TIRANE - Ka nisur këtë të hënë (2 tetor 2023) vit i ri akademik 2023-2024. Nga raundi i parë dhe i dytë i regjistrimeve ka rreth 20 mijë studentë që do ulen për herë të parë në auditoret e universiteteve.
Rrjeti Akademik shqiptar thotë se një vit më parë numri i studentëve të rinj të regjistruar në universitete ishte 19,400, ndryshe nga panorama që paraqitet në universitetet e rretheve, ku vihet re një rënie drastike e regjistrimeve.
Ditën e parë të vitit akademik, studentët e Universitetit të Mjekësisë nga viti i dytë deri në të gjashtin e nisën me bojkot.
Me bluzat e bardha të veshura dhe me pankarta në duar, ata kundërshtuan edhe njëherë ligjin e ri ku parashikohet punësimi i tyre me detyrim pas përfundimit të studimeve. Pjesë e bojkotit nuk u bënë studentët e vitit të parë, të cilët bënë betimin e Hipokratit.
Ministrja e Arsimit Ogerta Manasitrliu zgjodhi universitetin e Tiranës për të uruar vitin e ri akademik e për të kërkuar vijimin e trasnformimit të universiteteve.
“Duhet të vijojmë transformimin e universiteteve” nënvizoi Manastirliu
Ndërsa rektori Artan Hoxha, vlerësoi nivelin e institucionit që drejton.
“Universiteti i Tiranës në rang ndërkombëtar është pozicion të mirë dhe në rang kombëtar është institucioni më i rankuar në vend”
Lidhur me renditjen e Universitetit të Tiranës ndër vendet e fundit nga “Times Higher Education World University Rankings”, Hoxha tha se rezultati është në përpunim.
“Sa i takon një prej faqeve rankuese që është në diskutim është një rankim në përpunim sepse rezultatin e nxjerr në 2024. Disa nga kriteret e verifikimit nuk janë të plotësuara dhe rezultatet dalin në 2024”
Në fakultetin e Shkencave të Natyrës, interesi për regjistrimeve është i ulët, me 6 të regjistruar në Kimi, 8 të Fizikë e 18 në Matematikë.
"Situatë që mund ta përkufizojmë dramatike. 8 studentë janë regjistruar në Bacelor këtë vit . Para një dekade kemi pasur 100 studentë. Ky është kthyer në problem kombëtar” thotë Hafizi.
Megjithatë, ka edhe nga ata që këto shkenca i kanë pasion, siç është edhe rasti i Geldës.
"Kimia ka qenë një ndër lëndët e mija të preferuara. Ka mungesa në këtë fushë për një kimist"
Brezi i ri i studentëve ka rrëzuar përfundimisht mitet për degët e lakmuara si Juridiku dhe Ekonomiku. Dukshëm vihet re tendenca e të rinjve për studiuar në Infermieri, një profesion që u mundëson punësim brenda e jashtë vendit. Por kanë mbetur bosh dhe rrezikojnë të mbyllen të gjitha degët e mësuesisë në 6 universitetet e qarqeve, pavarësisht se qeveria ofroi edhe pagë minimale pasi e shpalli prioritare.
Vetëm 8 studentë janë regjistruar këtë vit në degën e Fizikës, në Universitetin e Tiranës, 2 më pak se vitin e kaluar akademik, dhe 7 më pak se parvjet. Ndërkohë që 10 vite më parë degën e Fizikës e kishin zgjedhur 100 gjimnazistë.
Shifrat flasin për një situatë vërtet alarmante kur kujton se tashmë në të gjitha universitetet e Shqipërisë dega e Fizikës është mbyllur dhe e vetmja që mbijeton është dega në universitetin e Tiranës.
E pranon dhe pedagogia pranë Departamentit të Fizikës, Mimoza Hafizi e cila në një lidhje skype për emisionin “Sot live në Shqipëri” në Report Tv ngre alarmin për këtë problem kombëtar.
