Shqiptarët nuk ndërgjegjësohen nga rreziku i koronavirusit. Nga Tirana, në Shkodër, Vlorë, Korçë, Elbasan dhe qytete të tjera të vendit, Report Tv bëri një vëzhgim nga ora 16:00 që shënoi nisjen e fashës së dytë të lejimit të lëvizjes së qytetarëve nga shtëpia për të dalë për pazaret, blerë ushqimet, për të shkuar në farmaci apo për nevoja të tjera personale. Panorama ishte zhgënjyese dhe e frikshme. Ndërgjegjësimi ashtu si paradite ishte zero. Njerëzit nuk lëviznin në mënyrë individuale sikur lejohet, por të shoqëruar, madje edhe me familjen në disa raste në shëtitje dhe grupe- grupe. Në orën 18:00 përfundoi orari i lejes për të lëvizur dhe qytetarët u futën të gjithë në shtëpi. Pra problemi ishte mënyra e lëvizjes në fashën e lejuar të orarit. Nga nesër qytetarët do të kenë vetëm 8 orë kohë për të dalë në mëngjes nga 05:00-13:00 për të bërë pazaret, ndërsa e diela do të jetë absolutisht e ndaluar për të dalë nga shtëpia deri të hënën në orën 05:00.
Në Shkodër pavarësisht thirrjeve të shumta dhe të përsëritura nga të gjitha institucionet vendore e qendrore, ushtrisë e policisë në rrugë dhe gjobat qytetarët nuk janë bindur, pasi kanë dalë në xhiro me biçikleta pa respektuar distancën mes njëri tjetrit duke dalë të gjithë grupe-grupe. Përballë kësaj situate policia dhe ushtria kanë ndërhyrë në hyrje të pedonales duke bllokuar xhiron e zakonshme, pasi orari nga 16:00-18:00 nuk është për shëtitje dhe aq më tepër në grupe- grupe pa respektuar distancën mes njëri tjetrit por për të kryer nevojat dhe për t'u rikthyer sërish brenda. Policia e Shkodrës ka gjobitur tre qytetarë dhe një lokal për shkelje të masave të përcaktuara për koronavirusin. Lokali është gjobitur për shkak se ka hapur dyert, ndërsa qytetarët për thyerje të urdhrit të lëvizjes.
"Gjate pasdites kane vijuar veprimtarite e strukturave te policise, ushtrise, FNSh, policise bashkiake dhe inspektoriateve. Sipas grupeve te punes dhe postoblloqeve te ngritura ne disa pika duke zbatuar me rigozitet urdherat dhe udhezimet. Vlen te theksohet se gjate pasdites puna e ketyre strukturave ne bashkepunim ka bere qe te ndalet ndjeshem dalja e komunitetit ne rruget e qytetit deri ne parandalim te plote sidomos ne pedonalen e qytetit, fale edhe ndergjegjesimit mediatik te komuntitetit. Nga bashkia Shkoder jane mbeshtetur me ushqime rreth 70 familje ne nevoje, dhe asistuar mosha e trete ne marrjen e pensionit.
UKSh ka vijuar punen me dy grupe per dezinfektimin e objekteve, rrugeve, trotuareve dhe objekteve ne zonen Industriale dhe gjate pasdites ka vijuar dezifektimi ne repartin e dializes dhe ne te gjitha tregjet e hapura te qytetit. DVP jane dhene rreth 4 masa administrative, 1 per lokal dhe 3 per shtetas te cilat kane shkelur aktet normative. NJKVSH, informohemi se nuk ka asnje rast me COVID-19 deri tani ne gjithe territorin e Qarkut. Ne te gjitha QSh jane duke u zbatuar urdherat e MSh per sherbimin shendetesor tek cdo qytetar, sidomos te semuret kronik, pensionisteve, PAK, etj. Edhe ne bashkite Puke, e F.Arrez nga NjKV, paraqitet e njejta situate dhe i njejti sherbim ndaj kategorive te mesiperme te semurve dhe ndjekjen e mbikqyrjes se te ardhurve nga zonat e prekura nga covid-19" thuhet në informacionin e qarkut të Shkodrës.
Vetëm dy orë pasdite dhe mjaftojnë që koronavirusi të rrezikojë jetën e të gjithë qytetarëve. Ashtu si dhe në qytetet e tjera edhe në Berat njerëzit kanë nxituar të mbushin shëtitoren, ku njerëz në turma, ngjitur me njëri tjetrin dhe pa masa mbrojtëse shëtisin si të ishin në ditë pushimi dhe asnjë luftë apo asnjë virus të mos na kërcënonte seriozisht jetën.
