POP 5

Lajmet më të lexuara të 5 minutave të fundit

Kronikë

Velipoja pa roje bregdetare! Shitësi i misrave që shpëtoi çiftin nga mbytja flet për Report Tv: Nëse do kishte roje, do ishte gjallë edhe pushuesi tjetër

Velipoja është zona që në këtë sezon ka shënuar më shumë pushues të mbytur. Në mungesë të rojeve të plazhit, një shitës misrash shpëtoi 2 pushues, por jo një treti që doli pa jetë nga deti. "Report Tv" i është drejtuar sot plazhit të Velipojës për të vëzhguar nga afër prezencën e vëzhguesve të plazhit.

Pjetër Gjorovia nuk mundi të dalë gjallë nga deti i trazuar. Ai humbi jetën pasditen e së hënës në plazhin e Velipojës, ndërsa dy pushues të tjerë mbijetuan falë ndihmës së qytetarëve.... Edmond Ndoja, personi që i shpëtoi jetën çiftit te bashkëshortëve tregon për "Report Tv" momentet kur u përball me situatën e vështirë.

"Unë isha te lokale dhe erdhëm më thanë se po mbyten 2-3 vetë. Mora kamerdare dhe njërin e nxora, tjetri ishte mbytur. I nxorëm në breg dhe i mori ambulanca. Rojet bregdetare duhen se s'bën, nëse do kishin qenë rojet, ai do kishte shpëtuar", tregoi Ndoja.

Kur jemi thuajse ne pikun e sezonit turistik, 80 % e vijës bregdetare është pa roje.

Pushuesit ne Velipojë, për mikrofonin e "Report Tv", shprehen se është domosdoshmëri prezenca e tyre.

"Rojet bregdetare duhet të jenë, është rrezik, më shumë edhe për shkak të fëmijëve", tha një pushuese

"Rojet duhet të jenë, sidomos kur moti është i keq dhe ka dallgë që shihet që mund të rrezikohen pushues në det", u shpreh një tjetër.

Vladimir Deda, është ndër të paktën vëzhgues plazhi në Velipojë.

"Kur deti acarohet, është e domosdoshme që afër vijës bregdetare të jetë vrojtuesi me bilbil parandalues për të mos i lënë pushuesit sepse ata futen në ujë sepse nuk e dinë. Po të ketë vrojtues, nuk mbytet kush", tha Deda.

Por pse janë kaq të rrallë rojet bregdetare?

Aktualisht vetëm 5 operatorë turistike kanë lidhur kontratat me Bashkinë e Shkodrës për stacionet e plazhit. Ndërsa pjesa më e madhe e tyre vazhdojnë të jenë në pritje të lejeve nga Agjencia e Bregdetit dhe Ministria e Turizmit. Një proces ky i tejzgjatur që ka sjellë mjaft probleme dhe konflikte.  Me lidhjen e kontratave për stacionet e plazhit, operatoret e kane detyrim vendosjen e rojeve te plazhit, por jashtë kamerave shume prej tyre thanë se po përballen me mungesën e rojeve të licencuara.

Nga maji e deri në korrik 4 pushues kanë humbur jetën në plazhin e Velipojës, ndërsa kullat e vrojtimit vijojnë të qëndrojnë bosh.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Deputeti i PD-se, Asllan Dogjani në SPAK

Deputeti i PD-se, Asllan Dogjani në SPAK

3 Korrik, 10:27