Përhapja e shpejtë e variantit Omicron në mbarë globin ka shtuar shqetësimet për COVID-in me pasoja afatgjata, që disa vlerësime sugjerojnë se prek një të tretën e atyre që kalojnë koronavirusin. Simptomat afatgjata mund të përfshijnë dhimbje, lodhje dhe mjegullim të trurit për javë ose muaj të tërë pas infeksionit.
Nancy Rose, një banore e qytetit të Port Xhefersonit në shtetin e Nju Jorkut, ka ndjerë efektet e COVID-it për muaj të tërë pas diagnostikimit me koronavirus.
"E dija që diçka nuk ishte në rregull. E dija që kisha ende simptoma", thotë ajo.
Është shumë herët për të ditur nëse njerëzit e infektuar me variantin shumë ngjitës Omicron do të vuajnë nga një numër simptomash misterioze, që zakonisht shfaqen shumë javë pas diagnostikimit fillestar me koronavirus.
Por disa ekspertë mendojnë se një valë e rasteve me pasoja afatgjata është e mundshme dhe thonë se mjekët duhet të përgatiten për të.
Imunobiologia Akiko Iwasaki po studion ndikimin që vaksinimi kundër COVID-19 mund të ketë në pakësimin e simptomave afatgjata të koronavirusit.
Ekipi i saj në Universitetin Yale po bashkëpunon me një grup pacientësh të quajtur “Survivor Corps” në një studim, në të cilin Nancy Rose ishte pjesëmarrëse, që përfshin vaksinimin e pacientëve të infektuar me COVID-19, të cilët nuk e kanë marrë vaksinën më pare, si një trajtim i mundshëm.
Iwasaki, e cila është gjithashtu një studiuese në Institutin Mjekësor Howard Hughes, i cili mbështet Departamentin e Shëndetit dhe Shkencës në agjencinë e lajmeve Associated Press, tha se ajo po e bën këtë studim sepse grupet e pacientëve kanë raportuar përmirësim të simptomave të COVID-it të gjatë tek disa njerëz pasi ata morën vaksinën.
"Tani duhet të planifikojë t’i bëjë punët në mëngjes. Kjo është koha më e mire për mua. Nga ora dy mbasdite filloj të ndjehem e lodhur, një gjë që nuk më ndodhte më parë. Në të kaluarën mund të bëja aktivitete gjatë gjithë ditës", thotë Rose.
Disa nga këto simptoma mund të shfaqen fillimisht gjatë një infeksioni fillestar, por ato vazhdojnë ose përsëriten pas një muaji ose më vonë. Ka raste kur mund të zhvillohen simptoma të reja, që zgjasin për javë, muaj të tërë ose mbi një vit.
Duke marrë parasysh që shumë nga simptomat shfaqen me sëmundje të tjera, disa shkencëtarë vënë në dyshim teorinë se koronavirusi është gjithmonë shkaktar i tyre.
Studiuesit shpresojnë se puna e tyre do të jap një përgjigje përfundimtare. Covid-i i gjatë prek të rriturit e të gjitha moshave si dhe fëmijët.
Studimet tregojnë se ai është më i përhapur në mesin e atyre që janë shtruar në spital, por godet edhe një pjesë të konsiderueshme të personave të shëruar që nuk janë shtruar në spital.
Lajme të tjera
-
Varianti Omicron qarkullon në ajër, Komisioni Evropian autorizon vaksinën e përditësuar të Pfizer-it
1 Shtator 2023, 11:52 -
Koronavirusi në Kinë, rreth 60 mijë vdekje brenda një muaji
14 Janar 2023, 12:45 -
I përhapur në pjesën më të madhe të rasteve me COVID në SHBA, nënvarianti i Omicron 'zbarkon' në Greqi
12 Janar 2023, 18:29 -
Rritja e numrit të rasteve me variantin më të transmetueshëm të COVID, OBSH rekomandon mbajtjen e maskave në aeroporte
10 Janar 2023, 21:14 -
Ekspertët paralajmërojnë mbi rrezikun e shfaqjes së një varianti të ri të COVID-19
25 Dhjetor 2022, 20:12 -
Nuk ka më dënime me burg për përhapje të sëmundjeve infektive, Kushtetuesja shfuqizon 2 paragrafë të nenit 89 që u shtuan gjatë pandemisë
17 Dhjetor 2022, 21:15 -
Pse janë kaq të rrepta rregullat e Kinës për koronavirus?
30 Nëntor 2022, 13:36 -
Situata Covid-19 në vend/42 raste të reja dhe asnjë humbje jete në 24 orët e fundit
1 Tetor 2022, 16:14 -
EMA paralajmëron për një variant të ri të COVID-19 në dimër
2 Shtator 2022, 19:01 -
Pas COVID, Kina rikthen studentet e huaj
2 Shtator 2022, 17:30
-
Moderna padit Pfizer & BioNTech për kopjim të teknologjisë mbi vaksinën kundër COVID-19
26 Gusht 2022, 16:28 -
Situata COVID-19 në vend/ 957 raste të reja dhe asnjë humbje jete në 24 orë
9 Gusht 2022, 17:18
