Uthulla, kripa apo soda? Ja mënyra më e mirë për t’i pastruar perimet sipas nutricionistit Altin Joka

Në vijim të bisedës me nutricionistin e njohur Altin Joka në studion e “Rreze Dielli” për rëndësinë e përzgjedhjes së frutave dhe perimeve më të mira dhe pa hormone në treg, nutricionisti u ndal dhe në rëndësinë që ka mënyra e trajtimit në kushte shtëpie të perimeve dhe frutave për të larguar pesticidet deri në 90 %, pasi në lëkurën e shumë frutave janë të përqëndruara enzima të ndryshme, vitamina, minerale dhe antioksidantë të dobishëm të cilat për trupin tonë janë mjaft të nevojshe. 

Po cila është mënyra më e mirë për të larguar kimikatet apo çdo bakter nga frutat dhe perimet e blera në treg?

“Ne duhet të kemi një furçë pastrimi për të gjitha zarzavatet, por duhet që t’i lëmë 10 minuta në ujë, e më pas të nisim pastrimin. Futja në ujë e produkteve heq 69-73 % të pesticideve nga produktet. Ne duhet të përdorim për pastrim uthullën e mollës apo uthullën e rrushit, pasi është një pastrues i mirë, psh në një litër ujë duhet të vendosim një sasi të vogël uthulle 5-6 lugë, kështu pastrojmë një përqindje të madhe të pesticideve. Më pas mund të përdorim për pastrim kripën, 4 % kripë në një litër ujë është ideale për pastrim. Kemi dhe sodën e bukës që heq gjithashtu një sasi të madhe të pesticideve” thekson nustricionisti.

LEXO EDHE:
Mëlçia, truri ynë i tretë! Faktor i 100 sëmundjeve /Ja 4 hapat për pastrimin e mëlçisë së dhjamosur nga Altin Joka

I pyetur nga moderatorja se kë do të veçonte më shumë, kripën, uthullën apo sodën e bukës, nutricionisti thotë se më e rëndësishme është larja me kripë dhe zierja 2-3 minuta.

Lajmi kryesor:

Katër mënyra për të zgjedhur perimet në treg, Altin Joka: Mos u mashtroni nga pamja, përdorni këto komponentë

MC/Shqiptarja.com

TAG:
• rreze dielli
• intervista
• Altin Joka
• shporta e vjeshtes
• si te zgjedhim frutat dhe perimet ne treg
• Truke dhe keshilla