E njëjta panoramë si në qytetet e tjera të vendit pasditja ka qenë edhe në Vlorë. Në qytetin bregdetar qytetarët kanë dalë nga shtëpia duke thyer karantinën për 2 orë, por jo duke respektuar masat e përcaktuara. Në pamjet që sjell Report Tv, njerëzit takojnë njëri tjetrin qetësisht, kanë dalë shëtitje me familjen, ndërsa të moshuarit janë ulur në parqet dhe këndet e ndryshme në qytet duke biseduar normalisht pa asnjë masë mbrojtëse. Një situatë tejet shqetësuese.
Probleme të shumta janë konstatuar edhe në zonën e 'Astirit' në Tiranë, ku nuk janë respektuar rregullat për të lëvizur duke mbajtur distancën mes njëri tjetrit. Por çfarë thonë qytetarët për këtë gjendje dhe përse nuk zbatojnë masat? Përgjigjet nga më të ndryshmet. "Maskën nuk e mbaj dot nga fryma maskën. Do shqiptari me lëvizur një cikë, këta thonë nuk vjen nga ajri" tha një i moshuar.
Një tjetër theksoi se "Kam probleme me mushkërinë dhe prandaj dal. Kam qenë dy muaj në gjendje kome, e mbaj maskën se po më zuri mua ika". Disa nuk e besojnë. "Nuk keni frikë? Jo, jo, jo, e ka Zoti në dorë". Një i moshuar thotë se ka mbetur mes katër rrugëve. "Kam mbetur, vetëm, nuk kam as lekë dhe asgjë, më mirë të vdes, kam mbetur. Unë jam bërë për të vrarë veten. Jam si u shushatur". Por ka edhe nga ata qytetar që janë shembull. "E kam me shumë frikë, por nuk kam se çfarë të bëj, nuk kam dalë që të premten, dola për të bërë pazarin. Nga frika tani jemi të rrezikuar edhe brenda".
Orari i vendosur vetëm për të kryer punët emergjente, në të kundërt nëse nuk ke duhet të qëndrosh në shtëpi nuk po ndërgjegjëson as fierakët. Qytetarët duket në grumbuj pa respektuar distancën mes tyre dhe të ulur në lulishtet e qytetit, sidomos mosha e tretë.
Gjithashtu gjatë orarit 16:00-18:00 ka dhe një shtim të lartë të mjeteve në qarkullim, ku në disa rrugë janë krijuar edhe radhë të gjata makinash në një kohë kur i gjithë vendi është në karantinë.
Në rrugët e qytetit shihen një prezencë e lartë e njerëzve që duket që rrinë dhe jo se po mbarojnë punë për pazare apo çështje të tjera që mund të kenë për nevojat urgjente.
Në Tiranë ndryshon zona por jo situata. Asnjë pikë ndërgjegjësimi nuk ka as te "Brryli". Report Tv bëri një vëzhgim në këtë zona të Tiranës, kur njerëzit kanë dalë të gjithë në rrugë duke e shfrytëzuar për shëtitje, disa me familjen sikur të mos ketë ndodhur asgjë, të tjerë grupe - grupe pa ruajtur distancën mes njëri tjetrit.
Edhe te zona e Pazarit të Ri situata është e njëjtë dhe e përsëritur me atë që ndodhi paradite, pasi të gjithë janë dyndur duke mos respektuar distancën nga njëri tjetri. Rregullin e kanë vendosur vetëm pronarët e dyqaneve që kanë vendosur perimetrin e sigurisë, distancën që në hyrje. Të pyetur nga Report Tv se përse nuk respektojnë distancën, një çift u shpreh për Report Tv se "Ne në një shtëpi jemi, por kur të shkojmë në shtëpi si do të rrimë?". Duket se shqetësimi kryesor për ta ishte harku kohor, pasi sipas tyre "nuk është i mjaftueshëm, ka shumë radhë dhe nuk ia vlen dhe do nuk do mblidhesh me shumë njerëz. Kemi bërë goxha shpenzime me ushqime në shtëpi".