“Një situatë që mund ta përkufizoj dramatike për shkencat e natyrës. Jemi dega e vetme në Fizikë e pastër pasi në unviersitetet e tjera janë mbyllur. Po ndodh dhe për degët e kimisë dhe në universitetet e tjera. Në Fizikë ne mbetemi dega e vetme dhe tek ne numrat janë tepër të vegjël. 8 studentë janë regjistruar në Bacelor këtë vit . Para një dekade kemi pasur 100 studentë. Ky është kthyer në problem kombëtar” thotë Hafizi.
Po çfarë ka ndodhur?
Pedagogia Hafizi ka një përgjigje. Problemi janë kurrikulat e cunguara me të cilat po mësojnë gjimnazistët në shkolla të mesme.
“Ne kemi një përgjigje. Influencues është fakti që në shkollat e mesme ka pasur një ndryshim programi që nuk i bën tërheqës nxënësit. Një program i shtrënguar në mënyrë artificiale dhe nuk i përshtatet fare formimit të një nxënësi të shkollës së mesme. Është shumë e vështirë tu thuash atyre që të duan Fizikën dhe Kiminë. Kemi bërë analiza dhe ka dalë që situata aty është e papranueshme. Mënyra si mësojnë në shkollat e mesme cënon formimin e gjimnazistëve' argumenton Hafizi.
Po a ndodh ky fenomen në shtetet e tjera?
“Në vendet e tjera nuk e kanë këtë problem. Unë kam kolegë në Francë e Itali e më kanë thënë që numrat në Fizikë janë njësoj si vitin e kaluar. Franca ka bërë ndryshim në sistemin e shkollës së mesme për ta bërë më fleksibël. Nu është kthyer në problematikë si tek ne që rerezikohet pas disa vitesh të mos kemi mësues fizike apo fizikant dhe nuk besoj që situatë të degradojë në këtë shkallë” vijon pedagogia Hafizi.
Një tjetër faktor për këtë situatë është dhe roli i mësuesit në shoqëri.
‘Shoqëria nuk i trajton ashtu siç duhet mësuesit. Sidomos të Shkencave të Natyrës për pagat, kualifikimet, numrin e orëve" vijon më tej.
Nëse nuk merren masa rrezikojmë që pë disa vite Shqipëria të mos ketë më fizikantë asa mësues fizike.
“Vjet kemi pasur 10 studentë. Sivjet 8. Prisja që të shkonim tek 5. Parvjet 15 studentë. Nuk e di si do të jetë kjo rënia. Mund të shkojë dhe me 5 ose dhe mund të rritet, nuk i dihet" thotë Hafizi për Report Tv.
Pedagogia Hafizi thotë se vendimi i qeverisë për të paguar me 40 mijë lekë në muaj studentët që zgjedhin Fizikën apo dhe disa degëve që janë caktuar prioritare nuk është e duhura.
“Fizika është shpallur degë prioritare por shohim rezultatin, degë prioritare është marrë në konsideratë financimi i studentëve. Por ky nuk është karrem. Do të ishte një karrem për studentët që e shohin të frishme. Çdo familje mendon të ardhmen dhe nuk e zgjidh një pagesë financimi. Nuk ka qenë masa e duhur për të tërhequr rininë drejt këtyre degëve që qeveria i ka shpallur prioritare” tregon Hafizi në intervistën për gazetarin Nertil Agalliu.
Megjithatë pas çdo të keqeje ka dhe një të mirë. Pedagogia thotë se ata studentë që kanë zgjedhur Fizikën janë studentë të përkushtuar dhe ka një mesazh.
“Studentët që na kanë ardhur janë studentë optimistë. Duhet tu them të gjithëve të rinjve se është zgjedhja e duhur për të ardhmen e tyre nëse e marrin seriozisht. Shkenca e fizikës është drejtim fantastik për të ardhmen e tyre" tha Hafizi në intervistën për Report Tv.
