Kombëtarja shqiptare do të luajë për të tretën herë miqësore me Kosovë, por kësaj radhe në Zyrih. Vëllazërorja do të luhet nesër, në orën 20:00, në stadiumin e Zyrihut.
Në një intervistë për “Albinfo”, trajneri i Kosovës, zvicerani Bernard Challandes, ka treguar atmosferën përpara kësaj ndeshje të veçantë. Ai shprehet se në momentin kur ka ardhur në drejtimin e kësaj përfaqësuese, nuk e ka kuptuar nëse gjendej në drejtimin e Kosovës apo Shqipërisë.
Sigurisht, ky është një duel mes vëllezërve. Unë kam qenë pak i befasuar fillimisht si zviceran, kam menduar që është pak më ndryshe, por atje e kam parë që Kosova jeton me Shqipërinë dhe unë nuk e dija a jam në Kosovë, a jam në Shqipëri.
Nuk kam parë ndonjë ndryshim. Ekipi nacional i Kosovës ka luajtur kualifikimet në Shqipëri dhe kjo tregon se Kosova dhe Shqipëria jetojnë shumë mirë bashkë. Me humbjen 3-0 nga Shqipëria, unë nuk isha më trajner, por loja ime e fundit me Armeninë ishte në Shqipëri. 1-0 për ne dhe në fund ne morëm dy gola me Gashin dhe Lenjanin që krosoi.
Duhet të shohim, është një lojë speciale mes vëllezërve, por unë jam zviceran dhe për mua si trajner kjo është një lojë normale kundër një ekipi shumë të mirë. Sot është një lojë përgatitëse për Kampionatin Europian. Ne do të luajmë kundër një ekipi të mirë, me shumë përvojë që ishte edhe në Francë (Kampionatin Evropian).
Por është e qartë se konkurrenca me Shqipërinë është një problem i vogël për mua. Mirëpo unë e di këtë dhe Panucci i Shqipërisë e di po ashtu dhe ne angazhohemi për lojtarë të mirë. Kjo është e qartë. Për mua si trajner i Kosovës është me rëndësi të bëj gjithçka për të bindur lojtarët që të luajnë për Kosovën dhe jo për Shqipërinë.
Kjo është po ashtu një lojë dhe kjo është puna ime, për shembull, për disa lojtarë që janë në Zvicër, për t’i bindur të vijnë te ne. Mirë, nëse ju nuk mund të luani për Zvicrën, ejani për Kosovën dhe jo për Shqipërinë dhe Panucci vepron në të njëjtën mënyrë.
Trajneri i Kosovës, zvicerani Bernard Challandes
Lajme të tjera
-
Sezoni, 9 milionë persona hynë e dolën në kufi me Kosovën! 47 grupe kriminale për kalim emigrantësh u goditën në 2022
13 Janar 2023, 18:15
-
Ditëlindja e 62 e Fadil Vokrrit, vëllazërore mes Shqipërisë dhe Kosovës me emrat më të njohur
21 Korrik 2022, 16:50 -
Pa kontrolle në kufi fundjavave dhe në festa, nis zbatimi i marrëveshjes Shqipëri-Kosovë! Radhët nga kufiri zhvendosen te trau në Kalimash
25 Qershor 2022, 11:13 -
Spartak Ngjela: Ka nisur reformimi i Shqipërisë etnike për ndryshimin drastik të historisë antishqiptare të shekullit të XIX-të dhe XX-të
20 Qershor 2022, 16:47
-
Turizmi/ Rriten hyrje-daljet në katër muajt e parë të vitit, ulet numri i turistëve nga Kosova që vijnë në Shqipëri
27 Maj 2022, 08:22 -
Aksident në rrugën e Kombit, 3 të lënduar! Autoboti i naftës përplas makinën, shkak dyshohet lagështia në rrugë
18 Maj 2022, 13:39 -
Miratohen projektligjet për ratifikimin e marrëveshjes Shqipëri-Kosovë për lehtësirat doganore! Kosova së shpejti me pikë doganore në Portin e Durrësit
26 Janar 2022, 13:15 -
Situata politike në Shqipëri, analisti nga Kosova për Report Tv: Përplasja Berisha-Basha, jashtë vlerave të demokracisë
19 Janar 2022, 20:10 -
Abetare e përbashkët Shqipëri-Kosovë, nënshkruhet sot marrëveshja në Prishtinë
21 Dhjetor 2021, 13:13 -
Përse po ‘i tërbon’ Edi Rama grekët?
9 Dhjetor 2021, 10:55
-
Shqiptarë që presin me vite për shtetësi të Kosovës ose Shqipërisë
28 Nëntor 2021, 09:36 -
Kosova dhe Shqipëria të mësojnë nga njëra tjetra!
27 Nëntor 2021, 12:17
