POP 5

Lajmet më të lexuara të 5 minutave të fundit

Bota

Partia e Shinzo Abe fitore historike pas vrasjes së tij! Merr mbi 2/3 e votave, qeveria mund të ndryshojë Kushtetutën

Partia Konservatore e ish-kryeministrit Shinzo Abe, i cili u vra pak ditë më parë gjatë fushatës elektorale, ka fituar zgjedhjet në Japoni me një rezultat historik.

Partia e Shinzo Abe fitore historike pas vrasjes së tij! Merr mbi 2/3 e votave, qeveria mund të ndryshojë Kushtetutën

Shinzo Abe

Dy ditë pasi ish-kryeministri i Japonisë Shinzo Abe u vra në një takim me zgjedhësit, Partia e tij Liberal Demokratike dhe aleatët e saj fituan në zgjedhjet parlamentare që u dhanë atyre një shans për të ndjekur ambicien e Abe-s, rishikimin e Kushtetutës pacifiste të Japonisë.

Liberal Demokratët dhe partnerët e tyre të koalicionit morën një fitore dërrmuese prej mbi 2 të tretat e votave.

Ata tani mund të ndryshojnë një klauzolë në Kushtetutë, të imponuar nga pushtuesit amerikanë të pasluftës, që heq dorë nga lufta. Ky synim i gjatë do t'i hapte dyert Japonisë për t'u bërë një fuqi ushtarake, e aftë për udhëheqje globale.

Sipas mediave vendase, vdekja e Shinzo Abe duket se ka ndihmuar në rritjen e lehtë të pjesëmarrjes së votuesve, në mbi 52 për qind, nga rreth 49 për qind në zgjedhjet e fundit në 2019.

Shinzo Abe, ish Kryeministri i Japonisë u sulmua me armë zjarri gjatë një takimi elektoral në qytetin Nara dy ditë më parë. Ish-Kryeministri 67-vjeçar ishte në gjendje kome, por mjekët nuk mundën që ta shpëtonin.

Abe kishte humbur gjak për shkak të dy plumbave që mori në qafë dhe në gjoks nga një distancë e afërt me armë të modifikuar. Autori, një burrë rreth të 40-ve, u arrestua menjëherë në vendngjarje dhe nuk bëri rezistencë.

M.Q./xy/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

Më të mirët e vitit/ Bekim Balaj merr Këpucën e Artë për 2024-ën! Juxhin Xhaja 'Arbitri i vitit'

27 Janar, 20:22