komplet ndryshe.Pse eshte veprim i papjekur?! Po u qan hallin se na u merziten e na u inatosen serbet qe kujtojne se Kosova e veriu i saj jane akoma pjese e Serbise?! Po le te merziten,le te inatosen,kane uthull sa te duan,le t'a pine e te qetesohen,nuk na behet vone per ta!

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Zhgënjen Denver, Golden State dhe Lakers fitore play-offi

Zhgënjen Denver, Golden State dhe Lakers fitore play-offi