Të enjten Paris Saint Germain ka shtuar një tjetër trofe në vitrinë, duke fituar për herë të 14-të Superkupën e Francës, pas triumfit me penallti ndaj Olympique Marseille. Finalja e zhvilluar në Kuvajt dhuroi emocione deri në sekondat e fundit, ndërsa koha e rregullt u mbyll në barazim 2-2.

Ndeshja u zhbllokua në minutën e 13-të nga Ousmane Dembele, i cili pasi mori një asist nga Vitinha, ndëshkoi portierin Rulli me një parabël të saktë. Marseille reagoi në pjesën e dytë. Arbitri akordoi penallti në minutën e 74-t, dhe Greenwood barazoi shifrat. Skuadra e Roberto De Zerbit mori hov dhe në minutën e 87-të përmbysi gjithçka falë autogolit të Pacho pas një krosimi të Hamed Junior Traore.

Kur dukej se trofeu po shkonte në Marseille, PSG barazoi në minutën e 95-të me Goncalo Ramos, duke çuar sfidën te penalltitë.

Në goditjet nga pika e bardhë, protagonist te PSG u bë portieri Chevalier, i cili priti tentativat e O’Riley dhe Traore. Për PSG shënuan Ramos, Vitinha, Nuno Mendes dhe Doue, duke i dhënë parisienëve një tjetër sukses të rëndësishëm sezonal.

Me këtë triumf, PSG regjistron 12 fitore në 13 edicionet e fundit të Superkupës, duke konfirmuar dominimin e padiskutueshëm në futbollin francez. Ky ishte trofeu i shtatë sezonal për PSG-në.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 7 Janar, 22:17

    Si po e menaxhon qeveria situatën e përmbytjeve?

Lajme të tjera