TIRANE - Në rang kombëtar Universiteti i Tiranës mbetet i pari por në rang ndërkombëtar Universiteti i Tiranës ishte në fund të renditjes në ‘Times Higher Education World University Rankings“
Në ceremoninë e organizuar paraditen e sotme me rastin e fillimit akademik nuk kishte si të mos trajtohej ky shqetësim
Artan Hoxha, rektori i Universitetit të Tiranës tha se kemi të bëjmë me një rankim në përpunim, rezultatet përfundimtare të të cilit do të dalin në 2024.
“Sa i takon një prej faqeve rankuese që është në diskutim është një rankim në përpunim sepse rezultatin e nxjerr në 2024 disa nga kriteret e verifikimit nuk janë të plotësuara dhe rezultatet dalin në 2024”
Për ministren e arsimit Ogerta Manastirliu rankimi është tregues që duhet të vijojë transformimi i universiteteve.
“Duhet të vijojmë transformimin e universiteteve" nënvizoi Manastirliu.
Një vëmendje e veçantë do i kushtohet dhe kërkimit shkencor.
“Duhet të përmirësojmë kërkimin shkencor. Brendsë 2024 do të bëjmë model të ri me kritere të reja, duke adaptuar modelte më ttë mira kombëtare si kërkimi shkencor të mos jetë pjesë që lidhet me pedagogë e akamdeikë por dhe studetënve madje të pikëzohet dhe përfshirja e tyre" vijoi ministrja e Arsimit.
Lajme të tjera
-
Viti i ri akademik, Erisa Xhixho: Braktisja e universiteteve këmbanë alarmi, degët e mësuesisë në rrezik mbyllje
9 Tetor, 09:38 -
Studentët preferojnë Infermieri, Ekonomik, Inxhinieri! Mësuesitë në pikën kritike, Rektorët: Duhet t’i reformojmë!
7 Tetor, 15:47 -
Nis viti i ri akademik, Presidenti Begaj mesazh studentëve: Kërkoni të drejtën tuaj, e ardhmja varet nga ju
7 Tetor, 14:17 -
Nis viti i ri akademik, Universitetet hapin dyert për 120 mijë studentë! 20 mijë prej tyre ulen për herë të parë! Manastirliu: Nuk mbyllen degë
7 Tetor, 08:13
-
Emërohen Dekanët e rinj në Universitetin e Tiranës, ja kush merr drejtimin në 8 fakultete
29 Gusht, 17:52 -
Zgjedhjet në Universitete, emrat e rektorëve të rinj! Në 90% mungoi gara, kandidatë pa rivalë! Në Vlorë votohet me kutitë e PS
21 Qershor, 12:33
-
Zgjedhje pa garë në universitete, Politekniku, Bujqësori, Mjekësia, Sportet e UT me nga një kandidat! Muka denoncon për doktoratura plagjiaturë
8 Qershor, 19:53
-
Akademia e Shkencave ndan çmimet ‘Pilika’ në Konferencën e Matematikës
3 Qershor, 15:23 -
Studentët e mjekësisë letër rektorit të Universitetit: Asnjë kontratë pa vendosur Kushtetuesja, pedagogët të ndalin presionin
20 Tetor 2023, 13:56 -
Viti i ri akademik, Universiteti i Tiranës thirrje studentëve: Ende kuota të lira, nxitoni të regjistroheni
7 Tetor 2023, 11:41 -
Shkodër/ Kushte më të mira, por më pak studentë në konvikte! Vëzhgimi i Report Tv, dhomat janë bosh
5 Tetor 2023, 16:38
-
Shumë degë pa studentë, auditorë kolektive të ‘Bujqësori’, shkrihen disa profile! Kuota të ilira në universitete, regjistrime deri më 18 tetor
4 Tetor 2023, 18:58