Rrugët në Tiranë janë plot me të gjitha grupmoshat pa maska dhe masat e tjera mbrojtëse. Report Tv sjell pamjet nga zona e Don Boskos në kryeqytet, ku jo të gjithë qytetarët po e shfrytëzojnë orarin e pasdites për të lëvizur 16:00-18:00 për të blerë ushqimet apo për kryer nevojat e tjera të domosdoshme, por kanë dalë xhiro, pa ruajtur distancën mes tyre duke mos u ndërgjegjësuar pavarësisht apeleve të shumta dhe të forta. I pyetur se përse ndodh ky mos ndërgjegjësim i frikshëm, një qytetar tha për Report Tv se "Mos respektimi vjen nga kujdesi i pakët dhe nuk e dinë rrezikun tamam".
Ora 16:00 -18:00 e vendosur nga qeveria si orar vetëm për të kryer punë e domosdoshme për jetën, duket se është keqkuptuar nga qytetarët pasi të gjithë e konsiderojnë si orar për të dalë nga karantina dhe të bëjnë shëtitje në grupe e me biçikleta. Njerëzit nuk janë ende duke e kuptuar se koronavirusi nuk pyet për orare dhe se është prezent aty gjatë gjithë kohës.
Qytetarët e Elbasanit sapo ka shënuar ora 16:00 kanë dalë të gjithë për shëtitjen e tyre të pasdites. Ajo që vihet re është se thuajse të gjithë kanë dale pa maska dhe doreza e lëvizin shumë pranë njeri tjetrit duke mos respektuar distancën të paktën prej 1 metër.
Ky është veprimi më i gabuar që qytetarët mund të bëjnë në një kohë lufte të tillë dhe shembulli më i keq që mund të japin për të tjetër të cilët respektojnë karantinën në të mirë të vetës, familjes dhe gjithë shoqërisë.
Ajo që vihet re është se në kullën e sahatit në Elbasan nga ana e bashkisë është vendosur flamuri italian në shenjë solidariteti.
Edhe qytetarët e Korçës sapo shënon ora 16:00 duket se harrojnë çdo masë, urdhër dhe rregull që duhet të zbatojnë për tu mbrojtur nga koronavirusi dhe dynden në rrugë në grupe dhe në shumicën e rasteve edhe pa maska e doreze për t'u mbrojtur.
Kjo tregon se qytetarët nuk janë ndërgjegjësuar ende dhe se me këto veprime të papërgjegjshme po rrezikojnë jetën e të gjithëve.
Komente
Lajme të tjera
-
Komiteti i Ekspertëve nuk vendos testin për pasagjerët nga Kina: Sugjerojmë doza të treta dhe të katërta të vaksinës kundër COVID-19
30 Dhjetor 2022, 16:08 -
1 humbje jete dhe 23 raste të reja! Situata Covid-19 në vend gjatë 24 orëve të fundit
23 Dhjetor 2022, 20:40 -
Një humbje jete nga covid dhe tre raste të reja brenda 24 orëve të fundit
19 Dhjetor 2022, 19:56 -
Marrëveshja me Pfizer për 700 000 doza vaksina të rialokuara, Alibeaj skeptik: Pse duhet me urgjencë, është kërkesë e Pfizerit, jo e jona
5 Dhjetor 2022, 15:21 -
17 raste të reja me Covid në të gjithë vendin! Asnjë humbje jete dhe 7 të shëruar brenda 24 orëve të fundit
4 Dhjetor 2022, 17:58 -
Ekonomia e shqiptare, 'Moody-s': Me perspektivë të qëndrueshme! Ulja e borxhit, klima e biznesit me ecuri pozitive! Rrezik, importi i energjisë dhe PPP-të
1 Dhjetor 2022, 19:15
-
17 raste të reja nga 395 testime të kryera në vend! Asnjë humbje jete dhe 6 të shëruar në 24 orët e fundit
1 Dhjetor 2022, 18:26 -
Turizmi në Shqipëri, mbi 6.7 milionë të huaj për 10 muajt e parë të vitit! Ja nga cilat shtete ka rritje më të madhe të turistëve
1 Dhjetor 2022, 16:40 -
Situata Covid-19 në vend! 5 raste të reja dhe asnjë humbje jete në 24 orët e fundit
30 Nëntor 2022, 18:00 -
Raporti i OKB: Shqipëria me rritjen më të madhe të turistëve të huaj në 7 muajt e parë të 2022, krahasuar me 2019-n! Turizmi po tejkalon ndikimet e COVID-19
28 Nëntor 2022, 15:13 -
6 të infektuar nga 381 testime të kryera! Asnjë humbje jete dhe 14 të shëruar! Situata Covid-19 në vend në 24 orët e fundit
26 Nëntor 2022, 18:06 -
Asnjë humbje jete dhe 11 persona të infektuar në të gjithë vendin! Situata Covid-19 gjatë 24 orëve të fundit
23 Nëntor 2022, 17:29
Plera vlonjëtë
PërgjigjuKu eshte krriçi spiunit Balliu qe nuk po del ne konference per shtyp per bllokimin e qytetareve te Astirit qe ky gango. i ka gjan dhe per zemer ku esht.
