Policia turke arrestoi 20 persona me dyshimin se ishin përkrahës të Fetullah Gylenit, rivalit të presidentit turk, Recep Tayyip Erdogan, njoftoi agjencia turke e lajmeve, Dogan.
Kjo ndodh dy javë para zhvillimit të zgjedhjeve parlamentare në vend.
"Policia është në kërkim edhe të 66 personave të tjerë dhe po kryen operacione në 19 provinca", shtoi Dogan.
Ndërmjet të arrestuarve janë biznesmenë, avokatë dhe oficerë policie.
Gylen ka qenë aleat i Erdoganit, por gjatë viteve të fundit janë në një rivalitet të spikatur me njëri-tjetrin.
Erdogan akuzon Gylenin për drejtimin e një shteti paralel./ atsh/