POP 5

Lajmet më të lexuara të 5 minutave të fundit

Kronikë

Shkarkohet prokurori që kërkoi arrestimin e Tahirit, Arta Marku gati të mbledhë prokurorët për KLP-në (VIDEO)

Me shkarkimin e Gentian Osmanit, Këshilli i Lartë i Prokurorisë ngel me 10 anëtarë. Në këto kushte Prokurorja e Përgjithshme Arta Marku pritet të bëjë edhe një herë thirrjen e prokurorëve, për pasuesin e tij në KLP.

TIRANË - Kolegji i Posaçëm i Apelit shkarkon nga detyra Gentian Osmanin, ish-prokuror i Krimeve të Rënda, anëtar i Këshillit të Lartë të Prokurorisë.

Osmani e kishte kaluar shkallën e parë të vettingut, në Komisionin e Pavarur të Kualifikimit verën e vitit të kaluar, por në Apel u dërgua pas ankimimit nga Komisioneri Publik sipas  rekomandimit të Operacionit Ndërkombëtar të Monitorimit. Komisineri Publike argumentonte se prokurori se nuk justifikon pasurinë. 

Gentian Osmani është i njohur si prokurori që kërkoi arrestimin e ish-ministrit  të Brendshëm, Saimir Tahiri.

Vendimi për të u lexua nga kryetarja e Kolegjit të Posaçëm të Apelimit, Natasha Mulaj. Vetë Osmani nuk bëri asnjë reagim pas vendimit ndërsa i shoqëruar nga familjarët e tij u largua duke përshëndetur mediat.

Me shkarkimin e Gentian Osmanit, Këshilli i Lartë i Prokurorisë ngel me 10 anëtarë, nga 11 që duhet të ketë. Në këto kushte Prokurorja e Përgjithshme Arta Marku pritet të bëjë edhe një herë thirrjen e prokurorëve, për pasuesin e tij në KLP.

Edhe më herët një anëtar i Këshillit të Lartë të Prokurorisë, është shkarkuar në proceset e vettingut. Antoneta Sevadari ish-prokurore e Krimeve të Rënda, u zëvendësua në KLP nga Vate Staka.

Një tjetër vendim i rëndësishëm u dha nga vettingu këtë të mërkurë, duke konfirmuar në detyrë prokurorin e SPAK, Altin Dumani.

Ky vendim u prit me duartrokitja nga familjarët e Dumanit, i cili rezulton se është personi më i kuotuar për tu bërë drejtues i SPAK.

Vendimi për Dumanin ishte seanca e fundit në vetting për këtë sezon i cili u mbyll me 188 vendime nga KPK. 81 konfirmime në detyrë, 68 shkarkime nga detyra, 14 ndërprerje procesi, 8 pushime të procesit, 16 vendime për përfundim procesi dhe një vendim për pezullim dhe ridërgim prokurori në Shkollën e Magjistraturës.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hasan: 31/07/2019 15:06

    Vettingu po “funksionon”.... Ja p.sh ky qe kerkoi te futej Saimir Tahiri ne burg, humb punen... Ata prokuroret qe kishin ceshtjet e pergjimeve te vjedhjeve te votave dhe nuk nisen hetime...ata e kaluan vettingun... Prandaj s ka frike nga reforma ne drejtesi qeveria...

    Përgjigju
  • Alb: 31/07/2019 15:05

    Te gjithe qe guxojn te dalin kunder qeverise te shkarkohen!! Sidomos ata me permasa te medha te barkut!!

    Përgjigju
  • Xll: 31/07/2019 13:29

    Nje barkderr plepash me pak

    Përgjigju
  • Personal trainer: 31/07/2019 12:14

    Nejse tani ka kohe te bej palester te holloj qafen.

    Përgjigju
  • WTF: 31/07/2019 10:53

    Gje me te trashe se ky nuk ka. Se si e ka marre diplomen ky qe me zor flet shqipen nje dreq e di!

    Përgjigju
  • Klodi: 31/07/2019 10:33

    Nje zagar berishist me pak.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Miratohet Buxheti i Bashkisë së Elbasanit, Opozita voton kundër! Debate mes palëve, kalon edhe paketa fiskale për vitin 2025

Miratohet Buxheti i Bashkisë së Elbasanit, Opozita voton kundër! Debate mes palëve, kalon edhe paketa fiskale për vitin 2025

26 Dhjetor, 15:38