2 viktima nga COVID-i në 24 orë dhe 53 raste të reja! 68-vjeçari doli nga spitali se u përmirësua, vdes rrugës! Infektohet muzikanti në Përmet, mbyllet konsultorja në Pogradec!

TIRANE- Ka shkuar në 44 numri i viktimave nga koronavirusi në vendin tonë. Vetëm gjatë ditës së sotme kanë humbur jetën dy persona, një nga Durrësi dhe një nga Gjirokastra. Paraditen e sotme, ministria e Shëndetësisë bëri të ditur se 70-vjeçarja nga Durrësi ndërroi jetë në spitalin infektiv, ndërsa në orët e pasdites, burime për Report TV bënë të ditur se një 68-vjeçar pasi doli nga spitali, ndërroi jetë rrugës për në Gjirokastër. "Në 24 orët e fundit një 70 vjeçare nga Durrësi ka ndërruar jetë në spitalin infektiv, megjithë mjekimin intensiv dhe përkujdesin e mjekëve. 70 vjeçarja e prekur nga Covid19, vuante nga një formë e rëndë e leukozës" thekson ministria e Shëndetësisë. Për fat të keq vijon që të ketë shtrime të reja te qytetarëve që kanë nevojë për trajtim spitalor, duke përfshirë dhe moshat e reja 30-40 vjeç. Aktualisht në shërbimin infektiv po marrin shërbim 63 pacientë, 7 prej tyre janë në terapi intensive ndërsa 2 janë të intubuar.

Gjatë 24 orëve të fundit janë kryer 320 testime për të dyshuar të prekur me Covid19 nga të cilat janë konfirmuar 53 raste positive, kryesisht raste të reja si dhe kontakte të rasteve të konfirmuara më herët pozitive. Shpërndarja gjeografike e të identifikuarve pozitivë në 24 orët e fundit është si vijon: 26 të prekur në Tiranë, 6 në Shkodër, 5 në Krujë, 4 në Vlorë, nga 3 raste në Fier dhe Pogradec, nga 2 raste në Kukës dhe Lezhë, nga 1 rast në Durrës dhe Përmet. Në vendin tonë janë aktualisht 722 persona aktivë me COVID19, kryesisht në Tiranë, Shkodër, Durrës. Në hartën e të prekurve ka hyrë Pogradeci me 3 raste të regjistruara. Ndërkohë mjekët epidemiologë po gjurmojnë kontaktet si dhe janë izoluar familjarë dhe kontakte të afërta të të 3 rasteve. Lajmi i mirë është se 24 orët e fundit janë shëruar 12 qytetarë, duke e çuar në 1126 numrin e të shëruarve që nga fillimi i epidemisë.

Ministria e Shëndetësisë dhe Mbrojtjes Sociale u bën apel të gjithë qytetarëve të konfirmuar pozitivë me shenja të lehta apo asimptomatikë të respektojnë karantinën dhe të qëndrojnë të vëtëizoluar deri në shërimin e tyre të plotë. "Shkelja e rregullave nga kushdo do të konsiderohet rrezik për jetën dhe shëndetin e të tjerëve. E vetmja mënyrë për të ndaluar përhapjen e infeksionit është duke ruajtur distancën fizike prej 1.5 metër nga njëri tjetri, duke ruajtur higjienën personale dhe duke larë duart vazhdimisht, mbani maskat kudo ku ambienti është i mbyllur. Shmangni çdo lloj grumbullimi, pasi janë rrezik për përhapjen e infeksionit. Familjarët e pacientëve në spitale të shmangin sa më shumë vizitat, të moshuarit kur është e mundur të shmangin kontaktet në qendrat shëndetësore, por të kontaktojnë me mjekun e familjes për barnat me rimbursim" thotë ministria e Shëndetësisë.

COVID-19 – Statistika (20 Qershor 2020)

Testime totale                         23126

Raste pozitive                          1891

Raste të shëruara                    1126

Raste Aktive                             722

Humbje jete                              43 (Qarku Tiranë 23, Durrës 9, Fier 4, Vlorë 1, Shkodër 5, Kukës 1)

Shpërndarja gjeografike e rasteve aktive sipas qarqeve:

Tiranë 336

Durrës 143

Shkodër 116

Vlorë 49

Fier 31

Lezhë 14

Korçë 13

Elbasan 10

Kukës 7

Gjirokastër 2

Berat 1

Rendit zhvillimet sipas orarit:

Të Fundit Të Parat

/B.K./Shqiptarja.com

TAG:
• Koronavirus
• koronavirusi ne shqiperi
• bilanci i koronavirusit