TIRANË - Kandidati i mazhorancës për Bashkinë e Tiranës, Erion Veliaj ka ironizuar sulmet e fundit të opozitës mbi bashkëshorten e tij, duke e implikuar me biznesmenin rumun Dzanashvil.
 
“Këshilltarët e PD këshilluan që të mos dilte Berisha në fushatë, e Basha të mos dilte në Tiranë. Se kështu nuk do kujtoheshin shqiptarëve Berisha, e banorëve të kryeqytetit Basha. Por pas 2 muajsh del Berisha dhe bën atë që di të bëjë më mirë, të hedh baltë mbi familjet tona. Por ata le të hedhin baltë, ne do të bëjmë punën”- u shpreh Veliaj gjatë një takimi elektoral me banorë të zonës së farkës.