Ushtria e Kosovës nisi kontingjentin me pajisje për strehim në Shqipëri

Mësohet se gjatë mesditës së sotme, Ushtria e Kosovës ka nisur një kontingjent me pajisje strehimi në drejtim të zonave të prekura nga tërmeti në Shqipëri.

“Me kërkesë të Ministrisë së Mbrojtjes së Republikës së Shqipërisë dhe me urdhër të Komandantit të Forcës së Sigurisë së Kosovës, Gjeneral lejtnant Rrahman Rama, FSK-ja ka nisur sot kontingjentin e parë me pajisje ushtarake fushore.

Për shkak të katastrofës nga tërmeti në Republikën e Shqipërisë, një numër i madh i familjeve kanë mbetur pa kulm mbi kokë dhe në bazë të vlerësimeve të para të bëra nga ekspertet shumë shtëpi nuk janë të sigurta për banim.

Kontingjenti i FSK-së, i cili do mbërrij gjatë ditës përmban tenda, shtretër fushorë, batanije dhe pajisje tjera përcjellëse të cilat do të dorëzohen në shtabin e Krizës në Republikën e Shqipërisë”, thuhet në një njoftim të FSK-së.

Lajmi kryesor:

SOLIDARITET/ Biznesmeni bën për 'dush të ftohtë' politikanët: Keni nga 2-3 shtëpi që i përdorni vetëm 10 ditë në vit...pse s'i hapni për banorët? (VIDEO)

TAG:
• solidaritet
• termet me viktima ne Shqiperi