POP 5

Lajmet më të lexuara të 5 minutave të fundit

Kronikë

'Unaza e Madhe'/ Vijon protesta në Shkozë, Bumçi: Të dalim përpara Kryeministrisë, Rama duhet të largohet

Një pjesë e banorëve të Shkozës sërish kanë dalë këtë të martë për të protestuar kundër projektit të "Unazës së Madhe". Sikurse dje, ata po përkrahen nga deputetët demokratë. Aldo Bumçi deklaroi nga zona ku po zhvillohet protesta se, këta banorë do të marrin zgjidhje vetëm nëse protesta do të zhvillohet përpara Kryeministrisë.

Një pjesë e banorëve të Shkozës kanë dalë këtë të martë për të protestuar sërish kundër projektit së “Unazës së Madhe”, duke bllokuar rrugën e rrjedhimisht dhe qarkullimin.

Duke vijuar protestën e paradites së djeshme, banorët instistojnë në dëmshpërblimin që u duhet t’iu bëhet për shembjen e ndërtesave. Ndonëse ato kanë pohuar se truallin e kanë blerë me para në dorë nga persona të tjerë dhe se i kanë të palegalizuara ato, këto banorë shprehen se nuk kanë ndërmend të heqin dorë nga protestat. 

Ata po përkrahen sërish nga deputetët demokratë. Aldo Bumçi, i cili dje u përplas me inspektorin e IKMT-së Fatmir Meta, sot deklaroi se zgjidhja e kësaj situate do të vijë vetëm si pasojë e një proteste të zhvilluar përpara Kryeministrisë. “Ta largojmë atë njeri që po sillet si pushtues. Nuk ka rrugë tjetër”, u shpreh Bumçi për kryeministrin Edi Rama.

Fill pas tij, një banor i Shkozës u shpreh se “kryeministri duhet ta dijë që familja është e shtrenjtë”, duke i bërë thirrje njëkohësisht që të heqë dorë nga projekti i “Unazës së Madhe”, që sipas tyre është i paligjshëm. Sipas kësaj pjese të banorëve të Shkozës, ende nuk ka mbërritur një ekspert që të vlerësojë banesat.

Sikurse dje,sot paradite ka pasur sërish momente tensioni; në Shkozë dhe në Laprakë, ku një familje kundërshtoi shembjen e banesës dykatëshe duke u ngujuar brenda.

IKMT e nisi aksionin për shembjen e banesave në Shkozë më datë 26 nëntor.(Lexo këtu) Por nëse në Shkozë preken 16 objekte, në zonën e  "Astirit" preken  317 banesa. Një pjesë e banorëve të kësaj zone, që i kanë shtëpitë dhe bizneset e palegalizuara, janë ngritur në protestë prej 31 ditësh për të kundërshtuar projektin.

Protesta është shtrirë edhe në sheshin "Shqiponja", tek "Unaza e Re", para Bashkisë të Tiranës dhe përpara Kuvendit. Kjo e fundit është cilësuar si protesta më e dhunshme e këtyre banorëve, pasi solli plagosjen e 15 efektivëve dhe 3 qytetarëve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fatosi-kosove: 04/12/2018 19:29

    Qyqyqyqyqyqqyyy bumqi me griden e balliun duan ta rrezojne qeverine,o more te mjere qytetar qe pranoni te keqperdoruni nga kta kriminel sikur keni harruar se kur bumqi ishte minister i drejtesise se çfar bente qeveria e tij kriminale,po si sju vjen turp more te dashur te jene me ju vrases e drogerash qe sdijne as vete se çfar kombesie kane,per ta kombi ishte droga dhe vrasja e shqiptareve deri sa ishin ne pushtet,edhe ky projekt i turpit ishte bere nga vet kta qe sot kinse protestojne,prandaj refuzoni pranimin e tyre dhe bashkepunoni me shtetin qe se paku te demshperblehuni siq duhet sepse keshtu po humbni edhe respektin nga çdokush,pasi bumqi,melo,dule,duma,fazlliqi e basha e i biri i fahriut po tentojne ta shpetojne koken duke ju perdorur juve andaj mos lejoni urrejeni kete kategori te ndyre e te poshter.

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15