TIRANE - Nga dita në ditë po thyhen rekordet e të infektuarve në Shqipëri. Në 24 orët e fundit janë regjistruar 57 raste të reja me COVID, 9 më shumë se ditën e djeshme, si asnjëherë më parë nga fillimi i pandemisë. Gjatë 24 orëve të fundit janë kryer 362 testime për të dyshuar të prekur me Covid19 nga të cilat janë konfirmuar 57 raste pozitive. Një nga vatrat rezulton reparti i hematologjisë te QSUT-ja ku numri i të infektuarve ka shkuar në 11, (sot ishte rasti me i fundit). Ndërkohë, harta e infeksionit brenda QSUT-së është zgjeruar edhe në spitalin Francez, ku sipas burimeve në konfirmuar pozitiv me COVID-19 dy specializantë në këtë spital i cili mbulon tre shërbime, atë të ORL-së, Okulistikës dhe Oro-Maxillo-Facial.
Kruja ka numrin më të lartë të rasteve ditore, me 16 të prekur që lidhen me aktivitete biznesi dhe kontakte të tyre, e ndjekur nga Tirana me 14 raste, 9 në Vlorë, 8 në Shkodër, 6 në Lushnje, 2 në Pukë, 1 në Durrës, 1 në Fier. Ndërkohë që janë në hetim shumë raste të reja në Tiranë, Vlorë, Shkodër dhe Krujë.
Gjatë 24 orëve të fundit janë shëruar 5 qytetarë duke e çuar numrin e të shëruarve që nga fillimi i epidemisë në 1044. Aktualisht në spitalin infektiv po marrin shërbim 47 pacientë, 5 më pak se dje, pra të shëruarit janë larguar dhe nuk kemi shtrime të reja në 24 orët e fundit. 7 prej pacientëve të shtruar janë në terapi intensive dhe një i intubuar. Në vendin tonë janë aktualisht 441 persona aktivë me COVID19, kryesisht në Tiranë, Shkodër, Krujë.
Ministria e Shëndetësisë dhe Mbrojtjes Sociale apelon bizneset dhe qytetarët të respektojnë rregullat. Ministria rekomandon bizneset, institucionet dhe kompanitë, që kudo ku është e mundur të punohet nga shtëpia për të frenuar përhapjen e Covid19. Gjithashtu, Shëndetësia kujtohet sot të theksojë që thyerja e karantinës është e dënueshme pasi rrezikon shëndetin e qytetarëve dhe se çdo rast i identifikuar, qoftë edhe pa shenja, duhet të izolohet.
"Nisur nga fakti se po zbulohen raste pozitive në disa ndërmarrje, subjekte tregtare apo institucione të ndryshme publike dhe private, Ministria e Shëndetësisë dhe Mbrojtjes Sociale rekomandon bizneset, institucionet, kompanitë, kudo ku është e mundur puna nga shtëpia, të nxisin këtë mënyrë alternative për të frenuar përhapjen e Covid19. Kujtojmë edhe një herë se çdo rast i identifikuar, qoftë edhe pa shenja, duhet të izolohet dhe se thyerja e karantinës është e dënueshme pasi rrezikon shëndetin e qytetarëve. Me organet e rendit po intensifikohet puna për të garantuar respektimin e karantinës së detyrueshme për përsonat e prekur nga Covid19.
Një kujtesë edhe për subjektet tregtare të shërbimit: maska apo barrierat mbrojtëse janë të detyrueshme dhe çdo shkelje do të dënohet sipas ligjt në fuqi. Ministria e Shëndetësisë dhe Mbrojtjes Sociale kërkon edhe njëherë ndërgjegjësim nga vetë bizneset dhe qytetarët të jenë të kujdesshëm në zbatimin e masave të distancimit fizik dhe higjienës personale. Inspektoret e task-forcës anti-covid do të ndëshkojnë çdo subjekt që thyen rregullat e vendosura.
Edhe një herë ju drejtohemi qytetarëve: Jemi ende në luftë me një armik të padukshëm dhe këtë luftë mund ta fitojmë të gjithë së bashku duke zbatuar disa rregulla të thjeshta, qëndroni në distancë fizike, lani duart, përdorni maska në ambjente të mbyllura. Lidhuni me mjekun tuaj të familjes nëpërmjet linjës së gjelbër 0800 40 40, për informacion rreth Covid19. Nëse keni shenja të sëmundjes, qëndroni të izoluar dhe telefononi Urgjencën Kombëtare, 127" deklaron Ministria e Shëndetësisë.
