POP 5

Lajmet më të lexuara të 5 minutave të fundit

Kosova & Rajoni

U aksidentua për vdekje nga shqiptari, nëna e 21-vjeçares greke kërkon dënim maksimal: Vrau një vajzë, një motër dhe iku nga vendi i ngjarjes

Dënim maksimal ka kërkuar nëna e studentes 21 vjeçares greke që u përplas me makinë për vdekje nga 26 vjeçari shqiptar në orët e para të 22 nëntorit 2022.

U aksidentua për vdekje nga shqiptari, nëna e 21-vjeçares greke kërkon dënim maksimal: Vrau një vajzë, një motër dhe iku nga vendi i ngjarjes

Studentja greke që mbeti viktimë e aksidentit

Nëna e studentes 21 vjeçares greke që u përplas me makinë për vdekje nga 26 vjeçari shqiptar në orët e para të 22 nëntorit 2022, ka dënuar dënin maksimal për të. 

Nëna e viktimës, duke iu referuar 27-vjeçarit shqiptar, ka përmendur nga njëra anë se makina kishte pësuar modifikime dhe nga ana tjetër se shoferi nuk kishte patentë. Po ashtu nëna e Emës ka thënë se shqiptari ndodhej në Greqi në mënyrë ilegale dhe ishte pa dokumentacionet përkatëse.

“Godasim një kafshë dhe na vjen keq, ky njeri vrau një vajzë, një motër, një mbesë dhe thjeshtë iku nga vendi i ngjarjes”, u shpreh nëna e viktimës, e cila kërkon dënim maksimal për shqiptarin.

Gjatë gjyqit në Gjykatën e Apelit Penal të Selanikut dëshmitarët okularë kanë deklaruar se i riu shqiptar po e drejtonte makinën me “shpejtësi marramendëse”.

Si ndodhi ngjarja e rëndë?

21-vjeçarja greke, u tërhoq zvarrë përgjatë rrugës Egnatia, në lartësinë e Kamarës, nga makina që drejtonte 27-vjeçari shqiptar, i cili u largua nga vendngjarja dhe e la të renë në gjendje të rëndë në asfalt.

Që në momentin e parë mjekët bënë përpjekje për ta mbajtur në jetë, por gjendja e saj shëndetësore ishte jashtëzakonisht kritike dhe u shtrua në Repartin e Mjekimit Intensiv, por fatkeqësisht nuk ia doli dot.

Mjaftuan pak orë që i riu të vetëdorëzohej në polici me shenjë pendese ku edhe kërkoi të komunikonte me prindërit e saj. Duke u justifikuar, i riu u shpreh se u largua nga vendi i ngjarjes sepse jetonte në Greqi pa letra. Ndaj tij ka nisur një procedim penale, po ashtu dhe ndaj pasagjeres 19-vjeçare.

Në dëshminë e tij ai tha se ishte i shkatërruar nga kjo ngjarje dhe nëse viktima nuk do kishte tentuar të kalonte rrugën ‘Egnatia’ (aty ku gjeti vdekjen), asgjë nuk do të kishte ndodhur, mjaftonte që e reja të kalonte në vizat e bardha.

27-vjeçari, sipas ndjekjes penale të prokurorit, akuzohet për drejtim mjeti të rrezikshëm me pasojë lëndim të rëndë trupor (vepër penale), si dhe drejtim mjeti pa leje (kundërvajtje).

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55