Qëndrimi i gabuar në bankat e shkollës, çanta e rëndë mbi kurriz apo qëndrimi për një kohë të gjatë në telefon kanë shtuar ndjeshëm rastet e skoliozës tek fëmijët. Kjo është grafia e shtyllës kurrizore të 13-vjeçari. Fizioterapisti Kleton Kadillari tregon se nga ekzaminimi dhe matjet e bëra, pacienti ka rezultuar me devijime posturale, të cilat fatmirësisht mund të riparohen.
“Në mosha të tilla rezultatet janë gjithmonë shumë të mira. Një rast shumë i rrallë kur pacienti ka sëmundje shoqëruese, fizioterapia mund të mos ketë efekt, por deri në moshën 15-16 vjeç pacientët reagojnë shumë mirë ndaj fizioterapisë duke qenë se dhe shtylla kurrizore është më elastike dhe na jep mundësinë të punojmë më shumë me të. Kam përshtypjen se ndikon shumë dhe teknologjia dhe abuzimi me përdorimin e aparateve celular.”
Një pjesë e mirë e fëmijëve që frekuentojnë shkollat ankohen për peshën e çantave të shkollës, pavarësisht se në të shumtën e rasteve kanë dhe ndihmën e prindërve dhe gjyshërve që i presin tek porta.
“Në mëngjes çantën ma mban babi gjithmonë. Sot e kam çantën e rëndë. Kam 4 libra dhe fletore.”
“E kam njëçik të rëndë çantën.”
“Më dhembin shpatullat. E kam të rëndë.”
Por të pakët janë ata që u kryejnë fëmijët ekzaminimet e posaçme për këto simptoma.
“E shoqëroj mbesën gjithmonë. Nuk e lë vetëm asnjë minutë. Ia kam bërë të gjitha vizitat dhe te mjekët më të mirë.”
Bazuar në ekzaminimet e mbi 1200 fëmijëve të moshave 6-15 vjeç në Tiranë, 45% e tyre rezultuan me devijime postulare.
“45% e fëmijëve pjesë e studimit kanë patur devijime posturale. Mund të përmendim disbalancën e supeve,disbalancën e shpatullave kur njëra shpatull është më poshtë se tjetra, si dhe ndryshime të structures apo kockave të legenit ku njëra anë është më e ngritur se tjetra. 35% raste kanë rezultuar me devijime të lehta dhe të rënda të postures kurrizore. Kemi hasur dhe fëmijë të moshë 6-7 vjeç të prkur nga skolioza. Në 7 fëmijë të prekur nga skolioza 6 janë femra, 1 mashkull. “
Specialistët sugjerojnë kontrolle të paktën një herë në 6 muaj, pasi nëse kalon mosha e pjekurisë muskulare devijimet e shtyllës kurrizore bëhen të pariparueshme.
Lajme të tjera
-
Skolioza, Koçiu: Program në shkolla për depistimin e hershëm te fëmijët 6-10 vjeç
4 Shtator, 13:31 -
A uleni këmbëkryq? Kujdes, kjo po ju dëmton shëndetin
27 Mars 2023, 21:31 -
Kujdes çantat e rënda të shkollës, rrezik nga skolioza! Fizioterapisti: Çanta të peshojë sa 10% e peshës trupore të fëmijës
11 Shtator 2022, 21:11
-
Fizioterapisti për Report TV: Shifrat e të prekurve me skoliozë shqetësuese! Ja mënyrat si prindërit mund të dallojnë me sy të lirë nëse fëmija e tyre vuan nga kjo sëmundje
12 Qershor 2022, 14:58 -
Qershori muaji i ndërgjegjësimit për skoliozën, mjekët: Duhet ekzaminim i hershëm dhe aktivitet sportiv! 50% e fëmijëve me deformime të shtyllës kurrizore
1 Qershor 2022, 17:25
-
Skolioza, më shumë të prekur/ Fizioterapistja Majlinda Koca: Ja si mund të evidentoni shenjat tek fëmijët që në moshë të hershme
5 Maj 2021, 11:47
