POP 5

Lajmet më të lexuara të 5 minutave të fundit

Politikë

VIDEO/ Basha zhvendos fushatën në lokalin e familjes Vladi, porositësve të Toyotës me 3.4 mln euro nga Belgjika

Gjatë ditës së sotme, Lulzim Basha transmetoi në media një takim me mësues të sistemit parauniversitar në Njësinë 11 në Tiranë. Por vendi i zgjedhur për këtë takim nuk ishte edhe aq rastësor.

VIDEO/ Basha zhvendos fushatën në lokalin e familjes Vladi, porositësve të Toyotës me 3.4 mln euro nga Belgjika

Kreu i PD-së, Lulzim Basha

TIRANË- Gjatë ditës së sotme, Lulzim Basha transmetoi në media një takim me mësues të sistemit parauniversitar në Njësinë 11 në Tiranë. Por vendi i zgjedhur për këtë takim nuk ishte edhe aq rastësor.

Takimi me njerëzit e dijes është zhvilluar në lokalin me emër “Crem caffé” në njësinë 11 të Tiranës, që sipas informacioneve të mbledhura, rezulton të jetë në pronësi të familjes Vladi, familjarë të së cilës u akuzuan si porositësit e automjetit “Toyota Yaris” nga Belgjika, brenda së cilës ishin fshehur 3.4 milionë euro.

Për më tepër, nga ekstrakti i biznesit “Crem Caffe” në Qendrën Kombëtare të Biznesit rezulton se biznesi është regjistruar në emër të Osman Vladit, babai të Alfred Vladit, një prej të akuzuarve kryesorë për 3.4 milion eurot.

Vetë Osman Vladi, babai i Alfredit përmendet në një vendim të Gjykatës së Krimeve të Rënda, ku zbardhej se si persona të lidhur me krimin fshihnin pasurinë në emër të familjarëve.

Toka, dy sipërfaqe ranishte me vendndodhje Gjiri i Lalzit, 72 mijë euro në llogarinë bankare të kompanisë “Tirana Rental Car”, automjete, një kamion tip “Bizar” dhe 3.4 milion euro u sekuestruan nga policia e Shtetit, si pjesë e hetimit për sasinë e eurove të ardhura në qershor 2018 nga Belgjika në Shqipëri.

Disa nga pasuritë e sekuestruar si dy sipërfaqe ranishte në Gjirin e Lalzit, tokë arë në Gjirin e Lalzit kanë qenë të regjistruara në emra të familjarëve të personave të proceduar si Osman Vladi dhe Alma Dervishi.

E ndërsa SPAK sekuestroi 3.4 eurot e porositura nga Belgjika, kreu i opozitës ka vendosur që të zhvillojë takimet e fushatës së tij në lokalin e njerëzve që kanë probleme me ligjin./TemA

 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • edi: 28/03/2021 04:50

    Lulush shtoi librit kete takin Eshte Toyota Jaris A te kujtohet or ke humb memorine Pusht Kodosh Meqellare

    Përgjigju
  • Arku: 27/03/2021 23:05

    I do leket Basha. Vetem për leke janë keta horra

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Jini të hapur për të eksploruar ndjenja të reja...çfarë thonë yjet për ju sot

Jini të hapur për të eksploruar ndjenja të reja...çfarë thonë yjet për ju sot

11 Janar, 07:10