TIRANE - Dëshmia e biznesmenit Ylvi Beqja ka qenë prova e fortë e prokurorisë që fundosi Emiljano Shullazin dhe katër anëtarët e tjerë të bandës së tij. Për një periudhë 19-mujore në Gjykatën e Krimeve të Rënda janë zhvilluar 53 seanca gjyqësore në ngarkim të Emiljano Shullazit dhe bandës së tij, ku gjatë kësaj kohe debati mbi provat ka qenë mjaft i tensionuar mes palëve. Një ditë më parë Gjykata e Krimeve të Rënda vendosi 14 vite burg për Shullazin, ndërsa në total për bandën e tij u dhanë 55 vite burg.
Avokatët mbrojtës dhe të pandehurit kanë pretenduar vazhdimisht se çështja nuk kishte prova konkrete, por ana ana tjetër prokuroria ka gjetur mbështetje tek dëshmia e biznesmenit Ylvi Beqja, i cili në cilësinë e bashkëpunëtorit të akuzës, ka treguar të gjithë aktivitetin kriminal që Shullazi dhe anëtarët e grupit të tij kanë kryer ndaj tij, me qëllim tjetërsimin e shumave të mëdha të parave dhe tjetërsimin e ish-hotelit 'Vollga' në Durrës. Biznesmeni ka rrëfyer në seancat gjyqësore te Krimet e Rënda, se Shullazi e ka kërcënuar herë pas here, për t'i marrë pronësinë e ish-hotelit. Për këtë shkak, Beqja e ka denoncuar Shullazin, por ai ka rrëfyer se edhe kur ka qenë i mbrojtur nga policia dhe prokuroria, është kërcënuar si dhe ka marrë oferta të ndryshme për t'u tërhequr nga dëshmia e tij kundër Emiljano Shullazit, Gilmando Danit dhe Endrit Zela e Endrit Qyqja.
Gjithashtu, sipas biznesmenit, Shullazi i ka drejtuar atij pistoletën në bark gjatë firmosjes te noterja Aida Spahiu për t'i dhënë 30% të aksioneve të ish-hotel Vollgës. Akuza të cilat u hodhën poshtë si të pabaza nga Emiljano Shullazi i cili pretendoi se Ylvi Beqja ia ka dhuruar në shenjë mirënjohje. Gjithashtu, biznesmeni Ylvi Beqja ka dëshmuar përpara prokurorëve se Shullazi dhe grupi i tij, kanë arritur t'i marrin, krahas një pjese të ish-hotel Vollgës, edhe 550 mijë euro cash. Ngjarjet në fjalë kanë ndodhur në vitin 2014, pasi Beqja ishte takuar me Shullazin në makinën e tij të blinduar në Tiranë diku te “21 Dhjetori” dhe i kishte kërkuar ndihmë për regjistrimin e ish-hotelit në Hipotekën e Durrësit. Pas këtij momenti, Shullazi ka kërkuar 20 për qind të pronës së ish-hotel “Vollgës” dhe sipas dëshmisë, edhe shuma monetare. Por Shullazi nuk është ndalur me kaq, pasi i ka kërkuar 30% të aksioneve të hotelit, si dhe dorëzimin e parave të shitjes së një pjese të hotelit te një investitor arab, 'Saudi Brothers'.
Pikërisht dëshmia e Ylvi Beqja, ishte ajo që mbajti në qeli Shullazin për 14 vite dhe katër anëtarët e tjerë të grupit Gilmando Dani, Endrit Qyqja, Endri Zela dhe Blerim Shullazi. Kjo pasi për tre akuzat e ngritur nga prokuroria e Krimeve të Rënda si 'gjobëvënie' dhe 'shkatërimi me eksploziv të pronës' ndaj biznesmenit Adriatik Kërçuku, 'shkatërrim'' me eksploziv ndaj pronës së Jani Zakës dhe kanosjes së dy profesorëve Mynyr Koni dhe Dhori Kule, Emiljano Shullazi mori pafajësi nga gjykata.
Pafajësi morën dhe katër anëtarët e tjerë të këtij grupi kriminal, për tre akuzat e sipërcituara. Gjykata tha se të pandehurit nuk ishin gjetur fajtorë për dy raste të vendosjes së tritolit ndaj subjekteve që ishin kërcënuar, përfshi tritolin në garazhin e biznesmenit Zaka. Po ashtu ata nuk ishin gjetur fajtorë as për kërcënimin e rektorit të Universitetit të Tiranës Mynyr Koni e ish-rektorit Dhori Kule.
