POP 5

Lajmet më të lexuara të 5 minutave të fundit

Sociale

Pas aksidentit të kryefamiljarit, familja Thanasi nga Tirana nuk mund të sigurojë jetesën

Familja Thanasi nga Tirana prej ditësh ka mbetur pa ngrënë pas aksidentit që ka pësuar kryefamiljari. Ata bëjnë thirrje për ndihmë nga kushdo që mundet në mënyrë që të blejnë ilaçet dhe t'i rikthehen punës.

Gjithçka ndryshoi në jetën e familjes Thanasi, kur kryefamiljari Ilirian Thanasi pësoi një aksident duke thyer këmbën. Të vetmet të ardhura që kishte kjo familje, ishin ato që siguronte Iliriani por ky aksident ka ditë që i ka lënë pa ngrënë.

Gerta Thanasi tregon se nuk kanë kërkuar asnjëherë ndihmë edhe pse të varfër, ia kanë dalë vetë duke bërë punë të thjeshtë, por sot ata kanë nevojë për ndihmën e çdokujt që mundet, pasi burrë e grua janë të sëmurë e nuk mund të punojnë, madje kjo familje nuk trajtohet as me ndihmë ekonomike.

"Sa erdhi nga puna, la bicikletën, vetëm kur u rrëzua jashtë. U rrëzua, theu këmbën, e cuam në spital, na thanë që i ishte thyer kocka në mes. Një pjesë ia futën në allci, ndërsa pjesën tjetër do ia fusin në allci javën që vjen. Më thanë se i rrezikohet jeta nëse nuk merr disa mjekime", u shpreh Gerta Thanasi. 

Ilirian Thanasi prej ditësh rri në këtë shtrat. Mjekët i kanë thënë se rrezikohet nga tromboza, por Iliriani tregon se e ka të pamundur t’i blejë ilaçet. 

"Kam pas punuar, e nxirrja lekun, jetonim, të paktën bukën e siguroja. Vetëm unë punoja, nusen e kam pasur me KEMP, ia hoqën. Jemi vetë i tretë, kërkojmë të ushqehemi", u shpreh Ilirian Thanasi.

Iliriani dhe Gerta kanë një fëmijë 7-vjeç.  Ata tregojnë se sot e kanë dërguar në shkollë pa ngrënë. Kërkesa e tyre e vetme është një ndihmë për të blerë ilacet në mënyrë që kryefamiljari të punojë për të mbajtur familjen.

"Kam një djalë, e kam cuar në shkollë pa ngrënë dhe me temperaturë 38. I kërkoj cdo njeriu që të më ndihmojë, të paktën për ilace", tha bashkëshortja e Ilirianit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Macron i përmend Kurtit Asociacionin teksa flet për rrugën e Kosovës në Këshillin e Evropës

Macron i përmend Kurtit Asociacionin teksa flet për rrugën e Kosovës në Këshillin e Evropës

23 Prill, 22:58