U mori jetën shumë personave, pallati në Thumanë ishte shpallur i pabanueshëm që nga tërmeti i shtatorit

U mori jetën shumë personave, pallati në Thumanë ishte shpallur i pabanueshëm që nga tërmeti i shtatorit

Teksa orët kalojnë dhe numri i viktimave vijon të rritet, detaje të reja kanë dalë në dritë për sa i përket bilancit tragjik, nga tërmeti i rënë mëngjesin e sotëm në orën 03:54. Një nga zonat më të prekura nga ky tërmet është, Thumana, ku nga lëkundjet janë shembur 3 pallate duke lënë pas shumë viktima e të plagosur që gjenden ende nën gërmadha. Burime për Report Tv bëjnë me dije se njëri prej pallateve të shembura në Thumanë ishte shpallur i pabanueshëm që pas tërmetit që ra gjatë verës më 21 shtator.

Por ndryshe nga tërmeti i rënë në qershor që ishte 5.8 ballë, tërmeti i kësaj të marte të zezë për shqiptarët rrafshoi pallatin në fjalë dhe dy të tjerë ngjitur me të. Ndërkohë nuk dihet ende se pse ky pallat që ishte shpallur i pabanueshëm që 2 muaj më parë, vijonte të kishte familje brenda, të cilët tragjedia e dytë e tërmetit të sotëm, 6.4 ballë, u mori jetën shumë prej tyre dhe la nën gërmadha shumë të plagosur. Për këtë rast nuk është raportuar të paktën deri më tani nëse kanë nisur hetimet nga Prokuroria dhe instancat përkatëse. Nëse do të zbatoheshin masat e sigurisë dhe pallati në fjalë do të ishte boshatisur që në qershor kur u dha alarmi, ndoshta bilanci tragjik i këtij tërmeti do të ishte më i lehtë.

Deri më tani, në Durrës dhe në Thumanë janë nxjerrë nga gërmadhat 24 trupa të pajetë, ndërsa edhe pse e trishtë të thuhet, numri i viktimave mund të shtohet.

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • koli: 27/11/2019 01:34

    PSE NUK U ankuat kur pallati ishte I pabanueshem qysh ne termetin e pare,,,duhej t'ja kishit nxjerre syte bashkise…..

    Përgjigju
    • Lui: 27/11/2019 14:31

      Shoku Koli, ketu e kane “fajin” vete banoret qe kane pranuar te hyjne, dhe FAJ strukturat e shteti, bashkia, prefektura etj, qe i kane lejuar te hyjne.. Por e papranueshme qe banoret kane firmosur vdekjen e tyre duke u rikthyer ne ate pallat qe ishte shpallur i pabanueshem..

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Kam lindur në Athinë, por jam patriot i atdheut tim': Mario Mitaj: Populli rus i thjeshtë dhe miqësor

'Kam lindur në Athinë, por jam patriot i atdheut tim': Mario Mitaj: Populli rus i thjeshtë dhe miqësor