Kryeministri Edi Rama ka paralajmëruar se nëse nuk do të ketë një ndryshime të sjelljes së qytetarëve dhe bizneseve, atëherë do të rikthehet karantina. Report Tv e ka ngritur si shqetësim se me lehtësimin e masave, autoritetet shtetërore nuk kanë ushtruar kontrolle të efektshme në të gjitha njësitë tregtare, lokalet e restorantet dhe gjithçka tjetër që u rihap për disntancimin social dhe masat e tjera, ndërkohë që kanë lënë mënjanë fushatën sensibilizuese për qytetarët.
COVID-19 – Statistika (14 Qershor 2020)
Testime totale 20494
Raste pozitive 1521
Raste të shëruara 1044
Raste Aktive 441
Humbje jete 36 (Qarku Tiranë 21, Durrës 7, Fier 4, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 230
Krujë 55
Shkodër 53
Kamëz 26
Durrës 20
Vlorë 15
Lushnje 12
Pukë 11
Elbasan 4
Fier 4
Lezhë 3
Tropojë 2
Korçë 1
Librazhd 1
Mallakastër 1
Berat 1
Ura Vajgurore 1
Gjirokastër 1
Burime për Report TV bëjnë të ditur se dy efektivë të Gardës së Republikës kanë rezultuar pozitiv me koronavirus. Mësohet se efektivët janë jashtë rrezikut për jetën dhe ndodhen të vetëkarantinuar për 14 ditë. Asnjëri prej tyre nuk është truprojë shoqërues i ndonjë personaliteti.
Zgjerohet harta e infeksionit brenda QSUT-së. Burime për Report Tv bëjnë me dije se janë konfirmuar pozitiv me COVID-19 dy specializantë në këtë spital i cili mbulon tre shërbime, atë të ORL-së, Okulistikës dhe Oro-Maxillo-Facial.
QSUT-ja është kthyer në një nga vatrat më të mëdha të infeksionit në vend, ku rasti më i fundit është regjistruar edhe në repartin e hematologjisë të QSUT ku numri të infektuarve ka shkuar në 11.
Reparti i shërbimit të mjekësisë Interne (Sëmundjeve të brendshme) në QSUT është rihapur pas disa ditëve mbyllur për shkak të vatrës së COVID-it. Disa pacientë, por edhe staf mjekësor u infektuan në këtë shërbim duke sjellë mbylljen në 29 maj. Shërbimi është hapur, ndërsa pacientët që janë prekur ndodhen të shtruar te Infektivi prej disa ditësh.
Kruja mban vendin e parë në 24 orët e fundit për infeksionet me 16 raste. Shumica prej të prekurve ndodhen në Krujë dhe 3 prej tyre në Fushë Krujë, mes tyre një në Nikël. Report Tv mëson se të prekurit janë kontakte të rasteve të mëparshme kryesisht kontakte fasonësh.
Rasti i infeksionit sot në Fier lidhet me një grua të moshuar nga Libofsha që ishte e shtruar në QSUT, ku edhe është prekur me COVID. Ndërkohë që tamponi i është bërë edhe burrit të saj që në testin e parë rezultoi negativ. Nuk ka persona të tjerë në familje të prekur. Gruaja e infektuar po mjekohet në banesën e saj në Fier. E moshuara ishte kuruar nga leucemia në QSUT, ashtu si rasti i një ditë më parë, ku një tjetër grua nga Patosi që kishte dalë nga ky repart rezultoi e infektuar me COVID.
QSUT vijon që të jetë vatra kryesore nga ku është përhapur infeksioni në shumë qytete të tjera nga pacientët. Ka shkuar në 11 numri i të infektuarve me COVID te shërbimi i Hematologjisë (sëmundja e gjakut) me pacientin e prekur në 24 orët e fundit. Report Tv sjell pamjet e momentit kur ambulanca transporton të infektuarin te Infektivi. Rastet e para në këtë repart u shënuan në datë 9 qershor dhe numri ka ardhur në rritje.
