Urdhri i Mjekëve konsideron si të padrejtë Aktin Normativ të ndryshuar të Qeverisë së fundmi, që i shmang ata nga komisioni i ankesave dhe masave ndaj mjekëve apo infermierëve që bëjnë shkelje.
Reagimi vjen menjëherë pas botimit (7 Gusht) në Fletoren Zyrtare, të Aktit Normativ Nr. 2, vendim i marrë nga Qeveria në datë 01.08.2024, “Për disa ndryshime dhe shtesa në Ligjin Nr. 123/2014 Për Urdhrin e Mjekëve në Republikën e Shqipërisë”.
“Para botimit në Fletoren Zyrtare ne nuk kemi dituar asnjë detaj mbi ndryshimet dhe shtesat që i ishin bërë ligjit tonë”, lajmëron urdhri dhe se si palë e interesuar direkt pritën të thirreshim në diskutimin e detajeve të ndonjë drafti.
UMSH deklaron se janë shmangur nga të gjitha diskutimet apo hartimet e ndryshimeve në ligj prej autoriteteve zyrtare, teksa apelojnë për rishikimin dhe ribërjen e këtij akti. Pra, nëse më parë shkeljet e bluzave të bardha trajtoheshin nga Urdhri si institucion i pavarur, ku propozoheshin dhe merreshin masa, me ligjin e ndryshuar ky Komision kontrollohet nga Ministria e Shëndetësisë.
“Me ndryshimet e reja ligjore, UMSH nga edukues kthehet në ndëshkues, nga ent publik jo buxhetor i pavarur profesional kthehet në një shtojcë apo department të Ministrisë së linjës. Miratimi i Kodit të Etikës dhe Deontologjisë Mjekësore bëhet nga Ministria e linjës, përbërja, organizimi dhe funksionimi i komisionit të disiplinës dhe komisionit të apelimit rregullohet me vendim të këshillit të ministrave. Siç shihet, pavarësia humbet plotësisht, nuk ka asnjë element të vetrregullimit apo të vetqeverisjes profesionale, siç i kemi pasur në përputhje me ligjin dhe tiparet e homologëve ndërkombëtarë”, theksohet në reagimin e UMSH.
Ata nuk janë dakord as me klauzolat e tjera në ligjin e ndryshuar, e që kanë të bëjnë me veprimtarinë e institucioneve shëndetësore publike, kontrolli i sistemit të referimit, kontratat e punës, etj.
“Shihet qartë se ndryshimet ligjore bien ndesh me rolin, misionin dhe funksionin e UMSH-së. Këto ndryshime dhe shtesa prishin përputhshmërinë me homologët tanë ndërkombëtar”, vihet në dukje.
Për këtë shkak kërkohet edhe rishikimi:
“Duke theksuar për mos dakordësinë tonë të plotë me këto ndryshime ligjore, kërkojmë nga të gjithë organet ligjvënëse dhe ligjzbatuese ( Kuvendi i Shqipërisë, Qeveria, Presidenti i Republikës së Shqipërisë edhe si mjek) të ri shikohet ky akt normativ dhe përfaqësuesit tanë të jenë pjesë e konsultimeve për të bërë një ligj të ri për UMSH në kuadrin e përshtatjes së legjislacionit tonë, me atë të Bashkimit Evropian...”
Në fund Urdhri i Mjekëve lajmëron se do të thërrasë edhe Asamblenë Kombëtare, që do të shprehë qëndrimin zyrtar të tij.
Lajme të tjera
-
Kuvendi miraton me 74 vota pro Urdhrin e ri të Mjekëve! Jo më shumë se 50 orë pune në muaj te privati! Gjoba deri në 1 mln lekë, pezullim deri në heqje licence për kë abuzon
13 Shtator, 00:19 -
Ndryshimet në ligjin për 'Urdhrin e Mjekëve', Koçiu: Shmanget konflikti i interesit! Rritje e transparencës dhe përmirësim i shërbimit
12 Shtator, 15:22 -
Urdhri i Mjekut, PS e PD debate te ‘Shëndetësia’! Opozita: Ndryshimet propagandë, nuk zgjidhin problemet! Koçiu: Nga shkurti 12 mjekë firmosën kontratë të dyfishtë
10 Shtator, 21:04
-
Debati për 'Urdhrin e Mjekut'/ Ministrja Koçiu: Nuk po i merren kompetencat dhe as po i preket pavarësia! Po ngrihen Komisione Kolegjiale dhe transparente
10 Shtator, 15:24 -
Urdhri i Mjekut/ Debate te Komisioni për Shëndetësinë, Metaj: Fytyrat tuaja arkitektë të shkatërrimit të shëndetësisë! Gjergji: Keni dy ministra në SPAK, tërhiquni!
10 Shtator, 14:54 -
Urdhri i Mjekut, deputeti i PS u del në mbrojtje, Kuri: Preket pavarësia, do ju mbështes nëse e çoni Aktin Normativ në Kushtetuese!
9 Shtator, 13:43 -
Urdhri i Mjekëve kundër qeverisë: Aktin normativ e çojmë në Kushtetuese! Një deputet i PS-së i mbështet del kundër qeverisë: I zhgënjyer, preket pavarësia
9 Shtator, 12:53 -
Punë të kufizuar në privat, opozita kundër aktit normativ për mjekët: Nuk zgjidh hallet! PS: Emergjent pas rastit të Onkologjikut
6 Shtator, 17:55
-
Qeveria pranon problemet në sistemin shëndetësor: Kërkohet ndërhyrje urgjente! Dypunësimi i mjekëve cenon shërbimin publik në favor të privatit
29 Gusht, 08:27 -
Urdhri i ri i Mjekëve! Jo më shumë se 50 orë pune në muaj te privati! Ndalohet dypunësimi për doktorët në spitalet me autonomi! Gjoba deri në 1 mln lekë, pezullim deri në 5 vjet ose heqje licence për kë abuzon
8 Gusht, 07:04 -
Mjek në shtet e privat? Tavan për orët e punës! Emrat në regjistër elektronik publik! Drejtuesve u ndalohet të kenë klinika! Qeveria miraton ndryshimet në 'Urdhrin e Mjekut'
1 Gusht, 10:06 -
Skandali i ‘Onkologjikut’ nxit ndryshimet në ligj! Asnjë drejtues i spitaleve publike, punë te privati! Mjekët do marrin leje! Shkelje nëse kurojnë pacientët në shtet dhe privat (MASAT)
1 Korrik, 07:31