PërgjigjuSA here kaloj andej nga astiri,,vetem katunare jugore e maloke te ze syri,,,,kush I pruri keta llumra ne tirane mor aman…///hak ptu..
PërgjigjuErdhem nga jugu e nga veriu. Pas hapjes se ambasadave ngeli Tirana pa meshkuj. Kuptoje vet vazhdimin...... kurveri hesapi!!
Allau i ruajt shqiptaret jemi ekzeplar kjo nuk ndoth duhet patjeter te meren masa urgjente une jetoj ne milano kam. 15 dit pa dal
PërgjigjuIntegrohu pak se qeke bere per te qare hallin. Fik cecularin kur te dalesh se mund te gjurmohesh nga policia. Mbaj nje cante dhe bej sikur po shkon te blesh ushqime.
Po budallai nuk ka brirë thot populli. Rrini në shtëpi mor kokrra injorantëve po skeni faj ju, vetëm dajaku ju bon dërmon juve, liridashës ju, as që ja dini kuptimin fjalëve se të rrish gjith ditën vërdall injorant do bohesh. Yyyyt derra, rrota katnari.
PërgjigjuInjorante gjen ne te gjithe boten por..,tek NE,gjenden me shumeice,Keta qe shikojme ne xhiro,as lexojne e as degjojne lajme,keta rrin gjithe diten ne CAT.Ooo..njerze, rrini ne shtepi per te shpetuar veten,dhe familjen tuaj....
PërgjigjuDESHET TE LINIT FSHATRAT E TE VINIT NE TIRANE,,,TE VDISNI SI QEN,,NE ASTRIR,,NE VEND TE RRINIT NE KATUNDET E JUAJA ME LOPE E DELE E ME NDER ,,,JU FUTEN NE KURTH SALIU-EDI RAMA E META RRINI TANI PAU UJE-DRITAPASTRIM,SI QEN ,,FUTEN DHE VIRUSIN....RRINI NE TIRANE,,KJO PUNE MUND TE SHKOJE EDHE 6 MUAJ,,,,PRISHET JETEN TUAJ,DHE TONEN SI QYTETARE TE TIRANES..PTU,,PTU,PTU...RRACE HAJVANI,KATUNARE E MALOKE TE POSHTER...
PërgjigjuTirana nga katundaret eshte e perbere. Nqs ti vera e mban veten per qytetare do te thote qe paske rene ne tirane. Ta gezoni qytetin edhe ju.
Prandaj ky vend nuk ka qënë kurrë i bere dhe nuk do të behet kurrë sepse eshte brumi i tillë i pabere.
PërgjigjuFiks tamom si ty.
TEK don bosko I ke te gjithe maloke,,,e katundare te jugut...
PërgjigjuPo ti çfare je?! Kavajs?
Po si nuk po e kuptoni situaten o njerez ketu ne Itali kane vdekur 627 brenda 24 oreve po rrini ne shtepi e mos rrezikoni jeten e asnjerit
PërgjigjuPo policia ku eshte? PSe nuk gjobit qytetaret qe dalin pa arsye dhe duke ecur dyshe treshe ne kundershtim me rregullin?
PërgjigjuShkodra asht 13 meter mbi nivelin e detit. Sa here ma teper te takon me kene malok ty o Bobi? Nqs nuk di ta llogarisesh, pjeseto lartesine e katundit ten me 13 dhe del rezultati.
O Vllaznia, mua me duket se kete rast shkodra o djepi i budallallekut e trashesise. Kur ty te kerkohet, rri ne shpi se te rrezikohet jeta ti cfar ben? Del e ben xhiro e pi kafe. Ksaj i thon djep i malokerise
Ne jena djepi i kultures. Edhe policija ka kulture dhe nuk na gjobit per nji urdher te shalgjatit.
Shkodra eshte djep i kultures apo i budallallekut?
PërgjigjuHahaha futja nje te qeshur ,, per keta qe nuk Respektojne Rregullat...