Gjiknuri i kalon detyrën Klosit si Sekretar i Përgjithshëm: PS edhe kur fiton reflekton! S'ndihem i braktisur nga Rama! Nëse SPAK do më thërrasë për inceneratorët do jap llogari

Në shtator, grupi parlamentar i Partisë Socialiste do të mblidhet për të marrë një vendim për përjashtimin ose jo nga partia të Arben Ahmetaj, ish-numri 2 i qeverisë, në kërkim për aferën e inceneratorëve.

Blendi Klosi, tashmë i komanduar si Sekretar i Përgjithshëm i PS-së, u shpreh se për fatin e Ahmetajt në parti është ekskluzivitet i grupit parlamentar dhe pritet të diskutohet në sesionin e ri në shtator.

‘Sot në ditën time të parë si sekretar i Përgjithshëm të PS-së. Vijon që tu jem mirënjohës mbi 100 mijë anëtarëve të PS-së. kemi nderin krenarinë dhe fatin që i kemi këto detyra. Është një pyetej që i takon grupit parlamentar i cili padyshim që në mbledhjen e tij të parë në fillim të sezonit parlamentar do të marrë edhe vendime të plota për çështje të cilat shqetësojnë dhe një ndër këto është edhe e Ahmetajt. Kam bindjen e thellë se në sërish do të fitojmë. Ne bëjmë ndryshime për të përmirësuar veten tonë.’- tha Klosi.

Damian Gjiknuri në një konferencë për mediat para gazetarëve u përgjigje në lidhje me përfshirjen e tij në dosjen për hetimin e aferës së inceneratorëve.

‘Nuk kam propozuar unë që të bëhet impianti djegëseve. Asnjë nuk ka dalë të nxjerrë se unë kam përfituar nga këta njerëz. Këta kur ishin qytetarë të lirë ishin dy njerëz që bënin bizneset e tyre ndër vite në Shqipëri. Njërin e njoh në vitin 2001 (Klodian Zoton) Jeta kështu m'i ka sjellë. Mos i gjykoni veprimet e 10-15 vitave më parë. Këta nuk ishin terroristë ndërkombëtare, por po hetohen për një procedurë të caktuar. Vendimmarrjet që kanë sjellë pasoja apo përftime për to ato janë vepra të gabuara.’- tha Gjiknuri.

A ka nisur SPAK hetim pasuror ndaj Damian Gjiknurit?

Në një konferencë për median Gjiknuri thotë se nuk ka dijeni por nuk ndihet i shqetësuar. Madje kujton se pasuritë e tij janë kaluar në sitë 3 herë nga Inspektoriati i Lartë i Deklarimit të Pasurive.

'Nuk kam dijeni se ka hetim për pasurinë time nga SPAK, por ato janë të deklaruara dhe unë jam kontrolluar tre herë nga Inspektorati i Lartë që në opozitë, në kohën e Sali Berishës.  Pasuritë e mia janë publike.Unë nuk shqetësohem. E them publikisht që nuk kam asnjë lloj përfitimi nga personat në fjalë. Nuk kam informacion. Nuk shqetësohem nuk kam asnjë lloj përftimi nga personat në fjalë (Klodian Zoto e Mirel Mërtiri)"- tha Gjiknuri.

Sa i takon udhëtimeve të tij me dy biznesmenët, në kërkim për inceneratorët Gjiknuri tha se nuk ka përfituar asnjë udhëtim nga ata. 

“Udhëtimet e mija kanë qenë zyrtare. Dy udhëtimet janë bërë me Arben Ahmetaj duke shkuar në SHBA për të lidhur një kontratë me ÇEZ” tha Gjiknuri

Damian Gjiknuri tha një konferencë për gazetarët pas shkarkimit si Sekretar i Përgjithshëm i PS-së se nuk ndihet i braktisur nga Edi Rama. I pyetur në lidhje me çështjen e inceneratorëve, Gjiknuri tha se ai është i gatshëm që të japë llogari para drejtësisë. Deputeti socialist i cilësoi politike akuzat e hedhura nga opozita në drejtim të tij. Ai theksoi se ka zbatuar vetëm ligjin.

‘Së pari nënkuptohet se befasia për disatë këtij lajmi dhe interesi që shkakton në rrjetet sociale nuk besoj se do të përbëjë boshtin apo mendimin tim. Ne pas çdo procesi zgjedhor i nënshtrohemi një procesi të ri analize. Nuk i quaj fare në atao terma që ju i quani. Fundi i diçkaje është fillimi i diçkaje të re për mua. Vendimmarrjet duhen parë në efektet që sjellin në terma afatgjatë. Do të duhet shumë kohë për të kuptuar se çfarë të mirash sjellë kjo vendimmarrje. Unë jam mësuar me këto akuza! Përballjes sime politike si në opozitë ashtu edhe në pushtet. Unë jam akuzuar gjithmonë. Jam akuzuar për 600 mln euro të cez. Unë bashkëpunova me drejtësinë edhe e vërtet doli ditën për diell. Nuk është hera e parë që akuzohem, pro ka një drejtësi që i vlerëson këto gjëra, jo opinion publik që divesfikohet nga palë politike. Ligji do të flasë të vërtetën. Personalisht nuk ndjej asnjëlloj braktisje. Jam në komunikim të vazhdueshëm më Ramën. Kemi një marrëdhënie të qëndrueshme punë. E respektoj vendimmarrjen e tij dhe lidershipin e tij. Me pushtetin vjen edhe ekspozimi ndaj rriskut. Sa i përket hetimit ky hetim ka vite që ka filluar. Unë nuk jam thirru ndonjëherë. Në çdo moment që të më thërrasin do jap llogari. Roli im ka qenë periferik. Jam me bindjen se janë vepra në dobishmëri të publikut. Elbasani është një impiant që funksionon.’- tha Gjiknuri.