DURRËS-Një 34-vjeçar ka tentuar të rrëmbejë një vajzë të mitur në qytetin e Durrësit. Burime nga Policia e Durrësit bëjnë me dije se .M ka tentuar të futë me forcë në makinë një 12-vjecare.

Më herët 34-vjecari i kishte dhënë një letër vajzës, ku i kishte shkruar numrin e tij të telefonit si dhe disa fjalë të tjera të turpshme. Pas kësaj letre vajza i është rrëfyer menjëherë nënës së saj. Kjo e fundit ka shkuar në Polici ku bëri edhe denoncimin. Nëna e 12-vjeçares bashkëpunoi ngushtë me policinë për arrestimin e 34 vjeçarit A.M.

Pak ditë pas letrës që i kishte dhënë 12-vjeçares, A.M vijojë veprimet e tij për të rrëmbyer të miturën. Pasi e ka për vetëm në rrugë, 34-vjeçari ka tentuar ta futë me forcë në makinë vajzën e vogël.

Pikërisht në këtë moment ka ndërhyrë Policia e cila ka bërë arrestimin në flagrancë të 34-vjeçarit, ndërkohë që vajza ka dhënë dëshminë e saj në praninë edhe të një psikologu. Policia e Durrësit thotë se po vijojnë hetimet dhe ende nuk dihet shkaku i kësaj ngjarje dhe qëllimi i 34-vjeçarit, A.M

Redaksia Online
XH.K/shqiptarja.com