Ujësjellës-kanalizimet, Balluku me kryebashkiakët në Korçë: Aforfetë qesharake, Erseka bashkia shembull

KORÇË- Ujësjellësit e Bashkisë Korçë dhe Ersekë janë marrë si shembull nga ministrja e Infrastrukturës Belinda Balluku në takim me kryebashkiakët e qarkut Korçë për performancë pozitive në furnizimin e qytetarëve me ujw të pijshëm dhe për mbledhjen e faturave. Krejt e kundërta ndodh në Bashkitë Maliq, Pustec dhe Devoll, që janë të zhytura në borxhe.

“Korça ofron 91.2% mbulim, Maliqi 65.5%, Pusteci 51.7%, Devolli 97.3% ndërsa Erseka e mbulon 100% popullatën. Kemi Korçën me 24 orë, Bilishtin me 23.5 orë,  Maliq 15.3 orë, Erseka me 20 orë furnizim dhe Pusteci me 12.7 orë”, tha ministrja Balluku.

“Na rezulton se në ujësjellësin e Maliqit dhe të Pustecit nuk ka një sistem të mirëfilltë faturimi. Maliqi, Pusteci dhe Devolli kanë 2 milionë euro debi”, tha Klevis Jahja drejtor i AKUM.

Ministrja Balluku tha se në ndërmarrjet e vogla si në bashkitë e lartpërmendura ka mungesë eficence në punë, ndërkohë sipas saj ka abuzime në faturimin e qytetarëve.

“Fatkeqësisht shohim një faturim afrofe i cili edhe me sy të lirë duke qesharak, sepse konsumi familjar mund të jetë 13 kub, ndërsa për bizneset konsumi është 5-6-7 metër kub, si ka mund2ësi që një familje konsumon më shumë se një bar-restorant. Pustec konsumon 5.5 metër kub familjari dhe 2.4 metër kub biznesi privat, dhe 16.7 metër kub institucionet shtetërore”, tha Balluku.

Qarku i Korçës ka 5 ndërmarrje ujësjellësi dhe rreth 53 mijë kontrata të lidhura me qytetarët. Synimi është që ndërmarrjet e vogla të bashkohen me ato të mëdha për të rritur mirëmenaxhimin e tyre

Reforma e nisur ka si qëllim përmirësimin e infrastrukturës së ujësjellësave, rritjen e cilësisë, shtimin e sigurisë së depove si dhe furnizimin 24 orë me uji të pijshëm të qytetarëve. Monitorimi i ujësjellësve dhe depove pritet të bëhet përmes dixhitalizmit dhe teknologjisë.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Noe: 10/12/2021 08:11

    Lorca ka investuar ne ujesjelles dhe situata e furnizimit me Uje eshte ok. Skandaloze eshte gjendja ne Maliq.Nuk eshte Vene dore ketu e 30 vjet. Pjesa me e madhe nuk Kane piken e ujit dhe sidomos muajt e veres . Nuk e di se ku shkojne fondet qe mer Bashkia. 2021 dhe njerezit nuk Kane piken e ujit ne shtepi

    Përgjigju
  • Sondazhi i ditës:

    Katër vrasjet në bulevard, a është bërë drejtësi për 21 janarin?



×

Lajmi i fundit

John

Rep-pop/ Bashkë në profesion dhe në jetë! Cili është çifti juaj i preferuar shqiptar?