​​​​​​​Vdekja e ish-presidentit të Bashkimit Sovjetik Mikhail Gorbachev, Putin nuk merr pjesë në funeralin e tij! Shkak, orari i punës

Presidenti rus Vladimir Putin nuk do të marrë pjesë në funeralin e liderit të fundit sovjetik, Mikhail Gorbachev, të shtunën për shkak të kufizimeve në orar, tha Kremlini.

Në një telefonatë me gazetarët, zëdhënësi i Kremlinit Dmitry Peskov tha se Putini kishte bërë nderimet e tij të enjten në mëngjes duke vizituar dhe vendosur një kurorë me lule në Spitalin Qendror Klinik të Moskës, ku Gorbachev vdiq të martën.

“Për fat të keq, orari i punës i presidentit nuk do ta lejojë atë ta bëjë këtë më 3 shtator, kështu që ai vendosi ta bëjë atë sot”, tha Peskov.

LEXO EDHE:
‘NATO e ka gjithmonë një sy mbi Ballkanin’/ Ekspertja: Ja kur do të anëtarësohet Kosova në aleancë

Ai shtoi se funerali i Gorbaçovit do të kishte "elemente" të një funerali shtetëror, duke përfshirë një roje nderi dhe se shteti po ndihmonte me organizatën.

Kutojmë se Mikhail Gorbachev ndërroi jetë 2 ditë më parë. Ish lideri sovjetik i dha fund Luftës së Ftohtë me SHBA. Gorbachev lidhi marrëveshje për reduktimin e armëve me Shtetet e Bashkuara dhe partneritete me fuqitë perëndimore për të hequr perden e hekurt që kishte ndarë Evropën që nga Lufta e Dytë Botërore dhe për të sjellë ribashkimin e Gjermanisë.

G.MO/Shqiptarja.com

TAG:
• Mikhail Gorbachev
• Rusi
• bashkimi sovjetik
• vladimir putin