POP 5

Lajmet më të lexuara të 5 minutave të fundit

Kronikë

Vettingu shkarkoi Ndrecën! GJKKO rrezikon mbylljen për mungesë gjyqtarësh! Nga 16 mbeten 8, s’plotësohen 3 kolegjet

Pas Gjykatës së Lartë e cila nuk funksionon e plotë për mungesë gjyqtarësh, në një situatë kritike futet edhe Gjykata kundër Krimit e Korrupsionit. Komisioni i Vertingut shkarkoi sot gjyqtarin e GJKKO Bib Ndreca për shkak të problemeve me pasurinë, duke e çuar numrin aktual të gjyqtarëve në këtë gjykatë në 8, nga 16 që duhet të jenë, duke rrezikuar plotësimin e 3 kolegjeve.

Gjykata e Posaçme Kundër Krimit e Korrupsionit rrezikon të dalë jashtë funksionit. Shkak është bërë vendimi më i fundit i vettingut që ka shkarkuar nga detyra gjyqtarin Bib Ndreca.

Ndreca iu nënshtrua vettingut dhe për afro një vit vendimi ndaj tij u shty për t’u shkarkuar mëngjesin e kësaj të hëne.

Gjykata e posaçme kundër krimit e korrupsionit përbëhet nga 16 anëtarë ndërsa sot ajo ka mbetur me tetë anëtarë duke rrezikuar krijimin e tre kolegjeve, pasi çdo trupë gjyqësore përbëhet me tre gjyqtarë në kolegj.

Me tetë gjyqtarë plotësohen vetëm dy kolegje dhe një mbetet vetëm me dy gjyqtarë. Dikur ish Krimet e Rënda të krijuara në 2004, një gjykatë karriere e suksesi, sot rezulton se për pesë vakanca të shpallur ka vetëm 3 kandidatë.

Por përse nuk polotësohet gjykata e posaçme me tre kandidatë të rinj?

Report Tv mëson se shkak është kushti ligjor që kërkon kalimin e vettingut në të dyja shkallët për gjyqtarët. Mes gjyqtarëve që kanë kërkuar t’i bashkohen gjykatës së posacme kundër krimit e korrupsionit janë Erion Bani nga gjykata e Tiranës, Erjon Çela nga gjykata e Tropojës dhe një gjyqtare.

Asnjë prej tyre nuk e ka kaluar vettingun në të dyja shkallët dhe Këshilli i Lartë Gjyqësor është në pritje të certifikimit si nga KPK e KPA për ti emëruar.

Në këtë situatë kur vetting shkarkon gjyqtarët dhe procesi i konfirmimit mbetet i ngadaltë kjo gjykatë rrezikon të mbyllet duke cënuar besimin e publikut ndaj reformës në drejtësi dhe pritshmërinë për të goditur të paprekshmit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Erdogan priti në Turqi liderin e Hamasit, ministri i Jashtëm i Izraelit: Turp

Erdogan priti në Turqi liderin e Hamasit, ministri i Jashtëm i Izraelit: Turp

20 Prill, 17:56