Shifrat e të infektuarve me COVID në vendin tonë vijojnë që të jenë shqetësuese. Report Tv mëson se në qytetin e Vlorës janë shënuar 9 raste pozitive nga tamponet e marra në dy ditët e fundit. Përgjigjet e analizave kanë mbërritur mbrëmjen e djeshme në Vlorë për të prekurit. Dita e djeshme, pra e shtuna shënoi rekordin e të prekurve në Shqipëri që pas nisjes së pandemisë, 48 të infektuar.
Komente
Lajme të tjera
-
Komisioni i Shëndetësisë miraton nen për nen Buxhetin 2025, bëhen edhe propozime të reja: Të rritet pagesa e invaliditetit!
20 Nëntor, 16:42 -
Importet e barnave nga India, Bangaldeshi e Kina me autorizim ministri, KLSH: Në 3 vite pa analiza fiziko-kimike
20 Nëntor, 07:44 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Humb jetën në moshën 45 vjeçare anëtari i Gjykatës së Lartë Darjel Sina, vuante nga tumori! Prej 3 ditësh ndodhej në intubim në QSUT
17 Nëntor, 10:11 -
Tiranë/Kanosi infermierin në QSUT dhe kundërshtoi policët, arrestohet 36-vjeçari
11 Nëntor, 13:54 -
QSUNT binjakëzohet me qendrën spitalore më të madhe izraelite, Koçiu: Gur themeli për përmirësimin e shërbimit onkologjik
4 Nëntor, 12:16 -
Godina e Kardiokirurgjisë në QSUT në rikonstruksion, Koçiu: Do pajiset me teknologjinë më të fundit
4 Nëntor, 10:20 -
Vihet në funksion Brakiterapia në Onkologjik, nis trajtimi për pacientët
30 Tetor, 09:49 -
Koçiu: Shërbim dentar falas edhe të shtunën e parë të çdo muaji për të moshuarit
26 Tetor, 15:52 -
Historia pas aktit ekstrem të nënës së 2 fëmijëve në Durrës
24 Tetor, 13:21
-
Shtohen rastet me zgjebe në vend, mjekët: Çdo ditë kemi pacientë! Dermatologia: Është ngjitëse, familjarët më të rrezikuarit
21 Tetor, 20:36
-
Tiranë/ 8 muaj jashtë funksionit, vihet në punë aparatura e shintigrafisë në QSUT
21 Tetor, 11:28
Po ku je e kryeminister se e mbylle me 8 raste e jo me tani qe po dalin me nga 40 raste e siper po mbylli dhe nje her se ti ja di ktij poplli
Përgjigjute kujdesen ata qe punojme ne Spital dhe per oret mbas punes Se te pish kafe Koje me koke nuk do te thote detyrimisht u infektova ne spital kjo Böen me shume per punonjesiz sepse QSUT apo te tjera nuk kane te drejte te kontrollojne ktej private mbas pune,dmth qe ndoshta mos u infektoni mbas pune
PërgjigjuPerdorni maskat o njerez! Nuk kushton fare dhe te mbron shume!Shteti te veproje! Kush eshte pa maske ne rruge,dyqan e zyra te gjobitet!
PërgjigjuSte mbron maska sidomos kero qe shitwn ne farmacit tona se brenda 20 min behen t paperdorshme o shoku sefer.ca ka per tu ber do behet.ka qe ne dhjetor korona ne shqipri daku Vjet vdiqen 2 milion njerez ne bot per e muaj grip normal.ket vit kan vdek 450mij nga korona qe ka 6 muaj ne qarkullim.gripi i ka marr me koh pleqt kur i zite .edhe ky keshtu ndodh.keq na vjen por sesht zgjidhje as maska e as gjoba
Shikoni sheshin Skenderbej qe eshte kthyer ne vater infeksioni nga qoftet dhe kafenete. Urgjent te rimbyllet perseri populli ne karantine se ndryshe korona do te beje kerdine.
PërgjigjuNiseni nga institucionet ku rrijne njerezit nga 15 veta ne zyre pa distanca, ku drejtorat edhe me kohe karantine kerkonin njerezit ne pune! I keni ber drejtorat si pronare institucuonesh sikur me i pas cifligje! Dilni kontrolloni, mos beni propagande boll mo! Shteti qe skontrollin dot drejtoret r vet! Zot na ruj se me mbet me dor te juj pffffff
Përgjigju