VËZHGIMI/ Ish- sheshi Shqiponja si një ditë normale, trafik i rënduar te rrethrrotullimi! Fundi i muajit zbraz tregjet në Lushnje!

Kur kanë mbetur më pak se 15 minuta nga përfundimi zyrtar i mbylljes që qarkullimit, në ish- sheshin Shqiponja ka një trafik të rënduar. Një panoramë e tillë të krijon përshtypjen e e një dite normale, në një nga zonat të problematike sa i përket trafikut të rënduar. Në pamjet që Report Tv sjell vihet re se shumica e mjeteve janë personale dhe një numër më i reduktuar i makinave me logo apo për shpërndarjen e mallrave.

Edhe pse janë identifikuar disa raste në Lezhë, qytetaret duket se e kanë harruar koronavirusin. Kjo e premte në Lezhë të ngjan sikur të ishte ndonjë ditë e zakonshme. Rrugët të mbushura me qytetar të cilët po i shfrytëzonin në maksimum orët e "lirisë", madje edhe për të shëtitur. Nuk mungonin lëvizjet në mënyrë të grupuar, duke shkelur hapur rregullat e përcaktuara për t'u mbrojtur nga COVID-19.

Edhe pse moti nuk ishte aspak premtues, kjo situatë ka vijuar përgjatë gjithë paradites, ndërsa dhe lëvizjet e automjeteve ishin të shumta. Shfaqja e koronavirusit në Lezhë, duke se nuk i ka frikësuar aq shumë qytetarët të cilët vijojnë të injorojnë rrezikun e infektimit nga kjo sëmundje.

Në Fushë- Krujë shiu nuk i ka ndalë qytetarët që të dalin nga shtëpitë. Ditën e sotme ka lëvizje në qytet, edhe pse të pakët në numër.

Reshjet e shiut kanë ndikuar për mirë! Në rrugët e Lushnjes ditën e sotme ka pasur më pak lëvizje se çdo ditë tjetër.

Të vetmet pika ku ka njerëz janë tek sportelet e OSHE-së si edhe të Ujësjellësit, por edhe në këtë rast respektohet distanca prej minimumi një metër.

Fundi i muajit ka sjellë gjithashtu edhe një numër të të vogël të blerëve në tregje, duke bërë kështu që të shmangen edhe grumbullimet e mëdha të njerëzve, panoramë kjo e parë në ditët e para të koronavirusit.