POP 5

Lajmet më të lexuara të 5 minutave të fundit

Politikë

Tirana ‘kryeqyteti mesdhetar i kulturës dhe dialogut 2025’, nis përgatitjet, Veliaj: Vit suksesi, qytet plot art

Tirana ka nisur përgatitjet për vitin 2025, kur bashkë me Aleksandrinë, do të mbajë titullin “Kryeqyteti Mesdhetar i Kulturës dhe Dialogut”. Kryetari i Bashkisë së Tiranës, Erion Veliaj priti një delegacion të përfaqësuesve nga Unioni për Mesdheun ku u diskutua mbi detajet e organizimit të aktiviteteve dhe nxitjes së mirëkuptimit midis kulturave

Përgatitjet në kuadër të titullit “Tirana Kryeqyteti Mesdhetar i Kulturës dhe Dialogut”, që kryeqyteti do ta mbajë së bashku me Aleksandrinë e Egjiptit vitin e ardhshëm, Bashkia tashmë i ka nisur. Pikërisht për këtë në zyrën e kryebashkiakut Veliaj kishte mbërritur një delegacion përfaqësuesish nga Unioni për Mesdheun dhe Anna Lindh Foundation,

“Kemi pas një eksperiencë fantastike me reputacionin e Tiranës për kryeqytetin e Sportit, kryeqytetin e Rinisë. Këtë vit ne drejtojmë B-40, që është rrjeti më i madh i bashkive në Ballkan, dhe vitin tjetër do të jemi së bashku, me shpresë edhe me Konventën e madhe të të gjithë rrjetit të fondacioneve ‘Anna Lindh’. Jam vërtet mirënjohës që i keni besuar Tiranës këtë titull”- tha Veliaj.

Ambicien që 2025-a të jetë një vit plot art dhe Veliaj e evidentoi qartë, ndërsa përmendi edhe përfshirjen e gjimnazeve të kryeqytetit.

“Do bëjmë maksimumin që, bashkë me Aleksandrinë, të kthehemi një urë e fortë në Mesdhe. Eksperienca e shumë artistëve tanë, duke filluar nga kryeministri artist, deri tek shumë artistë, që na kanë nderuar në bienale e ndryshme apo që janë edhe artistë lokalë, që po punojnë me shkollat e mesme, duke futur kulturën e artit që në një moshë të re”, tha Veliaj.

Objektiv i rëndësishëm i aktiviteteve do të jetë sigurisht edhe në funksion të turistëve në Tiranë.

“Duam që viti i kulturës të jetë një vit jo vetëm për 1 milionë qytetarët e Tiranës, të cilët jetojnë këtu, por edhe për fluksin e turistëve, të njohin një Tiranë ku patjetër që hahet mirë, ku patjetër që ka mot  të mirë, ku patjetër ka mikpritje, po ku ka edhe art, edhe kulturë”- u shpreh Veliaj.

Josep Ferré, Drejtori ekzekutiv i Fondacionit “Anna Lindh”, u shpreh se Tirana ka shumë se çfarë t’i ofrojë botës, si për pjesën historike të saj, ashtu dhe për zhvillimin e saj të viteve të fundit.

Në Nëntor 43 Shtetet Anëtare të Unionit për Mesdheun shpallën Tiranën dhe Aleksandrinë dy Kryeqytetet e para të Kulturës dhe Dialogut, dhe do ta mbajnë këtë titull përgjatë gjithë vitit 2025.

M.Q.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54