POP 5

Lajmet më të lexuara të 5 minutave të fundit

Opinion

Tre ndërhyrjet e rëndësishme të ONM në drejtësi

Operacioni Ndërkombëtar i Monitorimit po tregohet gjithnjë e më tepër i vëmendshëm ndaj gjyqtarëve dhe prokurorëve që kalojnë në sitën e Vettingut.

Operacioni Ndërkombëtar i Monitorimit po tregohet gjithnjë e më tepër i vëmendshëm ndaj gjyqtarëve dhe prokurorëve që kalojnë në sitën e Vettingut. Janë të paktën tre raste domethënëse kur ONM ka treguar një nivel më të lartë profesionalizmi sesa organet shqiptare të Vettingut. Rasti i parë është ai i kryeprokurores Arta Marku, e cila edhe pse kaloi Vettingun pati rezerva te qenësishme nga ONM. Mungesa e Arta Markut në seancë përpara KPK shqetësoi përfaqësuesin e ONM, Theo Jacobs, i cili nuk ngurroi të deklaronte se kryeprokurorja tregoi mungesë lidershipi. Për numrin një të prokurorisë shqiptare mungesa e lidershipit duhet të përbënte një problem edhe më të madh sesa problemet me pasurinë por kjo rezervë e ONM-se nuk u mor parasysh nga KPK e cila konfirmoi në detyrë kryeprokuroren.

Rasti i dytë lidhet me anëtarin e Gjykatës së Lartë Admir Thanza, i cili para komisionit të Vettingut rezultoi me një sërë problemesh. Atij iu zbulua një dënim në Itali për vjedhje në supermarket te cilin Thanza nuk e kishte deklaruar në formular, ndërsa përpara KPK-së pati deklaruar se aktin e kishte kryer kunata e tij, por ai e mori përsipër për nipin e sëmurë që po kurohej nga një sëmundje e rëndë në Itali. Por ky rast flagrant nuk u kap nga organet tona te vettingut por nga asistenca e Operacionit Ndërkombëtar të Monitorimit që zbuloi këtë dënim të padeklaruar nga Thanza. Në këtë rast KPK vendosi shkarkimin e gjyqtarit Admir Thanza. Rasti i tretë lidhet me një tjetër gjykatës të nivelit më të lartë, pikërisht Bashkim Dedja anëtar i Gjykatës Kushtetuese. Pavarësisht se KPK e shpalli të denjë për të vazhduar detyrën sot në një zhvillim të papritur Operacioni Ndërkombëtar i Monitorimit ka kërkuar që vendimi i konfirmimit në detyrë të apelohet.

ONM u ka paraqitur Komisionerëve Publikë rekomandimin për të ankimuar vendimin e KPK për Bashkim Dedjen në Kolegjin e Posaçëm të Apelimit. Komisionerët shqiptarë Publikë edhe pse kishin hapësirën ligjore për ta paraqitur vetë ankimin nuk e bënë. Por a do të mjaftojë rekomandimi I ONM për të zgjuar Komisionerët publike mbetet për t’u parë deri në datë 28 korrik kur skadon dhe afati për ankimim. Të treja keto raste tregojnë se filtrat e ONM funksionojnë më mirë se filtrat e komisioneve shqiptare të Vettingut. Duke pare kete realitet a nuk do te kishte qene me mire qe ONM te mos kishte vetem rol rekomandues por edhe rol vendimmarres per te patur nje rezultat te pakontestueshem nga ky proces Vettingu?

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça