U kallëzua për fshehje pasurie, Prokuroria s'do hetojë ish-gjyqtarin Besnik Imeraj

U kallëzua për fshehje pasurie, Prokuroria s'do hetojë ish-gjyqtarin Besnik Imeraj

Në rreth ish-gjyqtari i kushtetueses, Besnik Imeraj

Prokuroria e Tiranës vendos mosfillimin e hetimeve per ish-gjyqtarin kushtetues, Besnik Imeraj. Imeraj dha dorëheqjen si gjyqtar dhe ndaj tij u ndërpre Vettingu, por komisioni i Vettingut e kallëzoi penalisht për fshehje pasurie. Kallëzimi u depozitua në Prokurorinë e Përgjithshme, ndërsa organi qendror i akuzës e transferoi dosjen në Prokurorinë e Tiranës. 

Mosfillimi hetimeve ndaj ish-gjyqtarit Imeraj është bërë për mungesë të provave në kallëzim si dhe për mungesë të elementëve të veprës penale. Vendimi i Prokurorisë i është njoftuar edhe KPK-së ish-gjyqtarit imeraj. Ky është rasti i parë kur Prokuroria rrëzon një kallëzim të KPK-së. Pritet që KPK të ankimojë në gjykatë këtë vendim të Prokurorisë. 

Janë 11 gjyqtarë dhe prokurorë të ciilët kanë dhënë dorëheqjen për të ndërprerë Vettingun. Kallëzimi i parë për fshehje pasurie është ai ndaj ish-gjyqtarit të Kushtetueses, Besnik Imeraj. Dorëheqje nga sistemi dha edhe ish-kryeprokurori Adriatik Llalla, ndaj të cilit ka nisur një hetim në Prokurorinë e Durrësit për fshehje pasurie.  

Vettingu ka "kapur" dy gjyqtarë për mosjustifikim pasurie, atë të Kushtetueses Fatos Lulo dy javë më parë dhe gjyqtarin e Apelit të Durrësit këtë të premte, Besim Trezhnjeva. Ky i fundit nuk justifikonte pasurinë prej 20 mln lekë të reja dhe tre apartamente nga vitet e punës si gjyqtar. Ndërsa Vitore Tusha, gjithashtu gjyqtare kushtetuese doli e pastër nga Vettingu.  

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Turi: 13/04/2018 13:46

    Njeriu dhe gjyqtari më mafijoz. I tmerrshem për të ber lidhje dhe ndërhyrje brënda sistemit të drejtesis. I korruptuar deri ne xhdo qelizë të tij.

    Përgjigju
  • Ben: 13/04/2018 11:58

    Keta mbrojne njeri tjetrin.Ymeraj,minimalisht ka bere 10 milion Euro duke abuzuar me detyren.

    Përgjigju
  • bledi: 13/04/2018 11:35

    pse nuk e fillon????? ka vjedhur me veprimet edhe mos veprimet e tij mund te kete shkaktuar viktima. te nis vepra penale edhe te shkoje ne burg. me sa shof une vetingu qenka vetem me i nxjerr nga drejtesia te mbajne pasurine edhe jo burg...

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen