POP 5

Lajmet më të lexuara të 5 minutave të fundit

Sociale

U shkatërrua në komunizëm, banorët rindërtojnë kishën në Përmet: Besojmë te mrekullitë shëruese të saj (VIDEO)

Në një oaz të gjelbër mes lisave shekullorë ndodhet kisha me emrin e veçantë "Shën e Diela". Ajo ishte shembur në kohën e komunizmit, si shumë objekte të tjera të kultit, por tashmë është rindërtuar me kontributin e banorëve dhe të Metropolisë së Gjirokastrës.

Kjo është e vetmja kishë ortodokse në Përmet, ndoshta në të gjithë vendin me emrin e veçantë "Kisha e Shën e Dielës". Çdo korrik këtu mblidhen besimtarët ortodoksë për të kremtuar festën e Shën e Dielës.

"Kisha feston ditën e saj, më datë 7 korrik ku besimtarët e shumtë nga të gjitha fshatrat  vijnë të kremtojnë e të ndezin qirinj për shtëpitë e tyre”, thanë banorët.

Banorët janë të prirur të besojnë në mrekullitë që fal kjo kishë me formë të veçantë që i përshtatet natyrës.

Veçantia nuk qëndron vetëm tek emri, por edhe tek historia e saj. At Ilija Tyto tha për Report tv se kjo kishë ishte shembur gjatë diktaturës, por është rindërtuar me kontributin e banorëve të Grabovës.

“Pranë saj ndodhet një lis shumëshekullor 500-vjeçar që e bën të veçantë këtë kishë. Kisha ka gjithashtu ka bërë dhe mrekullitë e saj. Më përpara këto ambiente të kishës kanë qenë të pyllëzuara me lisa të mëdhenj por me ardhjen e sistemit komunist këto u shkulën të gjitha. Por më vonë u ndërtuan me ndihmën e Metropolisë së shenjtë të Gjirokastrës dhe kryepeshkopit Anastas", tha At Tyto

Njëri prej kontribuuesve për ringritjen e kishës së 'Shën e Dielës' beson tek mrekullitë e saj.

"Këtu në fshat ka shumë histori, por një ndër gjërat më të veçanta të kësaj kishe është se kjo në periudhën e komunizmit, kjo pasi u shkatërruan disa prej njerëzve që kanë vënë dorë këtu. Ka bërë mrekullia, shërime por edhe ndëshkime e mbarësira" tha Artur Çela, banor i zonës.  

Emrin e veçantë, kisha e ka marrë nga jeta e shenjtores "e Diela". Ajo ndodhet në fshatin Grabovë që është kufiri administrativ mes Këlcyrës dhe Përmetit.

I.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mrekullia: 11/07/2020 23:08

    E vetmja mrekulli që ndodh aty te e ashtuquajtura kishë është që toka nga pronë publike mes lisash shekullorë shëndrohet mrekullisht në tokë të kishës ortodokse. Do dali prap ndonjë ENVER që tju japë atë që meritoni, mos u bëni merak, se që do e hani do e hani. Enverin, perëndia e solli edhe atëhere sepse duhej të spastrohej vendi nga çakejt me xhybe të zeza që në emër të zotit kanë bërë krime, kanë pirë gjakun e fukarait. Rracë e keqe.

    Përgjigju
  • Sondazhi i ditës: 15 Shkurt, 08:36

    Çfarë vlerësimi keni për punën e e SPAK-ut deri më sot?

Lajme të tjera



×

Lajmi i fundit

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

Kishte probleme me pasurinë, Kolegji i Posaçëm i Apelimit shkarkon gjyqtarin e Durrësit, Izet Dushajn

17 Shkurt, 16:55