POP 5

Lajmet më të lexuara të 5 minutave të fundit

Sport

Tifozi i zjarrtë 72 vjeçar: Më mirë të vdes se sa të bie Vllaznia

Kategoria Superiore në futboll luan javët e fundit të saj. Nëse çështja e titullit kampion dhe vendi i dytë është zgjidhur, një luftë e fortë sportive po zhvillohet për skuadrën e dytë që do të bjerë nga kategoria pas Lushnjës.

Vllaznia rrezikon më shumë se kurrë rënien nga Kategoria Superiore në futboll dhe një gjë e tillë ka shqetësuar pa masë tifozët e saj të shumtë. Njëri prej tyre, 72 vjeçari Shaban Piranej nuk i kursen as lotët kur flet për skuadrën e tij të zemrës.

Vllazninë unë e ndjek që në moshën 10 vjeç. Do të ishte një katastrofë nëse Vllaznia do të binte nga kategoria. Nuk më dhimben futbollistët se sa më dhimbset Shkodër locja, më dhimbset populli i Shkodrës, sepse janë tifozë të mrekullueshëm.

I kemi ndjek gjithëkund, ndoshta edhe me bukë thatë, kemi shkuar edhe deri në Tiranë me biçikleta për t’i ndjekur, në shi, në borë dhe nuk kemi munguar asnjëherë.

Futbollistët e sotëm nuk kanë shpirt. Ata të kishin vdekur në fushë me Kamzën dhe të kishin fituar. Por duket se nuk kanë gjak.

Të diskutohet Vllaznia për të rënë nga kategoria, më mirë ulu tokë e na fut brenda. Derisa të vdesë nuk ia fal Vllaznisë këtë çfarë ka bërë me Kamzën.

Shaban Piranej, tifoz i skuadrës së Vllaznisë

Vitin tjetër Vllaznia feston 100 vjetorin e krijimit të klubit të futbollit, i pari i themeluar në Shqipëri. Ekipi shkodra po vuan prej disa sezonesh dhe tifozi I zjarrtë nuk e duron dot rënien nga kategoria të skuadrës më të vjetër në vendin tonë. Dashuria e tij për ngjyrat kuqebu shkon deri në ekstrem…

Këto tri ndeshje që kanë mbetur, këta futbollistë, në qoftë se kanë gjak shkodrani, duhet të hyjnë në fushë, o të fitojnë, ose të vdesin.

Këtë thirrje u bëj unë. Djem të rinj, gjithsecili më i mirë se tjetri, çfarë u mungon o Zot, regjim po, rroga po, respekt nga populli i Shkodrës për to, çfarë u mungon?

Të diskutohet Shkodër locja, jo mor burrë jo, nuk shkon kjo gjë.

Shaban Piranej, tifoz i skuadrës së Vllaznisë

Vllaznia ndodhet e parafundit, 2 pikë poshtë Kamzës dhe Teutës, dy skuadrave rivale sa i përket luftës për mbijetesë. Kuqebultë do të luajnë të dielën në orën 17:00 ndaj Partizanit në stadiumin “Selman Stërmasi”.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sifi: 12/05/2018 15:29

    Vllaznia djep i futbollit , me stadium nga ne te miret ne Ballkan , por i mingon mbi te gjitha mire menaxhimi dhe shpirti luftarak sic thot zoteria ne fjale . Turp per Shkodren ,qe te kete sot nje nivel te dobet futbolli

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'

25 Dhjetor, 18:54