Ka shkuar në 6 numri i projektligjeve të depozituar në Kuvend për hapjen e dosjeve të ish Sigurimit të Shtetit dhe pastërtinë e figurës së funksionarëve publikë. Partia Demokratike e drejtuar nga Alibeaj ka depozituar në Kuvend nismën e tretë ligjore, për lustracionin ose pastërtinë e figurës. Projektligji është i ngjashëm me projektligjin e propozuar nga Berisha, ndërsa konsiston në përjashtimin për të kandiduar, zgjedhur dhe emëruar në disa funksione publike të të gjithë personat që kanë mbajtur pozicione politike gjatë regjimit komunist, kanë qenë pjesë të drejtësisë apo që kanë qenë bashkëpunëtorë të ish Sigurimit të Shtetit.
Ashtu si projektligji i propozuar nga Rithemelimi, edhe nisma ligjore e propozuar nga PD-ja me në krye Alibeajn, nuk përfshin sekretarët PPSSH si kategori që nuk dihet të kandidojnë, zgjidhen apo emërohen në disa funksione publike. Për vite me radhë, Berisha ka mbajtur pozicionin politik të sekretarit të Komitetit të Partisë së Punës në Fakultetin e Mjekësisë te Universiteti i Tiranë. Ky përjashtim mund të lexohet si një mesazh afrimi mes dy PD-ve.
Projektligji i PD-së së Alibeajt përfshin anëtarë dhe kandidatët e Byrosë Politike, të Komitetit Qendror të PPSH, Presidiumit të Kuvendit, ministrat dhe zëvendësministrat, krerët e degëve të punëve të brendshme, anëtarët e Komisionit Qendror të Dëbim Internimeve, njerëzit e drejtësisë, dëshmitarët në proceset politike dhe hetuesit, anëtarët dhe bashkëpunëtorët e ish Sigurimit të Shtetit. Këta persona, jo vetëm që nuk mund të zgjidhen deputetë, kryetar bashkie, këshilltarë bashkiakë dhe të emërohen nga Kuvendi, por nuk mund të jenë as pjesë e ushtrisë, policisë, diplomacisë, drejtësisë etj.
Edhe nisma ligjore e Berishës parashikon që nuk mund të zgjidhen dhe emërohen në funksione publike personat që kanë qenë bashkëpunëtorë të ish Sigurimit të Shtetit, hetues dhe gjyqtarë në kohën e diktaturës, ata që kanë qenë anëtar ose kandidat i Byrosë Politike, anëtar i Komitetit Qendror të PPSH, anëtarët e Presidiumit të Kuvendit Popullor, ministër, zëvendësministër i Punëve të Brendshme, kryetarët e degëve të punëve të brendshme, personat që kanë mbaruar shkollën e Lartë të Ministrisë së Punëve të Brendshme etj.
Partia Demokratike me në krye Enkelejd Alibeajn ka depozituar në Kuvend një projektligj për hapjen e dosjeve të ish Sigurimit të Shtetit, duke i deklasifikuar si sekret shtetëror. Nisma parashikon ndryshimin e ligjit të vitit 1999 për informacionin e klasifikuar, duke bërë përmbajtjen e dosjeve të ish Sigurimit të Shtetit të aksesueshme nga mediat dhe publiku.
PD-ja me në krye Enkelejd Alibeajn ka depozituar në Kuvend një tjetër projektligj për dekomunistizimin, duke parashikuar fshirjen e çdo gjurme nga periudha e komunizmit që nga emrat, muzika, filmat, lapidarët, letërsia, piktura, kompozimet, këngët etj.
Fillimisht, ishte Partia Socialiste që depozitoi në Kuvend dy projektligje, pas kërkesës së Autoritetit të Dosjeve për t’i hequr pengesën ligjore për verifikimin e politikanëve, kandidatëve dhe funksionarëve që kanë marrë certifikata për pastërtinë e figurës nga komisionet Mezini dhe Bezhani. Projektligji i propozuar nga PS-ja parashikon shfuqizimin e pikës 4 të nenit 29 të ligjit për dosjet të vitit 2015, duke i hapur rrugë Autoritetit të Dosjeve të verifikojë edhe ato persona që disponojnë një certifikatë të pastërtisë së figurës.
Shumica në pushtet ka depozituar në Kuvend edhe një tjetër projektligj, për ndryshimin e Kodit Zgjedhor, duke vendosur si kriter shtesë për kandidatët për deputetë dhe kryebashkiakë, që të paraqesin në KQZ një certifikatë të lëshuar nga Autoriteti i Dosjeve se nuk kanë pasur lidhje me ish Sigurimin e Shtetit. Ky ndryshim është pothuajse një lustracion.
Komente
Lajme të tjera
-
Verifikimi i kandidatëve për zgjedhjet 2025/ Autoriteti i Dosjeve: Partitë të dorëzojnë emrat 70 ditë para
12 Nëntor, 14:09 -
Gjykata Kushtetuese rrëzon kërkesën e Sali Berishës për përjashtimin nga çështja e tij të gjyqtares Marsida Xhaferllari
6 Nëntor, 15:32 -
Meta në burg, Alibeaj për Report Tv: U arrestua ish-presidenti, e çfarë pastaj, të gjithë para ligjit të barabartë! Berisha kërkon të shesë qeverinë teknike si karamele, i paaftë të fitojë zgjedhjet
1 Nëntor, 17:58 -
Qasja në dosjet e ish-Sigurimit të Shtetit! OSBE: Të jetë e përgjegjshme dhe transparente! Sula: Thesar për të kuptuar 50 vitet e diktaturës
25 Tetor, 18:49 -
'Konflikt interesi', Berisha kërkon përjashtimin nga çështja e tij të partneres së Enkelejd Alibeajt, gjyqtare e 'Kushtetueses'
24 Tetor, 16:27 -
‘Jo ditë për të hapur shampanjën’ Opozita: Negociatat drejt BE, hap i vonuar!
15 Tetor, 15:59
-
Partia që i gris Berishës, fasadën e bashkimit dhe i heq monopolin e opozitës
13 Tetor, 22:21
-
‘Djathtas 1912’, Kulluri i përgjigjet sulmeve të Berishës: S’na kishte marrë malli për fjalimet e shokut Enver! Te ne s’ka njerëz të përfshirë me krimin, gjeji te oborri jot
13 Tetor, 11:58 -
Spahiu: Partitë e reja të bashkohen dhe të nxjerrin një kandidat për kryeministër më të mirë se Berisha-Rama
12 Tetor, 17:38 -
'Djathtas 1912' Alibeaj parti të re me anti-berishistët e pa Bashën: Sot duhet një entitet i ri djathtas! Kulluri: Po koalicionit me partitë opozitare por Saliu s'ka vend
12 Tetor, 08:24 -
Alibeaj ‘thumbon’ grupin e Bardhit pas bashkimit me Berishën: Qëndrimet nuk ndryshojnë me stinët, kërkoni karrige si parazitë! Ja çfarë më ndau nga Basha
17 Shtator, 14:23 -
'Berisha dhe Rama bashkëqeverisin politikisht', Kthupi njofton krijimin e partisë së re: Diskutimet janë përtej emrave, i ftuar kushdo
13 Shtator, 18:28
Ka ardhur koha qe shoqeria civile,vete, te miratoje lustracion me referendum popullor. Ne menyre per te zhdukur njehere e mire cilindo te lidhur me trashegimine kriminale komuniste, vecanerisht me te spikaturit e saj si Sali Berisha, Fatos Nano, Edi Rama, Ilir Meta, Skender Gjenushi, e me radhe.
Përgjigju