Tiranë/ U vra në atentat më 2020, Prokuroria kërkon konfiskimin e 13 pronave me vlerë 2.5 mln euro të biznesmenit Gjergji! Trafik droge e pastrim parash në Itali e Holandë

Prokuroria e Tiranës kërkon konfiskimin e mbi 2.5 milionë euro pasuri të biznesmenit Ndue Gjergji, (i vdekur) dhe familjarëve të tij, që njihet ndryshe edhe me emrin Paulin Marku, të cilit iu bë atentat në Laç, teksa ndodhej bashkë me miqtë e 'mbretit të kumarit', Ervis Martinaj.

Këto asete bëhet me dije se ‘rrjedhin nga veprimtaria kriminale’. Subjekti i hetimit sipas organit të akuzës, ka ndërruar jetë në vitin 2020, pas një atentati. Më 28 Korrik 2023, Prokuroria kishte kërkuar sekuestrimin e pronave me vlerë 10 mln euro, e përbërë nga 11 garazhe, 18 apartamente, 1 truall, 2 njësi, 1 vilë, licencë për transport udhëtarësh, 3 shoqëri aksionere, 1 kazino dhe 9 automjete. Kurse aktualisht kërkon konfiskimin e 13 prej tyre.

“Prokuroria provoi se shtetasi N.Gj., (Ndue Gjergji) ka qenë nën hetim në Hollandë për veprën penale të ‘pastrimit të parave’ ndërsa më parë ka qenë i arrestuar dhe i dënuar për drogë në Itali”, thuhet në njoftim. 

LEXO EDHE:
VIDEO/ Po performonte Stresi, të shtëna me armë në koncertin e ‘Cinco Cavallit’ natën e ndërrimit të viteve në Tiranë, në kërkim autori

Nga analiza e fakteve dhe e dokumentacionit të administruar, përsa i përket pasurive të Gjergjit dhe familjarëve të tij, sqarohet se ‘rezultoi se kanë një nivel të pajustifikuar ekonomik dhe dyshohet se 13 pasuritë e paluajtshme i kanë fituar si rezultat i veprimtarisë  kriminale’.

Paulin Marku ndodhej në një lokal mbrëmjen e 30 majit 2020 bashkë me shtetasin Bujar Hasani, i njohur edhe me mbiemrin Lika (mik i Ervis Martinajt, 'mbretit të kumarit' i zhdukur prej 8 Gushtit 2022), kur u ekzekutuan me 5 plumba. Fillimisht Gjergji, (Marku) mbeti i plagosur rëndë, por s'i mbijetoi dot plagëve.

Kamerat e sigurisë fiksuan katër autorët, të maskuar dhe të veshur si police të cilët kanë lëvizur me një makinë tip 'Golf 5'. Ngjarja u zbardh dhe ka autorë të arrestuar dhe dënuar.

Kërkesa e Prokurorisë së Tiranës:

“Prokuroria pranë Gjykatës së Shkallës së Parë të Juridiksionit të Përgjithshëm, Tiranë paraqiti kërkesën për konfiskimin e të paktën 2.5 milionë euro pasuri të shtetasit N.Gj., i cili ka ndërruar jetë në vitin 2020 si pasojë e një atentati me armë zjarri dhe e familjarëve të tij, pasi u provua se lidhen dhe rrjedhin nga veprimtaria kriminale.

Në kuadër të hetimeve mbi procedimin pasuror nr.03, të vitit 2023, në ngarkim të këtij shtetasi, rezultoi se i ndjeri ka qenë pjesë e një grupi kriminal i cili fushë kryesore të aktivitetit të tij kriminal kishte veprën penale ‘Trafikimit të lëndëve narkotike’ parashikuar nga neni 283 i Kodit Penal. 

Prokuroria provoi se shtetasi N.Gj., ka qenë nën hetim në Hollandë për veprën penale të ‘Pastrimit të parave’ ndërsa më parë ka qenë i arrestuar dhe i dënuar për drogë në Itali. Nga analiza e fakteve dhe e dokumentacionit të administruar, përsa i përket pasurive të shtetasit N.Gj. dhe familjarëve të tij, rezultoi se kanë një nivel të pajustifikuar ekonomik dhe dyshohet se 13 pasuritë e paluajtshme i kanë fituar si rezultat i veprimtarisë  kriminale.

Bazuar sa më sipër, prokuroria vlerësoi se pasuritë e tij dhe familjarëve plotësojnë kriteret e parashikuara nga neni 11 i ligjit nr.10192 datë 03.12.2009 ″Për parandalimin dhe goditjen e krimit të organizuar, trafikimit dhe korrupsionit nëpërmjet masave parandaluese kundër pasurisë″, pasi ekziston dyshimi i arsyeshëm se shtetasi N. Gj, ka qenë i përfshirë në veprimtarinë kriminale të veprës penale ″Prodhim dhe shitje narkotikësh” dhe “Pastrimi i parave”. 

Kliko këtu për të lexuar dokumentin e plotë 

TAG:
• Laçi
• Ervis Martinaj
• bujar lika
• bujar hasani
• Paulin Marku
• pastrim parash
• trafik droge
• Italia
• Holande
• konfiskim
• prokuroria tirane
• Tirane
• ndue gjergji

Sondazhi i ditës:

Çfarë prisni në vitin 2025?

• Punë

  10.4%

• Shëndet

  67.7%

• Mirëqënia

  21.9%

Vota total: 1679

Votat totale janë unike

• Sondazhi i ditës:

  Çfarë prisni në vitin 2025?

  Punë Shëndet Mirëqënia