Dënimet për grupin "Shullazi"
Emiljano Shullazi 14 vite burg
Gilmando Dani 12 vite burg
Endrit Qyja 10 vite burg
Endri Zela 10 vite burg
Blerim Shullazi 9 vite burg
Pretenca për grupin “Shullazi”
Emiljano Shullazi 17 vite burg
Gilmando Dani 15 vite burg
Blerim Shullazi 10 vite burg
Endrit Qyqja 11 vite burg
Endrit Zela 11 vite burg
Në seancë përfaqësues të ambasadës së SHBA dhe asaj gjermane
Verdiktin e Gjykatës së Krimeve të Rënda e kanë monitoruar direkt dhe tre përfaqësues të ambasadës Amerikane dhe Gjermane në Tiranë, të cilët pas përfundimit të procesit gjyqësor dhe dënimit të 5 të pandehurve, falenderuan dy prokurorët e çështjes Genti Osmani dhe Anton Martini, sapo këta të fundit dolën nga salla e gjyqit. Ndërsa Shullazi dhe katër të pandehurit e tjerë nuk ishin prezent në sallën e gjyqit. Ky nuk është dënimi i parë për Emiljano Shullazin, pasi disa vite më parë ai është dënuar për trafik droge, grup të strukturuar kriminal, “Armëmbajtje pa lejë” dhe vepra të tjera penale.
Lajme të tjera
-
Arrestohet në Gjermani Fabio Ballabani! Shullazi i dha urdhrin nga qelia, dhunoi bashkëshortin e gjyqtares Saida Dollani
14 Gusht, 12:24 -
Apeli i GJKKO-së rrëzon ankimet e Emiljano Shullazit dhe 11 të tjerëve
28 Qershor, 10:26 -
Aleanca Ervis Martinaj-Arben Ndoka për të hequr qafe Durim Bamin! 16 persona mobilizohen për ta vrarë e s’ia dalin! Bisedat në ‘SKY', Bajri: E ftoj në shtëpi, a je gati t’i grijmë këtu?
20 Maj, 11:55
-
Megaoperacioni i SPAK, burg për 5 anëtarët e tjerë të grupeve kriminale: Nga Emiljano Shullazi te Gjergj Cukali! Në seancë SPAK u përfaqësua nga Altin Dumani
20 Maj, 11:16 -
SPAK goditi 7 grupe kriminale, GJKKO lë në qeli 9 të arrestuar! Avokatët: Arrestimi s’është i ligjshëm, nuk faktohet se kujt i përket numri në Sky ECC (EMRAT)
19 Maj, 10:22 -
Dhunimi i burrit të gjyqtares Saida Dollani, e organizoi nga burgu Shullazi, Martinaj dhe Ndoka
18 Maj, 19:10 -
Megaoperacioni i SPAK/ Goditen 7 grupe kriminale! 50 urdhërarreste, 14 të ekzekutuara në Shqipëri, 6 jashtë! Sekuestrohen 4.5 mln prona, mes tyre gati 3 mln euro cash
18 Maj, 09:46 -
Gjyqtarja që u kërcënua nga Shullazi dhe rihapi dosjen e masakrës së Gërdecit vlerësohet nga ambasada amerikane! Saida Dollani: Ligji i barabartë për të gjithë
28 Mars, 11:08
-
‘Vuani nga skleroza’ debate në gjyq mes grupit të Shullazit e mjekëve për ekspertizën e Luftar Reçit! Dëshmon Agron Kuliçaj, flet për letrën që mori nga i penduari
15 Janar, 13:26
-
Urdhra nga burgu! Që prej 2020-ës, 15 bosë krimi u izoluan në ‘41 bis’! Shullazi i izoluar për 2 vite! Çfarë është regjimi i posaçëm: Çdo gjë përgjohet, lejohet 1 takim në muaj
13 Dhjetor 2023, 15:30
-
Luftar Reçi: Jam kërcënuar me jetë që të tërhiqja dëshminë! Përballja e tij me grupin e Emiljano Shullazit shtyhet në 3 prill
20 Mars 2023, 10:19
-
Dështon sërish përballja/ Mungon Luftar Reçi: Unë në seancë do të jem si qengji mes ujqërve! GJKKO urdhëron shoqërim të detyruar! Shullazi: Dua ta shoh në sy
6 Mars 2023, 10:27
