‘’Emërimi kardinal nga Papa Francesku me erdhi në mënyre të papritur dhe nuk e besova fillimisht.” Kështu shprehet kardinali i dytë shqiptar,  Eminenca e tij Kardinal Ernest Troshani.

Në një intervistë për Report Tv, ai rrëfen ndjesitë e para pas shpalljes Kardinal. Dom Troshani e cilëson vendimin e Papës, si një vlerësim për gjithë shqiptarët.

Edhe për Motër Bore Nikën, franceskane e Krishtit Mbret, është një kënaqesi, jo vetëm për famulline e Trushit, por për të gjithë Shqipërinë emerimi kardinal i Ernest Troshanit. 

Nga ana tjetër, edhe banorët e Trushit, vendimin e Papa Franceskut, e konsiderojnë vlerësim të madh  për kardinalin dhe zonën, e sipas tyre, eminenca e tij Kardinal Ernest Troshani është i shenjtë.

Në lutjen e së dieles në Vatikan, Papa Francesku shpalli kardinalët e rinj, ndër të cilët edhe Dom Ernest Troshanin për dëshminë e jetës së tij të Krishterë.

Redaksia Online
Al.N/Shqiptarja.com