POP 5

Lajmet më të lexuara të 5 minutave të fundit

Sport

VAR dhe polemika në Fiorentina-Inter, Hysaj asist në fitoren e Napolit, fiton Reali

Spektakël dhe polemika në Firence. Fiorentina-Inter përfundon në barazim 3-3 ku vendasit barazuan në minutën e 101-të me një penallti të akorduar me VAR që shkaktoi shumë polemika. Elseid Hysaj dha assist për gol në fitoren  e Napolit ndaj Parmës ndërsa edhe Real Madrid në Spanjë fitoi me polemika.

VAR dhe polemika në Fiorentina-Inter, Hysaj asist në fitoren e Napolit, fiton Reali

Momente nga ndeshja Fiorentina-Inter

6 gola ,VAR, polemika dhe nga një pikë për skuadrat. Fiorentina-Inter ndeshja e fundit e javës së 25-të të Serisë A i pati të gjitha. Në stadiumin Franchi autogoli i De Vrij zhbllokon rezultatin që në minutën e parë dhe i jep avantazhin vendasve. Megjithatë Interi barazon shumë shpejt në minutën e 6-të me një ish. Rrjetën e tund Vecino.

Më pas zikaltërit arrijnë edhe të përmbysin rezultatin dhe të marrin një avantazh të mirë duke e dërguar ndeshjen në 3-1 falë golave të Politanos në fundin e pjesës së parë dhe të Perisic në fillimin e të dytës falë një penalltie të akorduar me VAR. Luis Muriel shënon një gol kryevepër për të ngushtuar diferencën ndërsa barazimin Fiorentina e gjen në minutën e 101-të me Veretout që kthen në gol një penallti të dhënë nga VAR që shkaktoi shumë polemika.Interi ruan vendin e tretë por tashmë Milani është vetëm dy pikë larg.

Inter.jpg" style="height:480px; width:720px" />

Veretout barazon me penallti

Në fitoren 4-0 të Napolin në Tardini ndaj Parmës protagonist ishte edhe Elseid Hysaj. Mbrojtësi i Kombëtares bëri një ndeshje të mirë duke dhënë edhe asistin tek goli i parë i shënuar nga Zielinski. Një dygolësh shënoi polaku Milik që tundi rrjetën në minutat 36-të dhe 73 ndërsa llogaritë i mbylli Ounas 8 minuta nga fundi.

Lojtaret e Napolit festojne nje gol te Milik

Napoli mbetet 13 pikë larg Juventusit kryesues.

Në La Liga Real Madrid fiton me dy penallti në favor dhe me polemika. Los Blancos mposhtën 2-1 në transfertë Levanten falë penalltive të kthyera në gol nga Benzema në fundin e pjesës së parë dhe Gareth Bale në të dytën . Javën e ardhshme luhen dy “El Clasico” radhazi në Kupë dhe kampionat.

Bale shenon golin e dyte per Realin

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Atentati në Vlorë, 30 plumba drejt makinës së Kevin Hajrullës

Atentati në Vlorë, 30 plumba drejt makinës së Kevin Hajrullës

19 Dhjetor, 00:08